Hoxe tivemos no centro a Felipe Castro, Axente medioambiental da Xunta de Galicia, para conmemorar o Día Mundial do Medio Ambiente que se celebra o 5 de xuño.

   E que mellor para coidar a natureza que previr un dos maiores males que poden afectala como son os incendios?

   Para evitalos non faremos fogatas, nin tiraremos lixo que poida arder nin deixaremos que os adultos tiren as cabichas; pero se non se poden evitar, para loitar contra eles traballan as brigadas utilizando medios aéreos e terrestres.

    Felipe tamén nos mostrou a roupa e outros complementos que levan cando teñen que saír a loitar contra o lume: roupa inífuga, casco, gafas, unha cantimplora con auga, emisoras, lanterna...

 Esperemos que este verán se poidan evitar moitos incendios e que todos os que interveñen na súa extinción non teñan que saír ao monte a apagar o lume!!

    Hoxe visitáronnos dous membros do Seprona a través do Programa Voz Natura para falarnos das consecuencias e do impacto dos incendios forestais na natureza e de como se investiga todo o relacionado con eles: causas que os provocan, orixe, diferentes tipos de incendio dependendo da orografía e do clima de cada lugar.

    Tamén fixeron fincapé nos medios de extinción que se necesitan para sofocalos e o custo que finalmente repercute en toda a sociedade: aproximadamente unha hora de helicóptero custa sobre 4.000 € e unha hora de hidroavión, 6.000 €.

     Desta charla, quedámonos tamén coa importancia de concienciar a toda a comunidade sobre o coidado da natureza e do medio ambiente que nos rodea.

    Ata o noso colexio achegáronse Roberto Pérez e Iban Castosa, gardas do equipo Roca do Seprona (Servicio de Protección da Natureza) e o Cabo Óscar Martínez (Comandante de posto en Sober) que colaboran con Voz Natura para levar a cabo unha sesión informativa na que os alumnos e alumnas puideron coñecer de primeira man o seu traballo.

   O obxectivo da charla foi explicar ao alumnado que é a Garda Civil, cales son as súas unidades, que é o SEPRONA e en que consiste o seu labor así como achegarlles información sobre a loita contra os incendios forestais: prevención, condutas responsables que se poden adoptar, investigación...

PODES  VER  MÁIS  IMAXES  NA  GALERÍA  DE  FOTOS

    Grazas a que o tempo nos acompañou, hoxe pola mañá o alumnado de Primaria foi o encargado de saír ao campo en compañía do micólogo Ramón Losada Pérez para recoller setas e identificalas nunha actividade organizada pola agrupación Pingadouro.

   Nesta saída os nosos alumnos, disfrutaron moito pescudando entre a natureza para atopar os cogomelos que este ano estaban bastante agochados.

    Ao chegar ao centro, Ramón organizou unha exposición coas especies recollidas diferenciando as tóxicas (marcadas en vermello), as que non son tóxicas pero teñen pouco valor culinario (rotuladas en branco) e as que se poden comer (rotuladas en verde). Tamén nos explicou moitas cousas sobre elas e respostou a todas as dúbidas que tiñamos.

    Pola tarde foi o momento do magosto. De desfrutar das castañas que nos asaron Tito e Manolo aos que lles queremos agradecer a súa colaboración.

  E como non, tamén tivemos aos nosos ex-alumnos que se animaron a compartir con nós este momento de lecer.

Se quedastes con gañas de ver máis imaxes desta xornada,

podedes velas todas na galería de imaxes.

GALERÍA  DE  IMAXES

Nas seguintes imaxes podedes ver ao alumnado investigando:

 

 E aquí o resultado da súa investigación exposto de tres maneiras diferentes:

Grupo 1: Os ecosistemas (Mural e exposición oral na biblioteca)

 

 

Grupo 2: Parques Naturais de Galicia (Imaxe interactiva)

 Grupo 3: O ecosistema da nosa comarca (ISSU)

    No marco do Programa Voz Natura e coa colaboración da Garda Civil, realizáronse no centro unhas charlas sobre Prevención de Incendio Forestais impartidas polo SEPRONA.

Podes ver todas as fotos destas charlas clickando na GALERÍA DE FOTOS

   Como estaba previsto, hoxe pola mañá os nosos nenos e nenas, saíron aos arredores do colexio para recoller setas e cogomelos.

    Esta actividade gústalle moito ao noso alumnado que disfruta pescudando entre as árbores, as matas, as pedras... ata encontrar exemplares de todo tipo e tamaño:

    Nesta xornada acompañounos Ramón Losada Pérez tanto na saída ao campo como na súa posterior clasificación e explicación. Foi un pracer contar coa súa presenza polo que desde aquí queremos darlle as grazas por pasar con nós este día.

Se queredes ver máis fotos desta xornada tan interesante na que aprendemos moitas cousas e o pasamos moi ben,

podedes premer no enlace seguinte:

GALERÍA  DE  FOTOS

     Tamén podes ler o fermoso libro que fixeron os nenos e nenas de Educación Infantil, recollendo todo o aprendido; seguindo o enlace da imaxe:

 

     Desde o colexio estamos participando no concurso: Un bosque de cuento.

     Os nenos de 1º e 2º de Primaria escribiron un conto cheo de aventuras e amizade que se titula: Un día en el bosque.

    Se queres apoiar o seu conto segue estes pasos:

    Para ler o conto clika na súa portanda:

    Aquí están os nenos e nenas traballando coas miniquest propostas.

    O primeiro paso é a investigación e busca de información:

Despois sintetizar e organizar esa información para recollela nun mural:

    Tamén fixemos o noso propio pesticida natural contra o pulgón, a araña vermella e a mosca branca:
     1º) Trituramos 3 dentes de allo, 2 cebolas e 3 chiles.
     2º) Mesturámolo con 2 vasos de auga.
     3º) Filtrámolo
     4º) Diluímolo en 4 litros de auga e listo para pulverizar!!

 
Por último, exposición de murais e explicación aos compañeiros do resultado da investigación: