CROSS ESCOLAR

Posted Xaneiro 20th, 2020 by admin
A nosa escola fixo a inscrición no programa Xogos Galegos Deportivos en Idade Escolar, coñecido como XOGADE co obxectivo de fomentar  unha práctica deportiva, educativa e saudable. Procuramos difundir os valores da competición dende unha perspectiva regrada facilitándolle ao alumnado a práctica dun deporte con grande tradición na nosa terra.

 

Nesta primeira fase, participou todo o alumnado da escola dende segundo de primaria ata sexto. Hoxe, varios alumn@s, se clasificaron para a FASE PROVINCIAL,  e posteriormente, destes, algúns ou todos se clasificarán para a fase autonómica.

 

A actividade desenvolveuse nun entorno fermoso, o Parque de Castrelos, e gozamos dunha xornada matinal marabillosa.

 

Se premedes na imaxe podedes gozar cos distintos momentos da carreira.

 

https://photos.app.goo.gl/U7XP76ySYaNUVMBWA

 

VISITA Á BIBLIOTECA JUAN CAMPAÑEL

Posted Xaneiro 20th, 2020 by admin
Os nenos e nenas de 4° e 6° de educación infantil tiveron unha saída didáctica á biblioteca Juan Compañel. Nela, o bibliotecario Cesar, comezou por ensinarlle as normas básicas que rixen este tipo de establecementos, ensinoulles as instalacións e recursos dispoñibles e cómo acceder a eles coa familia no tempo de lecer. Ademáis, contoulles un conto moi divertido e presentoulles a unha morea de personaxes que eran protagonistas noutras historias. A visita rematou coa manipulación dos contos por parte dos nenos e nenas.
Foi unha visita moi entretida e de grande interés para os cativos/as. Dende a escola, convidámosvos a ir en familia a gozar das actividades e recursos que ofrecen.

https://photos.app.goo.gl/RQS3Au2guxrcWYa18

FESTIVAL DE NADAL

Posted Xaneiro 19th, 2020 by admin
Chegou o día.. Logo de moitos ensaios, hoxe tocou actuar diante dun público moi especial, as nosas familias. Esperamos que fose do voso agrado.
 Nós pasámolo moi ben!
Unha mágoa a choiva que fixo que as nosas tradicionais badaladas non poidesen ser no exterior, a pesares diso, bailamos sen parar.
Agradecer á ANPA a súa colaboración para que todo saíse fenomenal. Grazas, polo chocolate con churros, grazas polas uvas,...

Comezamos o día, coa visita do paxe real.

A continuación, deu comezo o festival, presenta o alumnado do sexto curso de primaria,

Abren o festival os máis cativos da escola, 4º EI.

Seguíronlle os de 5º EI


e para finalizar, os ECO-ELFOS DE 6º EI.

A continuación o alumnado do primeiro curso de primaria cantaron unha panxoliña coñecida por todos.

e finalizaron esta parte do festival o alumnado do segundo curso de primaria cunha obriña de teatro titulada "Os ratos e a montaña"


Chegado o descanso a ANPA ofreceu a mestres e alumnos un chocolate con churros e gozamos dun merecido tempo de lecer.
Retomouse o festival dun xeito moi festivo, o alumnado do terceiro curso cantou unha animosa panxoliña,

os de cuarto, bailaron un hip-hop

e os de quinto, representaron unha obriña de teatro do seu mestre Juan.

Para rematar, os nenos e nenas do sexto curso cantaron unha panxoliña en inglés, demostrando que somos unha escola plurilingüe.

So restaron as badaladas para dar a benvida ao ano 2020 e o baile final.

ÁRBORE DE NADAL COLABORATIVA

Posted Decembro 31st, 2019 by admin
A nosa árbore de Nadal xa está rematada grazas a colaboración de tod@s, en especial, grazas, a un pequeno grupo de nais que estivo hoxe traballando arreo para poder rematala.
BO NADAL!

PROXECTOS e PROGRAMAS que desenvolvemos na nosa escola

in
  

  

     
   
 
 
   
 

A ESCOLA PÚBLICA

in


O alumnado de 5º de Primaria da nosa escola elaborou no curso 2012-2013 este vídeo no que expresan que é para eles a ESCOLA PÚBLICA. As conclusións expresadas e as gravacións son obra exclusiva do propio alumnado. Se queres apoiar o ensino publico, INFÓRMATE e preme aquí

 

ESCOLA PÚBLICA PARA TODOS

Distribuir contido

Back to top