Cine submarino 5º-6º

Mér, 05/12/2012 - 13:22 — elenadios

Saidas didácticas

CINE SUBMARINO - 5º E 6º

O xoves pasado, 29 de novembro, todos os alumnos e alumnas de 5º e 6º fixemos unha saída didáctica. Ao chegar ao cole tivemos media hora de clase, e despois, montámonos no autobús e dirixímonos cara ao teatro García Barbón. Unha vez alí sentámonos cada un nunha cómoda butaca, e comezamos a ver a proxección dun interesante documental.

Trataba sobre a vida que se desenvolvía no particular ecosistema da Gran Barreira de coral. Grazas a este documental descubrimos gran cantidade de datos a cerca dos seres vivos que alí habitan: que só un 7º da Gran Barreira é de coral, que existe un curioso peixe chamado Pepino de Mar, que a Gran Barreira se pode observar dende o espazo… e moitas curiosidades máis.

No documental tamén falaron sobre a contaminación e as súas consecuencias sobre os ecosistemas mariños. A frase: A vida destes animais, as súas formas e as súas cores é tan variada e confusa que case parece doutro planeta…, deunos moito que pensar.

Á maioría de nós fascináronnos os interesantes coñecementos que adquirimos durante a mañá.

SANDRA E DANIEL (5º B)