CEIP Da Cruz-Camos

Non sabiamos todo o  que se pode aprender dun horto escolar ata que chegaron Raquel e Diana a ensinarnos miles de cousas acerca do mesmo. 

Durante esta mañá todos os nenos do cole , por turnos, fomos pasando polo horto escolar , limpalo, recoller as fabas que xa creceran, e facer as seguintes plantacións........Un traballo doado co que disfrutamos a tope!

No colexio celebramos o Día do Libro por todo o grande.  Foi unha mañá moi especial que deu o pistoletazo de saída a través da Feira do Libro . Os nenos e nenas trouxeron libros para cambiar por outros , tamén podían traer alimentos para conseguir vales que lles permitían trocar nesta grande feira. Despois do recreo tivemos a actividade dos Apadriñamentos Lectores, que tanto gustan a grandes e pequenos. Cada maior lle lía un conto a un ou varios nenos e nenas . Despois ambos aprendían a facer unha flor de tea chulísima coa que se agasallaban mutuamente.

 Foi un día de convivencia e moitos momentos compartidos. Encántanos este día! E quedan máis sorpresas relacionadas coa Semana do Libro .Preparádevos!

Ao longo desta mañá os nenos e nenas de sexto acudiron a I Feira Científica do Val Miñor. Nela participaban alumnado do IES Val Miñor e o IES  Primeiro de Marzo. Ensináronlles un montón de cousas e experimentos así como xogos de origami , todo relacionado coa ciencia......E voltaron ao cole encantados amosándonos o que habían aprendido. Así se fai!

A Policía de Nigrán estivo no colexio dando unhas charlas do Plan Director. Falaron de Acoso Escolar e tamén , noutra sesión, de Prevención de Incendios Forestais. Foi unha conferencia moi didáctica en que os nenos e nenas aprenderon o importante que é o papel dos observadores nunha situación de bullying, tanto que son tanto ou máis responsables do que acontece no colexio cos abusadores. A través da rede tamén hai moitas situacións non legais que hai que atallar canto antes e avisar aos mestres e a calqueira autoridade.