CEIP Da Cruz-Camos

Uxía e Mönica traballan no CEMMA de Nigrán.Son bióloga e oceanógrafa, traballan cando hai animais varados, e axudan a fauna ameazada de mamíferos mariños.

O CEMMA é unha ONG galega adicada ao estudo e divulgación dos mamíferos e tartarugas mariñas de Galicia. Uxía e Mónica viñeron a explicarnos moito do seu traballo. Aos pequenos a través dun conto e aos maiores con explicacións máis complexas.  Moitas grazas por vir! Gustounos moito!

Chegou marzo ao noso horto escolar. Viñeron Diana e Raquel a axudarnos na limpeza e plantación de xirasois, facer sementeiros de pementno, amorodos, apichi.........Temos un horto estupendo e unhas monitoras que son xeniais. Canto aprendemos con elas. Moitas grazas por todo!

Por fin chegou a efeméride preferida no cole! Chegou o Entroido a nosa escola! Que contentos estamos!

Este ano o entroido no cole xirou arredor do proxecto do centro "Cruzarte na Historia", no que estudamos a arte en tódos os ámbitos a través da Historia. Deste modo os pequeniños de infantil representaron aos prehistóricos, xunto cos seus petroglifos e pintadas ancestrais. Os de primeiro e segundo representaron a etapa exipcia, os de terceiro a edade media, os de cuarto e quinto ían disfrazados de pintores da edade moderna e os maiores de sexto representaron distintos cadros da edade contemporánea. Foron disfraces nos que o apoio das familias foi fundamental. Realmente formamos un gran equipo xunto con elas. Moitas grazas pola vosa axuda e colaboración!

Que ganas tiñamos de voltar ao noso viveiro! E que ben o pasamos parnedendo, tocando e vivindo experiencias. Grazas a Lola e a Laura que nos ensinan a importancia de preservar as nosas especies do mellor modo posible: plantando futuros castiñeiros que ademáis nos levamos de volta ao cole esperando velos brotar. Por suposto, paroveitamos para limpar o entorno dos nosos piñeiros poñendo en valor o coidado do medio.

Dentro do programa Xogade (xogos en idade escolar) hoxe tocoulle ao alumnado de 4º e 5º de educación primaria realizar un  circuito na pista co colexio. Practicaron varias veces o circuito mostrando uha boa destreza no manexo da bicilceta e cun bo equilibrio ao pasar por conos e barras estreitas. Finalizamos a actividade cunha crono individual, logrando mmoi bos tempos. Por iso quedamos moi ledos e ademáis o monitor, Asier, felicitounos polo bo comportamento e polo afán de superación.

Non queremos rematar sen agradecer ás familias a colaboración polo esforzo de achegar as bicis ao centro. Grazas!