Saidas didácticas

O martes 11 de novembro, o alumnado de 2º visitou o Museo do Mar. Fixeron un percorrido guiado polo acuario e participaron nunha actividade chamada A casa dos mariñeiros, na que pescaron peixes, cazaron unha balea, bogaron nunha barca e coñeceron a historia de Xoán Mariño, fundador do museo.

O mércores, 30 de abril os alumnos de 4º curso fixemos unha saída a Bueu. Alí visitamos o Museo Massó e o Horto Ecolóxico Agrelo.
Na antiga factoría de conservas de pescado Massó visitamos unha exposición permanente de obxectos procedentes das antigas fábricas de salgazón e de conservas ademais doutros obxectos vinculados coas artes de pesca, sobre todo coa caza de baleas.

Despois fomos visitar o Horto ecolóxico Agrelo en Bueu, onde nos ensinaron os diferentes tipos de cultivos ecolóxicos, rego, compostaxe de residuos... Entre todos construímos un bancal: sacamos as malas herbas, sachamos, abonamos, plantamos tomates, pementos e berenxenas e despois regamos. Tamén degustamos os amorodos ecolóxicos que,  estaban moi bos!

Ver fotos

O día 16 de xaneiro o alumnado do terceiro ciclo asistimos ao Auditorio do Teatro García Barbón para ver unha obra en inglés, Time Travellers, da compañía Blue Mango.

A obra combinaba unha aventura baseada nas viaxes a través do tempo con divertidas cancións que traballamos previamente nas aulas. O resultado foi máis dunha hora de acción e diversión grazas a uns personaxes que captaron co seu bo facer a atención dos nenos.

Ver fotos

O pasado martes 4 de xuño o alumnado de 4º tivemos a sorte de gozar dunha xornada no Parque Natural do Monte Aloia xunto cos nenos e nenas, tamén de 4º, do CEIP Nº1 de Tui.

Xuntos fixemos un percorrido pola senda botánica, unha visita á casa forestal onde nos explicaron todo o que se debe saber do parque.

Tras o xantar participamos nunhas actividades lúdicas: aprendemos a montar tendas de campaña, fixemos xogos ao aire libre, asistimos a un obradoiro de primeiros auxilios impartido pola Cruz Vermella de Tui, e o que máis nos gustou: cooperamos xuntos para atopar un tesouro... Que rico estaba!

Queremos agradecer a participación dos nenos e nenas de Tui e dos seus profes, Nerea e José, sen os que esta xornada non tería sido o mesmo.

O 23 de abril, os nenos de 5º de primaria fomos ao Verbum para ver a Historia da Reconquista.

Primeiro fomos a unha sala onde vimos un vídeo e nos explicaron a historia da Reconquista de Vigo. As personaxes da Reconquista foron: Napoleón Bonaparte, Sir John Moore, Cayetano Parada, Cachamuiña e Pablo Morillo.

Tamén nos contaron que na muralla había seis portas chamadas: A Gamboa, A Laxe, O Berbés, A Falperra, Pracer e a Porta do Sol. Había tamén un castelo chamado San Sebastián.

Na segunda exposición había unha furna onde estaba a carta de rendición do Comandante Chalot. No Verbum hai unha arma dos franceses que é moi grande e pesaba moito.

Silvia Rodríguez-5º A