Skip to Content

INSTRUCIÓNS PARA A RESERVA DE PRAZA EN CENTRO DE ADSCRICIÓN

Lun, 10/01/2022 - 17:37 — Paula

 

 

 Preme no enlace para consultar a normativa: 

 

NORMATIVA QUE REGULA O PROCESO

  • O proceso de admisión que da comezo no día de mañá é soamente para a realización de solicitude nos centros adscritos a cada CEIP. No noso caso, o centro adscrito é o IES Ramón Menéndez Pidal- Zalaeta. 

 

  • Todas as familias interesadas en realizar o proceso de solicitude de praza no IES Ramón Menéndez Pidal poderán realizalo a partires de mañá 11 de xaneiro e ata o 8 de febreiro, ambos inclusive. 

 

  • A solicitude poderá presentarse de acordo con algunha das opcións existentes no seguinte enlace: 

PRESENTACIÓN DE SOLICITUDES

  • No caso de elixir a opción de entrega no centro de orixe (o noso centro), poden facela na secretaría (solicitando cita previa por correo electrónico á dirección: ceip.zalaeta@edu.xunta.gal)

 

  • Se queren unha copia do formulario normalizado poden solicitala chamando ao número de teléfono do centro: 981-21-17-47 e se fará entrega do mesmo a alumna/o. 

 FORMULARIO CASTELÁN

FORMULARIO GALEGO

Poden consultar a páxina da Consellería para máis información. Premen no seguinte enlace:

PAXINA CONSELLERÍA ADMISIÓN ALUMNADO 

Para calquera dúbida ou consulta quedamos á súa disposición vía telefónica ou a través do correo electrónico. 

A directora, 

Paula Díaz Gato.

 

2022: novas aventuras, novos retos, novos soños por cumprir!

Ven, 31/12/2021 - 19:21 — Paula

 

 

A AVENTURA COMEZA DE NOVO!

Mar, 30/11/2021 - 13:33 — Paula

Un ano mais Golfi trae novidades... ATENCIÓN!

 

25 N - A NOSA APORTACIÓN AO DÍA INTERNACIONAL CONTRA A VIOLENCIA DE XÉNERO

Xov, 25/11/2021 - 11:31 — Paula

 

 

"TODOS SOMOS FOLLAS DO MESMO SOUTO, PEIXES DO MESMO MAR"

Eleccións Consello Escolar

Dom, 21/11/2021 - 23:00 — Paula

 

O luns, día 22 de novembro, en horario de 17.00 a 20.00 horas, celébrase neste centro a votación para a elección de representantes de nais/pais/ titores legais do Consello Escolar do colexio.

Teñen dereito a votar todas as persoas que figuren no censo, aprobado pola Xunta Electoral e publicado no taboleiro interior do centro. 

O voto será directo, secreto e non delegable. As papeletas facilitaranse no centro.

Cada elector deberá marcar cunha cruz un máximo de 2 nomes das persoas candidatas (a relación destas está publicada no taboleiro interior do centro) debendo acreditar a súa personalidade, no momento de votar, mediante a exhibición do DNI ou similar.

A dirección deste colexio anima a todas/os a que participen na votación, como unha forma mais de colaboración na organización do centro, a fin de conseguir a máxima representatividade posible de nais, pais, titores legais no Consello Escolar.

DISTRIBUICIÓN DE MÁSCARAS PARA O ALUMNADO DE EDUCACIÓN PRIMARIA

Lun, 15/11/2021 - 16:40 — Paula

 

Segundo o regulado na ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta Consellería, asi coma,  en centros privados concertados no curso 2010/22, (código de procedemento ED330E).

 

Os criterios de procedemento de distribución de máscaras entre o alumnado de educación primaria son os seguintes:

PRESENTACIÓN DE SOLICITUDES:

 

  • O prazo para a presentación das mesmas é de 10 días hábiles contados a partir do día seguinte ao da publicación da ORDE no DOG. Polo que será do luns 15 de novembro ata o venres 26 de novembro; ambos inclusive.
  • As solicitudes soamente se poden presentar de maneira presencial no centro. Para elo teredes que solicitar cita previa a través de:

 

                  - Número de teléfono do centro: 981-21-17-47

 

                -Correo electrónico do centro: ceip.zalaeta@edu.xunta.gal

 

DOCUMENTACIÓN:

 

As persoas interesadas deberán achegar coa solicitude (anexo I que poderán descargar en arquivos adxuntos) a seguinte documentación:

 

  • Anexo II (comprobación de datos dos membros computables da unidade familiar). Poden descargala en arquivos adxuntos.
  • Copia do Libro de familia ou documento equivalente, onde figuren o alumno/a e os demais membros da unidade familiar. 
  • Outra documentación acreditativa en caso de separación ou divorcio, sentenza xudicial e ou/convenio regular onde conste a atribución da custodia do/a menor.
  • Certificado de grao de discapacidade do/a alumno/a, ou de calquera membro da familia recoñecido por un órgano que non pertenza á Xunta de Galicia.
  • Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

Mais información:

SEDE ELECTRÓNICA

UN SAMAÍN DE MEDO!

Xov, 11/11/2021 - 08:35 — Paula

Queredes ver como foi o Samaín no noso colexio? Mirade!

 

Moitas grazas familias pola vosa activa e constante participación en todas as actividades que propoñemos!

Talleres "Xogando en igualdade"

Mar, 09/11/2021 - 08:41 — Paula

 

A ANPA do noso centro presentou o pasado curso un proxecto para participar na solicitude de axudas económicas ás ANPAS destinadas á "promoción da igualdade entre homes e mulleres, e a prevención e loita contra a violencia cara as mulleres"

Esa axuda foi concedida e o proxecto iniciou a súa marcha a pasada semana a través duns talleres titulados "xogando en igualdade", nos que a empresa Rexenerando busca entre outros, traballar os seguintes obxectivos: sensibilizar na importancia de traballar pola igualdade, visibilizar roles e estereotipos de xénero que poden estar presentes, e buscar as formas nas que consigamos un patio máis dinámico e inclusivo.

Os talleres realízanse en todas as aulas de educación primaria e teñen unha duración de dous sesións en cada unha das clases.

Poderedes encontrar mais información na páxina na ANPA, onde nos explican a relación destes talleres co proxecto e actividades de "Dinamización do patio de Zalaeta" que comezamos xuntos o pasado curso escolar.

 

Premen na imáxe:

 

 

 

 

Programación Xeral Anual

Xov, 28/10/2021 - 07:33 — Paula

Prezadas familias,

Premen na imáxe para poder acceder á Programación Xeral Anual, aprobada en sesión de Consello Escolar o 18 de outubro.

MODIFICACIÓN NAS ENTRADAS E SAÍDAS AO CENTRO EDUCATIVO

Mér, 29/09/2021 - 12:54 — Paula

 Prezadas familias:

 

Para intentar evitar aglomeracións nas inmediacións do centro educativo, aprobouse tanto en reunión de claustro como de consello escolar, a modificación das entradas e saídas ao centro educativo, que se modificará tamén no Protocolo de adaptación á situación Covid-19 do noso centro.

 

Dende o luns día 4 de outubro a organización de entradas e saídas ao centro educativo será a seguinte:

 Os cursos de 4º, 3º, 2º e 1º de educación primaria:

 

 

Os cursos de 6º e 5º de educación primaria e de todos os cursos de educación infantil:

 

 A modificación de entradas e saídas será efectiva dende o luns 4 de outubro.

 

 Moitas grazas pola vosa colaboración.

 

Distribuir contido


by Dr. Radut