ACTIDADES ALTERNATIVAS PARA EDUCACIÓN INFANTIL

Boa tarde familias: 

As profes Chus e Alejandra quéremosvos dicir, primeiro de todo, que vos botamos en falta. Fáltannos os sorrisos de cada día, a ledicia nas miradas, as gañas de aprender e compartir, as vosas inquedanzas, temores, falcatruadas... os vosos momentos, que tamén son nosos. 

É difícil pasar por esta situación que vos costará entender e vivir, pero sabemos, que coa axuda de mamá e papá, seredes capaces de ser, unha vez máis, os héroes e heroínas de Xermade. 

E a pesar da situación, sabemos que seguiredes sendo os mesmos/as: os/as que falan cos silencios, os/as que apertan coas miradas, os/as que bican na distancia, os/as que alumean o día a día dos vosos maiores. E sabemos tamén, porque vos coñecemos, que estaredes desexando voltar ao color e á calor das aulas, para poder encher novamente, os ocos tan grandes que quedaron cando vos marchastes. 

E aquí vos estaremos agardando, con apertas e bicos acugulados (que se darán na medida en que nos deixen, pero saberemos facelo ben, porque é o noso maior desexo), con historias preparadas, cancións, bailes, risas e moito, moitísimo AMOR, porque sodes o motor do noso día a día. 

Querémosvos pequenos/as. 

As profes de infantil

E para os papás, deixámosvos uns arquivos, para que, so si queredes, vaiades facendo con eles, para que teñan recursos para pasar os seu tempo, pero procurade que na semana Santa, non fagan nada, é tempo de desconexión. As fichas de lectura, son de repaso para os maiores (5/6 aniños), así como o traballo da letra "LL", e os números do 1 ao 9. Para os máis pequeniños, tedes as fichas da letra "o", e o repaso dos números do 1 ao 6. O resto do material, é valido para todos

Moito ánimo e moita saúde. 

Apertas