 CEIP Plurilingüe Virxe do Carmeceip.virxedocarme.sober@edu.xunta.es |
|
Iniciar sesión: Acceso
|
|
|
|
PremiosOBRADOIRO VOLUNTARIADO DE LECTURA - AComo xa anunciamos, xunto a outras nove bibliotecas escolares, o equipo de Biblioaxudantes do noso centro foi seleccionado na convocatoria de Voluntariado de Lectura - A para o curso 2023 - 2024 na que se lle recoñece o traballo de colaboración que veñen desempeñando os alumnos e alumnas de 5º e 6º de Primaria nas bibliotecas escolares de forma voluntaria en actividades de xestión, organización e lecturas compartidas dentro do centro. 
Por esta selección, recibimos no centro un obradoiro de Pablo Otero "Peixe" escritor, ilustrador e pintor galego nado en Ourense co que realizaron dúas actividades diferentes. A primeira actividade consistiu na realización de ideogramas que son imaxes ou símbolos que representan unha idea. O reto era conseguir representar o significado dunha palabra utilizando as letras que a forman como Pablo nos mostrou nestes exemplos. 
 Partindo das ideas propostas, os biblioaxudantes recibiron varias palabras ao azar e estes foron algúns dos resultados:  
A segunda parte do reto consistía en facer o mesmo cos seus nomes: intentar representar algo da súa personalidade coas letras dos seus nomes e... vaia imaxinación teñen estes biblioaxudantes!     A segunda parte do obradoiro foi o xogo Liso - Rizo, un xogo que explora a diversidade de talentos e habilidades de todo o grupo para aprender a perder e tamén aprender a gañar.  
Realizando probas moi divertidas, o xogo serviunos para reflexionar sobre a importancia da convivencia e do respecto aos compañeiros e sobre a resolución pacífica de conflictos. 
 MOITAS GRAZAS Á ASESORÍA DE BIBLIOTECAS ESCOLARES E A PABLO OTERO POR ESTE OBRADOIRO QUE RECOÑECE O LABOR DOS BIBLIOAXUDANTES!!
A PRINCESA DO CAUREL: Premiada co Accésit do concurso Nós tamén creamos (04/07/2023)Este ano participamos por primeira vez no concurso Nós tamén creamos convocado pola Consellería de Cultura, Educación e Universidade e a Secretaría Xeral de Política Lingüística que ten como finalidade a "promoción da adquisición, do uso e da valoración da lingua galega na aula por medio da creatividade e da incorporación das tecnoloxías da información e da comunicación ás aulas".  Para participar cada centro ten que elaborar unha curtametraxe en galego coa técnica stop motion a partir dun álbum ilustrado. No noso caso escollemos o libroA princesa do Caurel de Javier Solchaga e Patacrúa que é un conto acumulativo clásico arredor do roubo do anel desta princesa do Caurel.
Para a elaboración da curtametraxe, o alumnado de 3º de primaria comezou investigando en internet como facer os elementos e personaxes que aparecen no libro co tangram. .jpeg) .jpeg)
Despois fixeron todas as fotos necesarias para a montaxe da curta. .jpeg) .jpeg) .jpeg) .jpeg)
E para rematar, gravaron a narración do conto nos estudos de Raiduvín. .jpeg) .jpeg)
Despois de tanto traballo... O RESULTADO FINAL FOI PREMIADO CO ACCÉSIT NA SÚA CATEGORÍA!! Podédelo ver no seguinte enlace: .JPG)
PARABÉNS AO ALUMNADO E PROFESORADO ENCARGADOS DESTE PROXECTO!!!
PARABÉNS A CANDELA FERNÁNDEZ! (3/3/2022)A nosa alumna Candela Fernández acaba de recoller o 1º Premio do Certame de Poesía de Nadal convocado pola Biblioteca Nodal de Lugo en colaboración coas Bibliotecas Públicas. 
O acto de entrega foi no Salón de Actos da propia Biblioteca e cada un dos gañadores recibiu como agasallo un lote de libros, un diploma e unha figura de Sargadelos.    Para coñecer máis sobre este premio e escoitar o poema na voz da súa autora; prestade atención á entrevista que lle fixeron Hugo e Lucas.
NORABOA CANDELA!!!
XVIII CONCURSO CONTOS SOLIDARIOS: UN JUGUETE, UNA ILUSIÓN Esta semana coñecéronse os gañadores do XVIII Concurso de Contos Solidarios "Un juguete, una ilusión" e non fomos nós, foi o colexio Buen Pastor de Sevilla. NORABOA!! Pero que non gañaramos non quere dicir que non sexa un orgullo quedar como finalistas deste concurso nacional e por iso Lucas, Lucía, Pilar e Hugo; os nenos e nenas de 6º de Primaria do noso colexio que quixeron participar nesta edición, desprazáronse a Monforte para coñecer as instalacións de Onda Cero Monforte e ser entrevistados por Manola Porto no seu programa Más de uno. Podedes escoitar esta entrevista a partir do minuto 55.
Ademais Manuel Lois, fíxolles unha visita guiada aos estudos radiofónicos e puideron coñecer como é unha radio profesional e as diferenzas coa nosa radio escolar. MOITAS GRAZAS A MANOLA E A MANUEL LOIS POR ACOLLERNOS!!  
  Despois da radio o día seguiu cun paseo polo recinto amurallado e a zona da Xudería de Monforte: a porta da Alcazaba, a Rúa Falagueira, o Cárcere Vello... 
 E como todo esforzo ten que ter unha recompensa, tamén vistaron unha librería na que puideron escoller o libro que quixeron como agasallo. 
NORABOA POLO VOSO ÉXITO!!
CREAcción: ESTAMOS DE NORABOA!Para conmemorar o Día do Libro a Asesoría de Bibliotecas Escolares de Galicia promoveu a realización de accións creativas baixo o lema CREAcción. Se recordades, para participar nesta campaña @s biblioaxudantes de 4º de Primaria gravaran dous poemas audiovisuais coa técnica de stopmotion (ver publicación)
Pois ben, estamos de NORABOA PORQUE... A NOSA PROPOSTA FOI UNHA DAS 20 SELECCIONADAS!!
 
PARABÉNS A TOD@S!!
PREMIOS CERTAME DE NADAL - 2020Aínda que xa estamos en marzo, a Consellería de Cultura, Educación e Universidade acaba de entregar os premios aos gañadores do certame de Poesía de Nadal que convoca a Biblioteca Pública de Lugo, en colaboración con outras bibliotecas públicas da provincia.
No centro estamos de noraboa xa que a nosa alumna Candela Fernández Rodríguez, gañou o 3º Premio na categoría ata 8 anos e Brais Rodríguez Álvarez quedou 1º na categoría de 9 a 11 anos. A Xunta publicará un libro con todos os poemas premiados e ademais, cada un dos gañadores recibiu como regalo un lote de libros e unha figura de Sargadelos.
NORABOA PEQUES!!!
CERTAME DEBUXO XL FEIRA DO VIÑO DE SOBER (27/11/2020)Hoxe, na Casa da Cultura de Sober foi o acto de entrega de premios do Certame de Debuxo Infantil da XL Feira do Viño de Sober. 
O xurado formado por Ruth Díaz Amor e Eva Abal Tobío, decidiu que o debuxo gañador deste certame fora o de Antía Gago Fernández.  
Tamén concederon un accésit ao debuxo de Gareth Vila Rodríguez.   O resto dos participantes recibiron uns agasallos por participar: o posavasos feito co debuxo de Antía e un libro-xogo de pasatempos.
       Para rematar, no seguinte enlace podedes acceder a todos os debuxos que presentaron os alumnos do noso colexio ordenados por cursos.
ENTREGA DE PREMIOS PROVINCIAIS CERTAME DE NADAL - BIBLIOTECA NODAL LUGO (3/3/2020) O venres día 28 de febreiro, Brais Rodríguez Álvarez, un dos nosos alumnos de 5º de Primaria, recolleu o premio acadado no Certame de Poesía Infantil "Nadal 2020" convocado pola Biblioteca Nodal de Lugo.
 Durante o acto de entrega de premios tamén fixo lectura do seu poema "Un soño"  
Se queredes saber cómo se sentiu ao recoller o premio e escoitar o poema na súa propia voz, podedes facelo no seguinte podcast de Sobericias, o programa que conta as mellores noticias.
NORABOA BRAIS!!
ESPERAMOS QUE SIGAS ESCRIBINDO POESÍA!!
 ENTREGA DE PREMIOS XVI CONCURSO CUENTOS SOLIDARIOS UN JUGUETE, UNA ILUSIÓN Hoxe Lucas, Lucía, Pilar e Hugo; os nenos e nenas de 4º de Primaria do noso colexio que gañaron o XVI Concurso de Contos Solidarios "Un juguete, una ilusión", desprazáronse a Ourense coa súa titora para recoller os premios correspondentes da man de Rafael Cid, Delegado Territorial de RTVE Galicia, e Marta Pastor, Directora da Fundación Crecer Jugando.
     Alí fixéronlles unha entrevista e puideron visitar as instalacións de RNE Ourense.
       Podedes ver a entrevista na Primeira Edición do Informativo Territorial de TVE 1 no seguinte enlace a partir do minuto 20:20
 A noticia emitiuse tamén noutros programas e a través doutros medios: - Crónica de Galicia (R1) a patir do minuto 13:20; neste programa a noticia e as entrevistas aos protagonistas intercálanse con fragmentos do conto.  - RNE Galicia informativos. Informativo Lugo (Minuto 11:50)  - RTVEGalicia en Twitter
 - Un juguete, una ilusión (Facebook)
 - Concello de Sober (Facebook)  Para rematar, deixámosvos o enlace ao conto por si queredes volver a escoitalo.
ENTREGA PREMIOS DO CERTAME DE NADAL DA BPM (3/01/2020) Cada ano o alumnado do noso colexio participa no Certame de Postais e Poesía que convoca a Biblioteca Pública Municipal polo Nadal.
Por iso, as nosas postais poden verse durante todas as vacacións de Nadal na BPM, unhas postais que este ano, estaban feitas con material 3D.
    A entrega de premios deste Nadal comezou coa actuación do grupo local O Trícole que nos agasallou con diferentes panxoliñas e Cantos de Reis.
 Despois o alcalde fixo a entrega de premios na que o colexio recibiu un premio á participación, consistente nun diploma e varios libros para a nosa biblioteca. Recolleron o premio algúns alumnos do centro que estaban presentes neste acto.
  Tamén obtiveron premios individuais varios alumnos tanto en postais como en poesía. No seguinte documento podedes ver a lista de premiados.
 Podedes ampliar a información sobre esta noticia na publicación do Diario de Lemos seguindo o enlace.
  |
  |
Xunta de Galicia - Consellería de Educación, 2013 | ||
