CEIP Da Cruz-Camos

Como sabedes, o 8 de Marzo celébrase o Día Internacional da Muller. Dende o cole fixemos moitas actividades de investigación relacionadas coa pegada da muller no mundo do cine. Atopamos moitas mulleres galegas neste mundo e fixemos investigacións sobre elas que vos amosaremos moi pronto. Paralelamente o alumnado de 1º e 2º preparou un vídeo ilustrativo no que fala do papel da muller neste ámbito. Invitámosvos a todos a que visionedes este vídeo que fixeron con moito agarimo. Bravo rapaces e rapazas. Sodes xeniais!

Pronto chega a primavera. Temos que preparar o noso horto para a chegada desta especial estación. Diana veu ao cole con múltiples actividades para irlle facendo camiño ao noso hortiño escolar. Cos maiores, os de 6º prepararon APICHI. Sabedes que é? Pois unha mestura de allo , pementa, chile e alcohol para preservalo. Axuda a afastar os insectos das nosas hortas, como o caracol , a babosa ou o pulgón. Tamén preparamos sementes de xirasois, para logo transplantar ao noso horto . Outras clases prepararon plantas aromáticas, ou tamén as estructuras, outros amorodos......Hai moito que facer nun horto escolar tan especial coma o noso. A que si?

Aos nenos e nenas de cuarto curso encántalles contarlle contos aos máis pequenos. E isto é marabilloso porque.....a quen non lle gusta que lle conten unha bonita historia ensaiada con mimo e agarimo? Pois estas e outras cousas máis son as que se cociñan nas clases dos maiores.....Algúen máis voluntario para escoitar historias?

Este 31 de Xaneiro celebramos o Día da Paz. Como moitos anos facemos, acudimos a unha carreira de varios coles do Val Miñor que se celebrou no CPI de Panxón. Foi unha  mañá de convivencia e de emocións xa que todos o noso alumnado puxo a carne sobre o asador. O diñeiro recaudado irá para as familias máis desfavorecidas da zona. Grazas chicos e chicas por poñer todo o mellor de vós.