A Biblioteca escolar, Moraima, é concibida como un centro de recursos permanente accesible a toda a comunidade escolar e como un espazo de integración e respecto.
A biblioteca elabora un “Plan anual de lectura” que desenvolve o noso Proxecto Lector de Centro incluído na P.X.A do centro, que concreta de xeito trimestral, facilitando o desenvolvemento das actividades propostas, de forma organizada e coordinada. Todo isto en sintonía coa labor diaria de xestión do propio espazo e os seus recursos.
O Claustro, Consello escolar e as familias consideran moi satisfactorio o grao de consecución dos obxectivos propostos na programación da biblioteca escolar e tamén da participación no PLAMBE.
Membros : Carmen Cao, Ángeles Galego, Beatriz Méndez, Ana Fernández
Horario escolar e extraescolar
Cada titoría ten reservada unha hora en horario lectivo e todas as tardes de luns a venres de 16 a 18.00 h, está atendida por todos os profesores de garda.
Todos os recreos permanece aberta de 11.30 a 12 h. ao coidado do equipo de biblioteca.
O equipo de biblioteca realiza as súas tarefas en horario lectivo:
A responsable da biblioteca conta con horario de dedicación exclusivo de catro horas semanais para realizar todas as súas funcións de coordinación do Equipo de Biblioteca. As catro integrantes do equipo colaboraron cunha hora semanal de dedicación ás tarefas da biblioteca.
A biblioteca permanece aberta de luns a venres, en horario de recreo coidada polo equipo de biblioteca e todos os días de catro a seis da tarde, agás os martes por coincidir con horario docente do profesorado.
En canto aos recreos, ademais dun mestre integrante do grupo de biblioteca, se formou a un equipo axudantes voluntarios, pertencentes ao 5º e 6º nivel de primaria, que se rotan para desenvolver un traballo de colaboración e axuda aos compañeiros que o precisan.
Obxectivos xerais
Reforzar a biblioteca continuando dentro do proxecto PLAMBE.
Consolidar o equipo de biblioteca con representantes dos niveis.
Fomentar o hábito e o gusto pola lectura e contribuír a mellorar a práctica da lectoescritura e as habilidades informativas.
Aumentar a competencia lingüística do alumnado desenvolvendo o Plan Anual Lector e Proxecto Lector do Centro.
Promover a programación anual de actividades de xeito trimestral como indica PLC do centro e no PAL.
Implicar a toda a comunidade educativa na importancia da Biblioteca para o proceso de aprendizaxe e a adquisición de competencias clave.
Espertar sensibilidades, emocións e actitudes positivas cara aos diferentes tipos de literatura e formatos.
Fomentar o uso das novas tecnoloxías como recurso para o reforzo e ampliación dos contidos traballados nas distintas áreas curriculares.
Promocionar o uso da Biblioteca como espazo de aprendizaxe e como recurso para ocupar o tempo de lecer.
Actuacións en relación coa organización e xestión
Manter actualizada a Biblioteca cun novo plan de adquisión de fondo nos distintos formatos.
Continuar co expurgo e preparación de recunchos.
Achegar a biblioteca ás familias coa promoción de actividades conxuntas de animación a lectura.
Fomentar o uso da biblioteca en horario escolar e extraescolar.
Consolidar o equipo de axudantes de biblioteca, entre os alumnos de 5º e 6º de primaria
Continuar o programa de mochilas viaxeiras.
Estimular a experiencia lectora e divulgala a través do noso blogue.
Actuacións en relación coa dinamización e fomento da lectura
Servir de eixo e nexo de actividades entre a biblioteca e o proxecto de investigación anual do centro, e outros das aulas.
Programar as actividades trimestrais e celebracións para a animación á lectura e á escritura.
Fomentar a lectura: con encontros de autores e ilustradores, sesións de contacontos, talleres e concursos de escritura creativa, exposicións, creación eventual de postos temáticos onde descubrir títulos descoñecidos e interesantes sobre diferentes temas ou xéneros (medo, poesía, teatro…), utilización de certames e concursos que fomenten o interese dos alumnos pola lectura e o coñecemento.
Continuar coa biblioteca de aula facilitando o cambio de libros trimestralmente e achegando todas as novidades que se van adquirindo.
Reforzar o programa Hora de ler co préstamo en bibliocaixas.
Coordinarse cos equipos de TIC e dinamización da lingua galega, para a realización de actividades e conmemoracións.
Actuacións en relación á formación de usuarios e educación para a competencia dixital
Continuar coa sinalización da biblioteca: carteis visibles, atraentes e claros nas súas indicacións, tanto pola ubicación como pola redacción, para facilitar a busca de información.
Desenvolver a Educación Documental e a Formación de usuarios, dunha forma sistematizada e coordinada entre ciclos e etapas.
Familiarizar a alumnos e profesores co OPAC de MEIGA, para búsqueda de libros, opinión, e todas as enormes posibilidades que ofrece.
Formar aos axudantes de biblioteca para guiar aos seus compañeiros na busca de información.
Reforzar a formación do profesorado.
Actuacións en relación co fomento da lectura e desenvolvemento do Proxecto Lector de centro
Reforzar estratexias destinadas a fomentar o hábito lector, contemplando todo tipo de soportes.
Incentivar proxectos documentais integrados para mellorar as habilidades no uso da información e favorecer as adquisición de competencias claves.
Espertar sensibilidades, emocións e actitudes positivas cara a lectura e a escritura.
Promocionar a nosa biblioteca no contorno e contactar con outras bibliotecas escolares cercanas e outras de referencia da cidade.
Criterios e procedementos de avaliación
Constatar a presenza de lectores na biblioteca diariamente e a utilización dos servizos da biblioteca por parte tanto do profesorado como do alumnado.
Realización de enquisas entre o profesorado e o alumnado de 5º e 6º nivel para avaliar o grao utilización dos recursos da biblioteca e a valoración da mesma.
Valorar o PLC e o PAL en sesións do equipo de biblioteca, Claustro e do Consello Escolar.
Rexistro anual dos instrumentos utilizados, libros de rexistro de lectores e usuarios dos recursos TIC e contabilidade de préstamos MEIGA.
Recursos da biblioteca nos procesos de ensino
A biblioteca conta cunha superficie principal organizada e adecuada para os alumnos de Primaria e un anexo complementario para fomento da lectura. Os libros de literatura están organizados en tres ciclos.Os libros informativos están organizados por temáticas con pictogramas de identificación. Tamén contamos cunha área de xestión do profesor bibliotecario.
A biblioteca ten sete novos equipos informáticos e unha tablet. Contamos con oito puntos de información na biblioteca, nos que organizamos quendas de uso nos recreos. Tamén contamos cun proxector para axudar nas distintas actividades de contacontos e conferencias, organizadas na biblioteca.
Desenvolvemos as competencias clave coa biblioteca como eixe e fonte de recursos: proxectos de investigación interdisciplinares dende a aula, preparación conxunta entre profesor e alumnos dos contidos e das saídas complementarias, elaboración de dossiers e exposicións finais aos seus compañeiros.
Realizáronse lecturas colectivas de diferentes títulos ao longo do curso en todos os niveis de Primaria, dos que logo promovemos visitas dalgúns dos autores.
Programáronse trimestralmente as distintas celebracións con distintas actividades xa resumidas anteriormente de fomento da lectura como contacontos, murais, dípticos informativos de pescudas, exposicións temáticas de libros,…
Utilízanse os recursos da biblioteca para atender á diversidade e compensar as desigualdades sociais: alumnos con adaptacións curriculares, estranxeiros, familias con problemas socioeconómicos. Fíxose unha especial programación o Día da Paz neste senso coa promoción de lecturas de valores e de educación emocional.
Materiais producidos
A través do blog da biblioteca damos difusión dos materiais elaborados e novas da biblioteca:
