Actividades nas aulas

Chega o final de curso e toca facer balance e agradecer a colaboración do alumnado que colaborou nos distintos proxectos e actividades no centro.

Axudantes de biblioteca e mediación e gañadores dos torneos subiron ao escenario a recoller o seu agasallo e recibir o aplauso dos seus compañeiros e profesores para premiar a súa actitude de completar de xeito voluntario a súa formación participando en diferentes actividades.

Grazas pola vosa colaboración!

O alumnado de 1º A e B visitou o Museo do Mar. Fixo un percorrido polas diferentes exposicións: casco dun  barco, esqueleto dun cachalote, traxes de buzos, submarino de  Sanjurjo,...  Xogaron a pescar especies de tamaño axeitado para venda. Visitaron o acuario coas especies da nosa costa dende o Museo ata as Illas  Cies: sardiña, pinto, ollomol, congrio, linguado, centola, raia, ... Escoitaron o conto da Lenda dos Mariños por parte da monitora.

                       Foi moi divertido !!!!!!

Ver fotos

DÍA INTERNACIONAL DA MULLER 2018

EDUCANDO EN IGUALDADE

A primeira convocatoria do Día Internacional da Muller tivo lugar en 1911 en Alemaña, Austria, Dinamarca e Suíza. En 1977 a Asamblea Xeral da Organización das Nacións Unidas (ONU) proclamou o 8 de marzo como Día Internacional da Muller e da Paz Internacional.

No calendario escolar figura este día entre as conmemoracións a traballar e desde o centro invitamos ao alumnado a reflexionar sobre a desigualdade que aínda existe na nosa sociedade a través de varias actividades.

Entre elas destacamos dúas pinceladas:

• Contos en feminino: desde a biblioteca invítannos a ler unha escolma de obras na que se destaca a figura feminina.

• O alumnado de 5ºA, dentro do Proxecto Abalar, elaborou carteis dixitais nos que nos amosa o seu punto de vista.

Para a asignatura de Ciencias Sociais, os rapaces e rapazas de 5ºA contruíron o noso sistema solar empregando para elo diferentes materiais.

Non hai recuncho no universo que se lles resista a estes intrépidos astrónomos!

Ver fotos

Tras rematar o proxecto sobre os animais da granxa desenvolto o curso pasado, temos que proceder a dicir adeus ao galiñeiro.

Todo o alumnado pasou a despedirse das nosas hóspedes ás que lles agarda unha nova vida noutro espazo natural onde seguirán poñendo os seus ovos ecolóxicos.

Ai, que ricos estaban!