NOVAS PROPOSTAS DE TRABALLO. SEMANA DO 23 AO 27 DE MARZO

Benqueridas familias,  seguindo co tempo de confinamento dende a Dirección da escola queremos continuar a facer propostas de traballo en familia.

Estamos moi contentos coa boa aceptación da cadea de concienciación # Na Casa e queremos que continuedes a mandarnos as vosas mensaxes, o obxectivo, ter mensaxes para tantos días como dure o confinamento.

Agora toca unha nova proposta:

crear unha mascota en 3 D

Unha mascota á que lle podamos poñer un nome e contar as nosas cousas, esas cousas que ao mellor non lle contamos a ninguén-

- Que quere dicir en 3 D? pois que non vale un debuxo ( que ten 2 D), ten que ser unha figura que se teña en pé , é dicir: con  altura , anchura e lonxitude

- E con que a construímos? Pois con materiais de refugallo que atopemos pola casa estes días : caixas, envoltorios, arames, botóns, lá, roupa vella …

- E de que tamaño? Do que queirades. A cousa é que sexa chula.

Mandade as fotos ou vídeos ( se é que se move) dende o luns 23 de marzo ata o luns 6 de abril .

Faremos unha gran exposición virtual no Blogue :” un pase de modelos ".

Coidádea moi ben , porque teredes que traela ao cole en canto botemos fora aos dichosos virus, será O GRAN ENCONTRO MASCOTEIRO  DO  RESÍO.

    Animádevos!    Participade!    

      Haberá Pikeurospara todos sobre todo para as mais votadas.

Aproveitamos ademáis para informarvos de varias propostas educativas que xorden de distintos organismos, facemos fincapé en que estas propostas son só de caracter informativo e complementario, e que non suplen en ningún momento ás propostas nas que o profesorado leva traballando dende o  pasado venres día 13.

https://www.xunta.gal/notas-de-prensa/-/nova/48051/xunta-propon-unha-programacion-lecer-cultural-para-toda-familia-eido-dixital

4º EI

5º EI

6º EI

1º EP

2º EP

3º EP

4º EP

5º EP: O traballo lévase a cabo a través do Entorno Virtual de Aprendizaxe EDIXGAL

6º EP: O traballo continúa a ser enviado por ecorreo.