Saidas didácticas

O pasado día 4 de marzo fomos ao circuíto de bibicletas de O Castro.

Separámonos en 2 grupos; primeiro, aos dous grupos á vez, ensináronnos entre outras cousas, como sinalizar coas mans cando vas xirar ou frear na bicicleta.

Logo, os grupos separáronse; o primeiro foi cun policía moi amable chamado Antonio, colleron unha bici e un casco e montáronse nas bicis. Nese mesmo grupo formábanse tres ou catro grupos distintos, en cada grupo había un líder que ía rotando, a función dese líder era que os demais do seu grupo o seguisen.

O outro grupo era dirixido por unha muller policía tamén moi amable chamada Pilar, leváronnos a unha pequena sala onde había unhas mesas e unhas cadeiras; alí tamén o grupo foi dividido en tres ou catro. Entregáronos unhas follas de pasatempos a cada un. Pero cada grupo tiña que responder o mesmo poñéndose de acordo.

Unha vez que todos os grupos terminaran, a monitora díxonos as respostas e nós corrixímolas.

En total estivemos media hora nas bicis e media hora na aula.

FOI MOI DIVERTIDO!!!!

Ramón, Brais e Diego C.

O mércores día 20 de febrero de 2013, fomos  ao hipermercado Alcampo 1, o alumnado de 4º A, situado no noso barrio de Coia.

 Saímos facendo unha andaina curta ata chegar ao hipermercado, observando o traballo da tala  das arbores  da Av. Castelao, que posteriormente imos repoboar.

No hipermercado, estudamos as seccións, facendo unha observación  especial nas froitas tropicais. Tamén poidemos visitar cun traxe especial hixiénico os obradoiros de alimentación, como o da carne e o  pan, … as seccións de embalaxe, etc...

Finalmente, obsequiaronnos  cunha merendola no Flunch e distintos agasallos. Volvemos para o colexio andando e contentos de coñecer os interiores e as distintas seccións dun hipermercado.

O xoves pasado, 29 de novembro, todos os alumnos e alumnas de 5º e 6º fixemos unha saída didáctica. Ao chegar ao cole tivemos media hora de clase, e despois, montámonos no autobús e dirixímonos cara ao teatro García Barbón. Unha vez alí sentámonos cada un nunha cómoda butaca, e comezamos a ver a proxección dun interesante documental.

 
Trataba sobre a vida que se desenvolvía no particular ecosistema da Gran Barreira de coral. Grazas a este documental descubrimos gran cantidade de datos a cerca dos seres vivos que alí habitan: que só un 7º da Gran Barreira é de coral, que existe un curioso peixe chamado Pepino de Mar, que a Gran Barreira se pode observar dende o espazo… e moitas curiosidades máis.

Á maioría de nós fascináronnos os interesantes coñecementos que adquirimos durante a mañá.

SANDRA E DANIEL (5º B)

Un fantástico día  afundíndonos na observación do noso planeta!!