Saidas didácticas

Un campamento de verán e tres protagonistas un pouco diferentes serviron para tratar o tema do acoso infantil entre bromas, bailes e cancións.

O alumnado de 5º e 6º asistiu a esta función teatral en inglés na que, ademais de pasar un rato divertido, tivo que aplicar os seus coñecementos nesta lingua para non perderse nada.

E, ademais, un alumno e unha alumna de 5º saíron ao escenario a facer unha competición un tanto peculiar.

Ver galería fotográfica

O pasado luns 6 de xuño o alumnado de 1º  fixo unha saída a Vitrasa, para coñecer mellor o  transporte público  da nosa cidade.

 Os nenos estaban entusiasmados xa que os pais de dúas alumnas traballan  nesta empresa.

Subiron  no autobús turístico dando unha volta polo recinto; no eiruga, entrando no tren de lavado o que lle causou gran expectación. Tamén no autobús máis antigo facendo as diferenzas entre este e os máis modernos. No taller, onde viron como os mecánicos arranxaban aqueles autobuses avariados. Recibiron información da parte electrónica, merendaron e puideron comprobar nos monitores onde se atopaba todo o transporte da cidade falando por teléfono cun condutor.

Moitas grazas  aos guías estupendos que nos acompañaron.

VER FOTOS

Á segunda foi a vencida. O día presentouse espectacular. Fixemos o roteiro das árbores do sendeiro do Lagares con bastante éxito. A primavera, aínda incipiente, non favoreceu o recoñecemento dalgunhas árbores. O motivo: a falla de flores e follas nalgún caso.

Rematado o percorrido chegamos ás pistas do deporte e do bo tempo. Agradecemento aos monitores da Federación e ao IMD por deixarnos tres pistas de tenis durante dúas horas.

O teatro García Barbón foi o escenario da 25ª Semana de Cine Submarino de Vigo. O alumnado de 5º presenciou a proxección da película O legado das rías galegas, unha longametraxe para amosar a vida salvaxe na profundidade das augas das rías galegas coa finalidade de resaltar a débeda que Galicia ten pendente co mar.