VISITA AOS MUSEOS CIENTÍFICOS DE A CORUÑA
O 24 de Xaneiro o alumnado de 3º da ESO acompañados polas profesoras Margarita Niño e Berta Barreiro do Departamento de Bioloxía e Xeoloxía foron de visita didáctica aos Museos Científicos da Coruña: A casa do home (Domus), Aquarium Finisterrae e Casa das Ciencias.
Na DOMUS os alumnos asistiron:
- A unha sesión de magnavisión (cine en 3D) na que viron a película Wild Safari que recrea un safari para ir coñecendo os cinco grandes mamíferos: o elefante, o rinoceronte, o búfalo do Cabo e o león.
- Á disección do corazón dun porco.
- Ademais poideron divertirse e reflexionar sobre as características da especie humana a través dos diferentes módulos interactivos que posúe o museo.
Unha vez rematada a visita os alumnos disfrutaron dun merecido picnic nas instalacións do museo.
No AQUARIUM FINESTERREA os alumnos asistiron á proxección do documental “Frozen” que trata do efecto regulador do xeo dos polos sobre a temperatura do planeta. A diferenza doutros documentais este proxéctase sobre unha gran pantalla esférica que fai posible observar a Terra desde fóra. Unha vez rematada a proxección os alumnos realizaron un percorrido polas súas instalacións para observar a gran biodiversidade mariña.
Na CASA DAS CIENCIAS os alumnos ademais de acercarse á ciencia a través de todas as actividades interactivas existentes na mesma asistiron á proxección titulada “Evolución” de Galileo a Darwin dentro das proxeccións ofertadas no programa planetario dixital.
