Skip to Content

Maratón infantil intercolexios 2023

Mar, 09/05/2023 - 17:42 — admin

-A Asociación de veciños de Coia organiza o domingo 11 de xuño, a partir das 10.30 horas, a XIII Maratón Infantil Intercolexios de Coia.

-Para participar deberán cumprimentar a autorización e entregala no colexio ou na asociación de veciños Cristo da Victoria, ata o 5 de xuño (data tope).

Maios 2023

Ven, 05/05/2023 - 19:19 — admin

"Aí vén o maio de frores cuberto..." escribía o gran poeta Manuel Curros Enríquez e ao noso centro tamén chegaron o maio e as flores coas que se construíron dous fermosos maios tradicionais que encheron de cor o patio.

Arredor deles as rapazas e rapaces cantaron e bailaron as coplas compostas polo alumnado de 5º e as familias tamén cantaron as súas coplas e interpretaron varias pezas con instrumentos tradicionais galegos.

O noso agradecemento a todas as persoas que colaboraron nesta actividade.

Froitómetro abril

Lun, 17/04/2023 - 15:16 — admin

Os alumnos e alumnas de 5°A recibimos o venres 14 de abril a nosa saborosa recompensa por teren sido o grupo do cole que máis froita consumiu no terceiro trimestre.

Con todo o que traía a caixa de agasallo fixemos: brochetas de froita do dragón, macedonia e incluso un guacamole con nachos.

Obradoiro primeiros auxilios 6º - 2023

Ven, 24/03/2023 - 13:30 — admin

O martes, 21 de marzo, o alumnado de 6º visitou o IES Álvaro Cunqueiro, xunto cos compañeiros do CEIP Balaidos e o CEIP Escultor Acuña.
Nesta xornada asistiron a unha actividade de primeiros auxilios desenvolvida polo alumnado de 1º de Bacharelato e coordinada polo profesorado de Educación  Física. 
Realizaron, tamén, unha visita guiada por todas as instalacións do instituto, primeira toma de contacto co seu novo centro.

Concerto didáctico Migrasóns 5º e 6º

Ven, 24/03/2023 - 09:17 — admin
Profesorado da Escola Municipal de Música Tradicional e Folk (E-TRAD)
 
O alumnado de quinto e sexto desfrutou onte, 23 de marzo, dunha saída ao auditorio do Concello na que tiveron  a sorte de gozar dun concerto de música tradicional e folk relacionada coa emigración galega.
Puideron cantar e participar, ao longo dunha hora, da historia da nosa cultura da man da música.

Charla Plan Director sobre novas tecnoloxías para 5º e 6º

Xov, 23/03/2023 - 13:48 — admin

Onte, 22 de marzo, contamos coa colaboración dun Policía Nacional que impartiu unha charla para o alumnado de 5º e 6º sobre a necesidade de manter un comportamento crítico e responsable e internet e os riscos que pode conlevar unha actitude irresponsable na rede. Ademais da información achegada contestou as numerosas dúbidas do alumnado. Agradecemos o seu bo facer, a súa empatía e a súa paciencia á hora de explicar e resolver as dúbidas.

Día Internacional da Muller 2023

Mér, 08/03/2023 - 20:15 — admin

Dentro do proxecto de centro Vivindo como galegas e galegos e con motivo da celebración do Día Internacional da Muller realizáronse actividades diversas nas aulas e o alumnado de 6º asistiu a unha charla desenvolvida por rapazas e rapaces do IES Álvaro Cunqueiro sobre esta temática.

A biblioteca tamén se sumou a esta conmemoración con exposicións e outros materiais de relevancia. Visita o seu blog

Agardamos que todas estas actividades sirvan de inspiración e motivación ás nosas alumnas e aos nosos alumnos.

Día de Rosalía de Castro 2023

Ven, 24/02/2023 - 20:49 — admin

Como cada curso homenaxeamos e lembramos a figura e obra de Rosalía de Castro.

Ademais deste orixinal mural-collage elaborado coas achegas de todos os niveis e grupos e das diferentes actividades desenvolvidas nas aulas sobre a autora e a súa obra, tivemos un taller de pandereteiras para o alumnado de 1º, 2º, 3º e 4º e un taller de mitoloxía tradicional galega para o de 5º e 6º.

Animámosvos a ler a súa obra e a desfrutar da lectura na lingua de Rosalía.

Para saber máis sobre esta autora visita no enlace a páxina da Fundación Rosalía de Castro: Enlace

Día da Paz 2023

Mar, 31/01/2023 - 13:41 — admin

Para conmemorar o Día da Paz deseñamos e desenvolvimos varias actividades interdisciplinares nas aulas.

Dende a clase de música escolleuse a canción Your tribe speaks English para traballar unha coreografía de percusión corporal que ensaiaron en música e nas diferentes titorías e dende a clase de inglés traballouse o significado da letra e a mensaxe que trae implícita. O luns 30 saímos todo o colexio ao patio para cantar e danzar formando as letras do lema Vivamos a Paz.

Así mesmo, decoramos o centro con pombas feitas con técnicas de papiroflexia e a entrada do cole encheuse de postais do refraneiro con mensaxes de paz.

Danzamos, cantamos e, sobre todo, animamos ao alumnado a pensar e a reflexionar.

Preme na imaxe para ver máis fotos

Teatro en inglés 5º e 6º

Lun, 30/01/2023 - 18:49 — admin

Hoxe, 30 de xaneiro, desenvolvimos unha actividade de comprensión de oral en inglés asistindo a unha obra de teatro titulada What monster? no centro Afundación.

O alumnado de 5º e 6º puxo a proba as súas destrezas orais e, de paso, pasouno xenial. Ademais puideron ver a dous compañeiros e unha compañeira do cole saír ao escenario para formar parte do espectáculo. Unhas actuacións improvisadas de alto nivel!
Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut