A reputación artística de Sta Cecilia foi, probablemente, o resultado dunha mala tradución da palabra “instrumento” no libro “As Actas de santa Cecilia”. 

E así, Cecilia, comezou a representarse tocando un órgano e volveuse patroa da música. 

A vida comeza cun latexo do corazón, e do mesmo xeito, a música nace cun pulso, seu corazón, que podemos escoitar no metrónomo. 

Latido a latido, golpe a golpe: PERCUSIÓN!   

O charrasco é un instrumento que aparece nas Rondallas moi relacionado co Entroido e co Nadal.

Agora a nosa afamada e cantareira pandeireta, que como di nunha canción:

Esta miña pandeireta

ten o coiro de castrón, 

o ariño de salgueiro

e as ferreñas de latón

O uso das cunchas de vieira xa aparece nas coplas tradicionais:

Eu teño un canciño bonito abofé,  

que baila a muiñeira na punta do pé,

na punta do pe dá pinchos pra atrás

e toca nas cunchas o chascarraschás

E non podían faltar as castañolas, como nesta canción de Noite Boa:

Vamos a Belén, amigos,   
vamos, que a noite está crara, 
Mingos leve as castañolas, 
o seu pandeiro a Pascuala.

Semellante a como se constrúen as casas, a música precisa dun forte pilar sobre o que construir a melodía. A tuba co seu son grave é quen de cargar con esta responsabilidade nas súas costas ;)

A trompeta é a irmá máis pequena da familia do vento metal. 

Toda a maxia comeza na boquilla

Na familia do vento madeira, con lengüeta dobre: a gaita

A Música é un idioma que precisa dun código escrito. Igual que comezamos a ler silabeando, tamén unindo “sílabas” e “palabras” musicais chegaremos a facer frases e cancións completas!

Por último, despois de ter escoitado á percusión e ao vento chegamos á familia da corda co piano e a guitarra

A guitarra, coas súas seis cordas é a que máis acompaña en case todos os tipos de músicas 

Falando de guitarras, bandurrias e outros instrumentos parecidos… sabedes como se chama este??

Laúd!!