Skip to Content

Impreso autodeclaración comedor curso 2024-25 Enlace

Información fin de curso Enlace

Saidas didácticas

6º na Illas Cíes

Ven, 14/06/2024 - 10:09 — admin2

O pasado martes pasamos un día estupendo nas Illas Cíes co noso alumnado de 6 de primaria. Á chegada ás Illas fixemos unha ruta ata o Faro de Cíes, onde puidemos observar as marabillosas vistas. Despois de xantar, estivemos na Praia, mergullándonos nas augas das Illas Atlánticas. Unha despedida para o noso alumnado xenial!

 

 

Quiñones de León

Mér, 17/04/2024 - 12:40 — admin2

No día de hoxe, o alumnado de 5º visitou o pazo Quiñones de León onde o profesorado da Escola de Música Municipal de Vigo nos deleitou con unha ruta guiada cargada de historia e música de diferentes estilos. 

O salón coa súa escaleira de estilo inglés, a cociña de diario, a biblioteca e o gran comedor foron algúns dos espazos onde sonaron pezas clásicas de Beethoven e  Schubert, ou outras máis modernas como o o Inspector Gadget ou a Familia Adams.

Como remate da visita houbo un pequeno paseo polos xardíns do pazo.

Escola Municipal De Música De Vigo | Esmuvigo | Vigo

Visita a Apípolis

Mér, 03/04/2024 - 12:50 — admin2

O venres 22 de abril o alumnado de 3º e 5º fixo unha saída a Apípolis para celebrar a chegada da primavera.
Alí puideron participar en distintas actividades relacionadas co mundo apícola, tales como: visitar un apiario, cociñar bolachas de mel, facer unha candea con cera e facer un percorrido guiado por unha pequena exposición sobre as abellas e as súas curiosidades.
Tivemos un tempo marabilloso e foi unha experiencia estupenda!

Xornada de escalada

Xov, 01/02/2024 - 17:15 — admin2

No día de hoxe, o alumnado de quinto e sexto de primaria visitaron as instalacións deportivas da Universidade de Vigo para coñecer a unha escaladora viguesa que actualmente é campiona de Galicia por quinta vez e subcampiona de España: Araceli Vale. O alumnado coñeceu da man de Araceli, o material necesario para a práctica deste deporte e achegounos á competición deportiva desta disciplina olímpica.

 

 

Obradoiro primeiros auxilios 6º - 2023

Ven, 24/03/2023 - 14:30 — admin

O martes, 21 de marzo, o alumnado de 6º visitou o IES Álvaro Cunqueiro, xunto cos compañeiros do CEIP Balaidos e o CEIP Escultor Acuña.
Nesta xornada asistiron a unha actividade de primeiros auxilios desenvolvida polo alumnado de 1º de Bacharelato e coordinada polo profesorado de Educación  Física. 
Realizaron, tamén, unha visita guiada por todas as instalacións do instituto, primeira toma de contacto co seu novo centro.

Concerto música

Mar, 23/04/2019 - 21:20 — admin

CONCERTO DE MÚSICA TRADICIONAL 6º

O alumnado de 6º nivel foi ver un concerto da escola viguesa de música tradicional (E TRAD) ao auditorio do Concello. Desfrutamos moitísimo coñecendo a música que durante anos se desenvolveu nos distintos barrios de Vigo e gustounos tamén moito a interpretación dos músicos, que resultaron ser profes da E TRAD. Foi xenial!!

Non podemos esquecernos de sinalar a visita do noso alcalde ao auditorio. Alí animounos a que descubrísemos o marabilloso mundo da música popular galega cantando, experimentando e practicando coas nosas pezas máis xenuinas. Grazas por todo!

 

Ver fotos

Exposición fotográfica

Mar, 05/02/2019 - 18:29 — admin

TORMENTA DE CORES

O pasado 24 de xaneiro, o alumnado de 2º asistiu á exposición Operación: tormenta de pintura, dentro do espazo Colección de Arte Afundación.

Visitamos a exposición de arte e pintamos distintas figuras para montar, en grupos, un cadroe experimentara tormenta de pintura. Os cadros volverán ao cole cando estea seca a pintura.             

Divertímonos moito!!!!!

 Ver fotos

Teatro inglés

Xov, 24/01/2019 - 21:50 — admin

TEATRO EN INGLÉS

TARZAN

O alumnado de 5º e 6º asistiu á representación da obra de teatro en lingua inglesa titulada Tarzan. Tivemos unha xornada moi agradable e proveitosa na que puxemos a proba a nosa comprensión oral en inglés mentras gozamos dunha actividade cultural.

Martina, de 5º, tivo a sorte de ser escollida para participar na obra sendo un dos personaxes máis monos. Adiviñaches quen era? Si, a mona Cheeta. E fíxoo de marabilla!

 Ver fotos

Educación viaria

Mér, 19/12/2018 - 20:54 — admin

EDUCACIÓN VIARIA 5º

O pasado venres, 14 de decembro, estiveron connosco dous representantes da Policía Municipal. Con eles coñecemos en profundidade as diferentes partes da rúa e as súas funcións. Logo saímos ás proximidades do centro para observar os incumprimentos ás normas pola banda de peóns e de condutores.
Foi unha actividade moi importante e produtiva.
Grazas á Policia Local pola súa colaboración.

 

Ver fotos

Terras de Salitre 1º

Ven, 16/11/2018 - 10:35 — admin

VISITA DE 1º Á EXPOSICIÓN

TERRAS DE SALITRE

O alumnado de 1º realizamos unha saída didáctica á exposición de Cristina Mittermeier. A paixón polo mar é o fío condutor do seu traballo e a fotografía, a ferramenta coa que defender os océanos.

Terras de Salitre mostra o vínculo que nos une co gran azul a partir das experiencias vividas por esta fotógrafa e investigadora da National Geographic xunto ás xentes do mar, desde os inuits do Ártico ás pescadoras galegas, pasando polos surfeiros de Hawai.

Aprendimos moito e pasámolo xenial!

 

Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut