O derradeiro día de escola antes das vacacións de semana santa, o alumnado de 4º, 5º e 6º nivel vai facer unha andaina. O percorrido empeza xusto debaixo da ponte internacional de Tui e chega ata o balneario de Caldelas de Tui, vila próxima ao noso concello.

Os nenos e nenas de 5º nivel, cóntannos cousas moi interesantes destas dúas poboacións, atentos! pois dannos varias pistas sobre as respostas as preguntas que a mestra Luz puxo no caderno de campo que hai que completar, escoitade!!