Estimadas familias:
Queremos informarvos que co comezo do curso se porá en marcha o comedor escolar con servicio de cátering e xestionado pola Xunta de Galicia para aquelas familias que o precisen.
Todas as familias interesadas en solicitar este servizo para o vindeiro curso terán que recoller a inscrición e a autodeclaración (onde se determina a cantidade a pagar por cada familia) no colexio ou descargar os impresos na web do centro.
É imprescindible que os dous impresos estean asinados por ambos proxenitores e haberá que presentar con esta documentación un certificado de empadroamento actual.
O prazo para facelo será ata o 1 de xullo en horario de 9 a 14 horas na secretaría do centro.
En caso de que haxa máis solicitudes que prazas, poderemos requirir algunha outra documentación.
Á ATENCIÓN DOS PAIS/NAIS D@S ALUMN@S DE 6º DE E.I. E DE 1º, 2º, 3º, 4º, 5º E 6º DE E.P.
No D.O.G. nº 96 do luns 20 de maio do presente, publícase na Orde do 7 de maio do 2024 para a solicitude de axudas para a participación no programa de fondo de libros (3º e 4º de Educación Primaria), para a adquisición de libros de texto (1º e 2º de Educación Primaria), alumnado NEAE e para a adquisición de material escolar para o curso 2024/25 para os alumnos de 1º,2º,3º,4º,5º e 6º de Educación Primaria e de 1º de Educación Secunda
O prazo de presentación de solicitudes será do 21 de maio ata o 21 de xuño ámbolos dous días incluídos.
Os alumnos de 6º de Educación Primaria presentarán a documentación no IES ou no centro educativo onde vaian cursar estudos no vindeiro curso.
As solicitudes pódense recoller no Colexio e tamén se poden descargar en formato pdf no portal educativo e na nosa páxina web.
Poderase presentar a solicitude na sede electrónica da Xunta de Galicia ou en papel de xeito presencial no colexio.
Non ter devoltos os libros do presente curso é causa de exclusión.
Máis información no arquivo adxunto.
Estimadas familias:
Desde o pasado día 30 de abril e ata o vindeiro 13 de setembro estará aberto o prazo para a presentación de solicitudes das Becas e axudas para o alumnado NEAE.
Prazo de matrícula do 1 ao 20 de marzo.
A normativa que regula este procedemento é a seguinte:
Decreto 13/2022, do 3 de febreiro, polo que se regula a admisión e alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006 , do 3 de maio, de educación.
Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
Para presentar unha solicitude deberase seguir algunha destas opcións:
Na solicitude poderán pedir ata seis colexios por orde de preferencia e entregarase no centro solicitado en primeiro lugar. Cada unha é única para cada alumno/a (polo tanto non se pode presentar en varios colexios), ten carácter vinculante e a súa presentación implica que son certos os datos indicados nela.
Só se podería presentar outra se se renuncia á solicitude anterior (para iso tería que indicalo no recadro correspondente na nova solicitude que se presente). A existencia de varias solicitudes (sen que haxa renuncia) poderá ser causa de perda do dereito a participar no procedemento.
Esta é toda a documentación necesaria que deberán presentar no noso centro.
Ademais, poderán recoller no colexio a partir do día 27 de febreiro tanto a solicitude coma os impresos para cumprimentar do noso centro.
O alumnado que este ano estivo matriculado no noso centro ten dereito de permanencia, polo que xa ten automaticamente reservada praza para o vindeiro curso no noso centro.
A área de influencia é o conxunto de todos os domicilios catastrais aos que se lle outorga a maior puntuación polo criterio de proximidade ao centro educativo. A zona de influencia do noso centro é a parroquia de Cans, parroquia de Carracido e as rúas do casco urbano ata a vía do tren agás as incluídas na área de Influencia do CEIP Plurilingüe de Atios. Máis concretamente sería así:
ZONA DO CEIP PLURILINGÜE DE ATIOS:
Parroquia de Atios
Rúa Domingo Bueno dende o nº 62 e o parque infantil ata o final
Rúa Sebastián, dende o nº 50 e 59 ata o final
Rúa Manuel Rodríguez, dende o nº 84 e 65 ata o final
Rúa Leandro Diz, dende o nº 6 e 13 ata o final da mesma
Rúa Carrola completa
ZONA DO CEIP PLURILINGÜE XOSÉ FERNÁDEZ LÓPEZ :
Parroquia de Cans
Parroquia de Carracido
Rúas do casco urbano ata a vía do tren agás as incluídas na área de Influencia do CEIP de Atios.
No referente ao transporte escolar hai que ter en conta o seguinte:
1- Será usuario lexítimo o alumnado co domicilio a unha distancia do colexio superior a 2 km.
2- O alumnado co domicilio a unha distancia do colexio entre 2 e 1 km poderá facer uso deste servizo sempre e cando queden prazas vacantes no autobús concreto.
3- Non ten dereito ao uso deste servizo o alumnado cuxo domicilio non corresponda á área de influencia do colexio. Poderase autorizar dun xeito excepcional se quedan prazas vacantes no autobús concreto.
As autorizacións concedidas nos puntos 2 e 3 serán unicamente para o curso 2024/2025 e perderán dita praza se se precisa para un/unha alumno/a con dereito preferente á mesma.
En canto aos postos escolares, nos niveis de inicio de cada etapa educativa das ofertadas neste centro (4º EI e 1º EP), poranse a disposición da Administración educativa 3 postos escolares por unidade para o alumnado con NEAE, que serán asignados con prioridade pola Comisión de escolarización / Servizo Territorial de Inspección Educativa segundo corresponda. No caso de non adxudicarse a este alumnado, asignaríanse ao resto no procedemento de admisión ordinario.
Data de publicación da listaxe provisional de admitidos e non admitidos o 25 de abril no taboleiro interior do centro.
Data de publicación da listaxe definitiva de admitidos e non admitidos o 15 de maio no taboleiro interior do centro.
Theme by Danetsoft and Danang Probo Sayekti inspired by Maksimer