Actividades na biblio

Pola Semana da Prensa e aproveitando que nestes días celebramos o día da Muller Traballadora, leváronse a cabo varias entrevistas na radio. Na primeira volta, o alumando de 3º e de 6º, entrevistou a dúas avoas do noso centro, que adicaron a súa vida ao coidado da horta e da familia. Na segunda volta de entrevistas, o alumnado de 2º e 5º entrevistou a tres mulleres do centro de día, que nos falaron de como foi a súa vida laboral, que empezou moi cediño, con 13 anos! e desenvolvendo traballos moi moi duros!

Toda unha aprendizaxe despois de escoitar ás nosas maiores!

Moitas grazas a todas por acompañarnos e compartir a vosa experiencia, sabiduría e recordos connosco!

Podedes escoitar as entrevistas completas no apartado de "Radio Ladeira"

https://www.edu.xunta.gal/centros/cepsabaris/?q=node/1020

https://www.edu.xunta.gal/centros/cepsabaris/?q=node/1024

O Mércores 21 de febreiro celébrase o día da lingua materna, e que mellor xeito de facelo que desfrutando da visita dunha recoñecida autora galega, María Canosa. O alumnado de 1º e 2º leu a súa obra "Lobo Ramón", libro do itinerario lector para este curso e tiveron a sorte de coñecer á autora, facerlle un milleiro de preguntas e mais de que lles asinara os libros.

Moitas grazas pola visita!

E como xa dixemos que pasaría... o venres celebramos o día da ilustración con Iván Rodríguez, autor e ilustrador do libro "Os Winkle, máis finos ca un allo" e outros moitos que temos na nosa biblio!

Foi unha mañá xenial na que Iván nos achegou ao mundo da ilustración, desfrutamos de novo da historia dos Winkle e practicamos como ilustradoras e ilustradores.

Moitas grazas Iván pola túa visita!

O martes 30 de xaneiro celébrase, ademais do día da Paz e a non violencia, o día da ilustración. Tentalibros está a organizar varias actividades para estas temáticas.

Celebraremos o día da PAZ con sesións de contacontos a cargo do alumnado de 5º e 6º para o resto da rapazada.

E para celebrar o día da ilustración contaremos cunha visita moi especial! Iván Rodríguez, autor e ilustrador do libro "Os Winkle, máis finos ca un allo", co que presetnamos o proxecto anual deste ano, compartirá connosco a mañá do venres 2 de febreiro. Ben seguro que aprendereemos moitas cousas sobre o mundo dos contos, da ilustración e sobre os Winkle! Estamos moi emocionados preparando a súa visita.

Aqueles que teñades algún libro seu podedes traelo ao cole o venres para que volo asine!!