Actividades na horta

Soa a campá! Ring! Comezamos a tempada do coidado do noso horto escolar. É certo que é pequeniño, pero tamén moi xeitosiño.  Facemos sementeira de rúcula e chícharos e tamén plantación de leitugas e folres. Facemos un banco de sementes de tomate e pemento. Gracias a Diana e a Raquel por ensinarnos tantas cousas sobre a horta. Sabedes un montón! Estes momentos coas mans na terra ou na herba son inesquecibles. Encántanos!

Nova mañá adicada a horta no ceip da cruz. Esta vez Diana e Raquel nos ensinaron o que era "ralear" a horta, é dicir coidar o seu solo xa que non todas as herbas que nacen son malas. Fixeron moitos experimentos: tocaron a ortiga e a frotaron con menta salvaxe descubrindo así, que non picaba!! Revisamos as plantas aromáticas que están preciosas: a lavanda servirá para cosméticos e champú, a herba Luisa para infusións xa que calma a dor de barriga, e o tomillo e orego para condimentar a comida. Como último traballo fixemos un acolchado para evitar malas herbas e guardar humidade........Foron moitas, pero que moitísimas as cousas que nos ensinaron . Estámoslles moi agradecidos!!! E levamos as primeiras leitugas a casa! Unha xornada ben aproveitada!

Unha vez máis, Diana e Raquel , da asociación Somos Terra, viñeron ao cole para facer diversas actividades con todo o alumnado: dende o máis pequeno ata os maiores. Foron moitas as actividades realizadas: plantación de aromáticas, transplante a plantiñas que levaron a casa os máis pequenos , e incluso supervisión de bichiños que non son bos para as plantas que están a medrar. 

Unha experiencia marabillosa, porque nos encanta traballar ao aire libre e xa lle temos moito cariño ao noso horto escolar. Moitas grazas!!!

No colexio celebramos o día de Rosallía plantando o que sería o seu horto favorito: cheo da súa planta preferida que agora sabemos que son os pensamentos. Por iso todo o colexio se volcou a plantar a Horta de Rosalía. Aquí vos enviamos algúns momentos desta plantación, que cremos que foi todo un éxito. Bo traballo , rapaces e rapazas!

Esta derradeir semana de febreiro fixemos dúas xornadas de obradoiros no Viveiro do colexio,: Na primeira xornada  os nenos e nenas plantaron sementes de sobreiras, carballos e castiñeiros no viveiro, con moito coidado e agarimo. E na segunda xornada, os maiores transplantaron as árbores que estaban xa crecidiñas no viveiro, e as  levaron ao medio do monte, un lugar precioso como vedes nas fotos, destinadas a reforestar esta nosa terra galega. Moitas grazas as monitoras que con tanto acerto fixeron que aprenderan un montón sobre o máis importante das ciencias naturais, como son as aplicadas á vida mesma!