Benqueridas familias: estamos a vivir un terceiro trimestre atípico e debido a isto, a nivel estatal, sairon unhas orientacións (publicadas no BOE) e con data 27 de abril unhas
Instruccións da Consellería.

Como xa sabedes, dende o pasado martes 14 de abril, o profesorado, en especial os titores, está en contacto coas familias polos medios dos que dispón (correo electrónico, apps de comunicación, teléfono…) sempre tendo en conta a protección do dereito á privacidade de cada mestr@; polo que as chamadas telefónicas fanse a través dun número oculto.Estas chamadas  teñen o obxecto de coñecer de primeira man como vos atopades, alumnos e familias. O profesorado ten a  obriga de identificar e tentar contactar  co alumnado desconectado ou non localizado.

Doutra banda, todos temos que adaptarnos a un novo modelo de ensino - aprendizaxe, polo que, profesorado e alumnado, deben contar cos recursos tecnolóxicos precisos para desenvolver  as tarefas escolares. Logo dun labor tedioso dos mestr@s, de detección de problemas,  a través da Consellería conseguíronse medios tecnolóxicos en  empréstito  (computadores), e a través do Servizo de voluntariado do Concello,  achegaronse os computadores e materiais ás familias. 

No que atinxe ás programacións do tercceiro trimestre, houberon de ser revisadas e refeitas para flexibilizar os plans de traballo. Dende os seus domicilios, os mestres, están a desenvolver actividades de recuperación, repaso e reforzo. E, de ser  posible, ampliación das aprendizaxes anteriores .

Do mesmo xeito, a avaliación tamén   será adaptada ás circunstancias e terá a finalidade de que o alumnado poida continuar avanzando na súa formación, agás algún caso excepcional. Esta avaliación terá un carácter diagnóstico e formativo,  nela valoraranse os avances realizados polo alumnado, e a detectaranse dos posibles atrasos que se puideran producir. O obxectivo é planificar as medidas recuperación necesarias e programar o vindeiro curso 2020/2021.

A finais de curso farase un informe  individual valorativo final. Este informe, terá   carácter informativo e orientador. Nel recollerase o traballo desenvolvido polos alumn@s e os atrasos que se puideran ter producido nas aprendizaxes e que, polo tanto,  deberán ser obxecto de tratamento durante o curso 2020/21. Por este motivo é moi importante facilitar a información ao profesorado sobre a situación de cada familia e a evolución do seu alumnado.

Criterios de avaliación:

Segundo as  Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia: “A  avaliación e cualificación adaptarase, tendo en consideración que se realizará sobre as aprendizaxes desenvolvidas durante os dous primeiros trimestres do curso, así como sobre as actividades de reforzo, recuperación ou ampliación de aprendizaxes realizadas dende a declaración do estado de alarma polo Real Decreto 463/2020, sempre e cando beneficie  ao  alumnado.”

A avaliación e a cualificación realizarase, tendo en conta as aprendizaxes adquiridas nos dous primeros trimestres do curso, así como as actividades desenvolvidas durante o terceiro trimestre. Esta avaliación será contínua é  a avaliación das actividades, na fase non presencial, sempre terá unha valoración  positiva para a cualificación do alumnado.

PREME NOS RECADROS PARA A LECTURA DAS ADAPTACIÓNS DOS CURSOS CORRESPONDIENTES

AVISO IMPORTANTE

PRAZO DE SOLICITUDES DE ADMISIÓN

DO 11 AO 18 DE MAIO

Restablecerase o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.

Para poder facer a preinscrición no noso centro, DESCARGUE o documento, CÚBRAO  (dixitalmente ou a man) e PIDA CITA  para ser atendido no horario establecido ao efecto.

 Premer aquí para descargar  e cubrir dixitalmente o documento.

A solicitude de admisión poderá facerse na aplicación seguinte ou presencialmente, pedindo cita previa no 886120860.

• O horario de presentación de solicitudes na secretaría do centro será de 10 a 12h. previa petición de cita telefónica.
• Para garantir a seguridade sanitaria, só pode vir unha persoa, e NON poderán vir acompañados polos nen@s.
• Deben acudir ao centro provistos de luvas e tapabocas.

https://www.edu.xunta.es/admisionalumnado/

Anexo II: Formulario de admisión

Manuais para as familias:

• Solicitudes de reserva.
• Solicitudes de admisión

PRAZOS:
● Publicación das listaxes provisionais do alumnado admitido e non admitido: antes do 9 de xuño de 2020.

● Publicación das listaxes definitivas do alumnado admitido e non admitido: ata o 26 de xuño de 2020

● Formalización da matrícula  do 1 ao 10 xullo.

RESOLUCIÓN DO 5 DE MAIO DE 2020

Un novo agasallo para o noso alumnado. Esperamos que todos vos atopedes ben. Ogallá vos guste o noso traballo.

O alumnado do quinto e sexto curso de primaria escenifican o tema "Chea de vida" de Gaudi Galego para lembrarlle a toda a comunidade educativa que máis cedo que tarde VOLVEREMOS VERNOS.

Benqueridas familias, o ESPAZO ABALAR  será o medio a través do que se recibirán os boletíns de cualificacións correspondientes á segunda avaliación que ían ser entregados de xeito persoal o pasado martes día 24.

Neste espazo sairán publicadas o venres día 3 de abril ás 10h.

Para poder recibilas deberán ter descargada a App abalarMóbil

https://youtu.be/BylDZ7cY2iA

A Consellería sacará o vindeiro luns unha Orde onde se regulan axudas para as familias usuarias do servizo de Comedor escolar, para os gratuítos e os que pagan 1€.

Máis información:

• ORDE do 27 de marzo 2020 pola que se establecen as bases reguladoras das axudas de carácter directo as familias do alumnado beneficiario de bolsas de comedor escolar nos centros públicos non universitarios xestionados pola Consellería de Educación, Universidade e Formación Profesional, durante a situación de suspensión do servizo de comedor como consecuencia do COVID-19 con levantamento dos prazos de suspensión do procedemento

AXUDAS COMEDOR ESCOLAR XESTIÓN INDIRECTA.CORONAVIRUS: COVID-19

1.   A qué persoas vai dirixido?

A presente orde ten por obxecto establecer as bases reguladoras dunha liña de axudas as familias do alumnado que ostenta a condición de gratuíto e do que por renda familiar resulta pagador dun euro nos centros educativos públicos non universitarios xestionados pola Consellería de Educación, Universidade e Formación Profesional que imparten os niveis de ensinanza básica obrigatoria no segundo ciclo de educación infantil, en educación primaria e no ensino secundario obrigatorio. E dicir, a familias que durante o curso escolar pagan 0 euros polo comedor, ou 1€ polo mesmo.

2.   En qué consiste a axuda?

As axudas económicas previstas consisten nunha compensación do custo diario do menú por comensal, entendido como o servizo de comida ao mediodía, e polos días de lectivos de suspensión da prestación do servizo como consecuencia das medidas adoptadas pola pandemia do COVID-19. E dicir, axúdase economicamente a manutención do alumno/a que é o que se viña a facer no centro educativo, por iso non pagaba os 4,50€ de comedor por día que sería o tope máximo a pagar.

3.   Qué axuda se vai a percibir?

·        (2,50 €) no casos de alumnado gratuidade total

·         (1,50 €) para o alumnado que paga 1€

4.Qué días cubre esta axuda?

·        Marzo: dende o día 16 ata o 31 de marzo: en total só 11 días lectivos.

·        Abril: dende o 1 ó 3 de abril: en total só 3 días.

·        Prórroga: si se prolonga outros 15 días cubriría (días lectivos) ata o 1 de maio(non incluído por ser festivo)

4.   Cómo se vai a pagar?

En dous pagamentos.

·        1 pagamento: polo período de marzo e o de abril ata semana santa (3 abril).

·        2 pagamento: si se prorroga unha terceira situación de alarma ata o 1 de maio.

5.   Quen son os beneficiarios?

Familias que cumpren os requisitos económicos (punto 2) cun ou máis fillos  escolarizados en centros educativos ó cargo da Consellería de Educación.

6.   Cómo presentar a solicitude e qué prazo hai?

Prazo: dende o día 31 de marzo o 6 de abril, ambos inclusive.

Presentación:

·        Forma electrónica sempre, de dúas formas:

o   1. Formulario normalizado dispoñible na sede electrónica da Xunta de Galicia, https://sede.xunta.gal

Para elo é necesario ter certificado dixital, ou a chave 365.

o   2. Dirección do centro: enviando un correo electrónico a ceip.virxe.rocio @edu.xunta.gal

cos seguintes datos:

·        DNI do pai ou nai:

·        Pagamento: gratuidade total ou abono de 1€

·        Nome do alumno/a:

·        Nome do pai/nai:

·        Número de cuenta bancaria:

7.   Publicítase a resolución das familias beneficiadas?

NON, porque son datos de especial vulnerabilidade, entón non será exposto publicamente as familias beneficiadas de acordo artigo 17 da Lei 1/2016, do 18 de xaneiro, de transparencia e bo goberno, e co artigo 15 da Lei 9/2007, do 13 de xuño, de subvencións de Galicia, a Consellería de Educación, Universidade e Formación Profesional.

Aclaración: cada familia saberá si é beneficiaria por ingreso de conta bancaria.

8.   Canto tempo tarda en resolverse a resolución?

10 días, desde que finalice o prazo de presentación de solicitudes.

9.   Canto tempo tarda a Xunta de Galicia en aboar o pagamento?

5 díasdende que salga a resolución.