No DOG do 20 de maio de 2024, saiu publicada a Orde do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/2025.
Poderase solicitar:
- Fondo solidario de libros de texto do alumnado matriculado en 3º e 4º de E.P., xa que 5º e 6º está a usar Edixgal.
- Axudas para adquirir libros de texto destinadas ao alumnado de 1º e 2º de E.Primaria.
- Axudas para material escolar destinadas ao alumnado matriculado en E.Primaria.
NORMAS
- O prazo de presentación de solicitudes será do 21 de maio ao 21 de xuño.
- So se presentará unha única solicitude para todos os fillos admitidos no mesmo centro para o curso 2024/2025 (en caso de presentar a solicitude de xeito presencial).
-As solicitudes poderanse presentar dos seguintes xeitos:
- Cubrindo os Anexos I e II e presentándoos no centro.
- Presentando as solicitudes directamente na Sede electrónica da Xunta de Galicia https://sede.xunta.gal/portada
DOCUMENTACIÓN A PRESENTAR
- En caso de separación ou divorcio deberase achegar a sentenza xudicial e/ou convenio regulador onde cosnte a atribución da custodia do/a menor.
- Copia do libro de familia, onde figuren os membros computables da unidade familiar.
- Certificado acreditativo do grao de discapacidade.
