Día da Paz
Día da Paz
DÍA DA PAZ 2024: EKECHEIRIA ou TREGUA OLÍMPICA
O 30 de xaneiro conmemórase o Día Escolar da Paz e da Non Violencia e para facelo, como estamos inmersos no proxecto XOGOS OLÍMPICOS, queremos falarvos sobre a EKECHEIRIA ou TREGUA OLÍMPICA.
O primeiro foi averiguar que era iso da TREGUA OLÍMPICA polo que un grupo de alumnos de 5º de Primaria buscou información e preparou unha presentación e un programa de radio para explicarllo ao resto do alumnado.
.jpg)
.jpg)
.jpg)
TREGUA OLÍMPICA de Biblioteca VIRXE DO CARME
Unha vez que xa sabiamos que a EKECHEIRIA era un período no que as guerras e os conflitos entre as cidades e os reinos se suspendían para que se puidesen realizar as olimpíadas, puidemos reflexionar sobre palabras e conceptos relacionados co deporte e a paz que despois recortamos para poñer no noso mural: XUSTIZA, XOGO LIMPO, CONVIVENCIA, SOLIDARIEDADE, DIÁLOGO, RESPECTO, TOLERANCIA...
.jpg)
Tamén fixemos unha sopa de letras que deseñaron un grupo de alumnos de 1º e 2º de primaria na que tiñan que atopar estas palabras:
.jpg)
.jpg)
.jpg)
.jpg)
Cando xa tivemos claro a importancia dos valores do deporte e que a través deles se pode chegar á PAZ comezamos a elaborar o noso mural co que pretendemos que non se olviden do traballado para esta data.
Como imaxe central decidimos utilizar o símbolo da Tregua Olímpica que é unha pomba da paz cunha rama de olivo que voa sobre os aros olímpicos coa chama olímpica de fondo formada por diferentes cores que representan a persoas de todas as razas.
Ás chamas démoslle cor coas pegadas dixitais de todo o alumnado do centro e do PAI de Sober e aos aros coas mans do alumnado de infantil.
.jpg)
.jpg)
.jpg)
Podedes ver o resultado final na seguinte imaxe:
.jpg)
Para rematar as actividades deste día, quixemos tamén conmemorar o Día da Ilustración que se celebra na mesma data polo que xuntando as dúas efemérides, todos os nenos e nenas do colexio, ilustraron un dorsal intentando replicar os iconos dos deportes olímpicos baixo o lema XOGANDO LIMPO TAMÉN CONSTRUÍMOS A PAZ (non facendo trampa, respectando as regras, sabendo perder e sabendo gañar, xogando con todos sen deixar a ninguén de lado...)
.jpg)
.jpg)
.jpg)
.jpg)
.jpg)
.jpg)
Damos por finalizada a actividade facéndonos eco das palabras de Thomas Bach, presidente do Comité Olímpico Internacional (COI) e campión olímpico:
“Os Xogos Olímpicos mostran ao mundo como competir pacíficamente.
Ensínannos que, a pesar de todas as nosas diferenzas, é posible que a humanidade viva xunta en paz, respecto e armonía.”
PINTANDO UN FUTURO MELLOR, UN FUTURO CHEO DE COR (30-01-2023)
Este ano para conmemorar o Día da Paz e da Non Violencia Escolar e o Día da Ilustración, fixemos un montón de actividades arredor do Guernica de Pablo Picasso.
Primeiro mostramos o cadro na biblioteca e pedímoslles aos nosos nenos e nenas que dixeran o que lles inspiraba: tristeza, medo, morte, dano, auxilio, falta de cor... foron as palabras máis repetidas e os sentimentos que máis expresaron.
Despois contamos a historia deste cadro que foi pintado por Picasso no 1937 e representa os horrores do bombardeo por avións alemáns durante a Guerra Civil española dun pequeno pobo chamado Guernica en Vizcaya (País Vasco) e comentamos algúns efectos da guerra apoiándonos en diferentes imaxes do cadro.
A continuación dividimos o cole en dous grupos diferentes. O alumnado de Ed. Infantil e 1º e 2º de Ed. Primaria foi o encargado de transformar a tristeza do cadro pintando entre todos unha nova versión con cores vivos e alegres porque queremos un futuro cheo de cores e non de grises.
.jpg)
.jpg)
.jpg)
O alumnado de 3º a 6º de Primaria tiña que ilustrar unha resposta para a pregunta: Que pasaría se bombardeasen o noso concello? e reflexionar sobre o que poden estar pasando nos territorios que están en guerra.
.jpg)
.jpg)
.jpg)
.jpg)
.jpg)
.jpg)
.jpg)
Ao final, expuxemos todo o traballo no corredor principal xunto a unha réplica feita en madeira por antigos alumnos e alumnas do centro. Esperamos que se o vemos durante todo o ano non se nos esqueza a importancia da paz e da non violencia.
.jpg)
.jpg)
.jpg)
RECEITAS PARA A PAZ (30-01-2023)
O alumnado de 1º e 2º de Primaria converteuse en persoal de cociña para conmemorar o Día da Paz inventando varias receitas con ingredientes indispensables para preparar un bo plato de paz.
Primeiro fixeron unha choiva de ideas para pensar que ingredientes deberían utilizar e despois escolleron os que lles pareceron más apropiados: respecto, tolerancia, amor, apertas, amizade, empatía...
.jpg)
.jpg)
.jpg)
.jpg)
.jpg)
.jpg)
Para rematar expuxeron os seus traballos nun mural que está no corredor principal do piso superior e no que expresaron os seus desexos de paz tamén en castelán e en inglés xa que somos un centro plurilingüe.
.jpg)
DÍA DA PAZ E DA ILUSTRACIÓN (30-01-2022)
O 30 de xaneiro é o Día Escolar da Non Violencia e da Paz.
Un obxectivo que se recolle na Axenda 2030: 16. Paz, xustiza e instituciós sólidas
Para conmemorar este día no colexio e poñer o noso gran de area na consecución da Axenda 2030, traballanos sobre a figura de Malala Youfsazai que recibiu o Premio Nobel da Paz aos 17 anos converténdose na persoa máis nova de todas as categorías en en recibir este premio.
Pero antes de comezar, temos moitas preguntas que resolver...
por que se conmemora este día? e para que se celebra?
Que é iso dos Premios Nobel?
Quen é Malala e que fixo para recibir este premio?
Para coñecer a respostas destas cuestións; podedes escoitar o programa especial de radio elaborado polo alumnado de 4º, 5º e 6º de Primaria:
Despois de coñecer a historia de Malala e reflexionar sobre a importancia da súa loita, fixemos varias actividades de ilustración xa que tamén conmemoramos o Día da Ilustración.
Primeiro, ilustrar unha liña do tempo plasmando momentos destacados da súa vida.
Segundo, debuxar os nosos propios desexos respondendo á pregunta: Que debuxarias ti se tiveses un lapis máxico?
Terceiro, elaborar unha exposición con todos os traballos realizados.
Para rematar, tamén coloreamos uns modelos de "máscaras da paz" para poñer enriba das máscaras que traemos e darlle algo de ledicia a este día.
FELIZ DÍA DA PAZ!!
DÍA DA PAZ E DA ILUSTRACIÓN (29 - 01- 2021)
O 30 de xaneiro, conmemóranse dúas datas importantes: o Día Escolar da Paz e a Non Violencia e o Día da Ilustración en Galicia; unha conmemoración que entronca directamente co obxectivo 16 da Axenda 2030.
Por iso tivemos no colexio á autora e ilustradora Estefanía Padullés que nos falou do seu traballo como ilustradora e da diferencia entre debuxo e ilustración, sabes cal é esta diferenza? Pois a principal diferenza é que a ilustración acompaña a un texto ao que precisamente como di o seu nome, ilustra; mentres que o debuxo non.
Despois fíxonos unha demostración e propúxolles aos nenos e nenas facer a súa propia ilustración da frase de Gandhi "Non hai camiño para a paz, a paz é o camiño" xa que precisamente o 30 de xaneiro é a data na que conmemora este día porque é a data na que el foi asasinado.
Podedes ver todas as ilustracións no seguite pdf:
Despois reflexionaron sobre o Premio Nobel da Paz, que é? quen o merece?
E fixeron unhas ilustracións entregando o Premio Nobel da Paz a familiares, amigos, compañeiros... que eles cren que merecerían recibilo.
Para rematar, Estefanía contoulles os nenos e nenas de Infantil o seu libro A manchas ou a raias? (Hércules Edicións) á vez que ía facendo un mural cos protagonistas.
Así puideron coñecer a historia de confrontación entre os animais a manchas (xirafas, guepardos...) e os animais a raias (tigres, cebras...) e como a través do diálogo que xorde de maneira inesperada entre Gresa e Leopardo conseguen comprender que o aspecto da súa pel non é importante, facendo fincapé en valores como a toleracia, o diálogo e o respecto a diferenza.
Agora só queda darlle cor as ilustracións que nos deixou Estefanía para poder colgalas nos corredores e que nos lembren o que hoxe aprendemos.
Ademais, antes de marchar, Estefanía adicounos os libros escritos por ela que temos na biblioteca
 |
| Leopoldo, o pequeno monstro |
 |
| A manchas ou a raias? |
Para rematar a conmemoración deste día o alumnado de Ed. Primaria coloreu uns puntos de lectura con imaxes, palabras e mandalas relacionados con esta data.
GRÚAS POLA PAZ. COLABORACIÓN CO CEIP VALLE INCLÁN (30/01/2020)
Fai uns días chegábanos a nova de que para o Día da Paz o colexio CEIP Valle Inclán de Vigo tiña o reto de "Elaborar mil grúas de papel para poder pedir un desexo de corazón" e nós decidimos colaborar.
A proposta comezou con Laura e Brais explicándonos que a idea de crear grúas pola paz nace da historia de Sadako Sasaki, unha nena vítima da bomba de Hiroshima durante a Segunda Guerra Mundial.
Ela tiña dous anos cando a bomba explotou e como consecuencia desta explosión e da súa irradación, algúns anos máis tarde disgnosticáronlle leucemia.
Mentres estaba no hospital unha amiga faloulle da lenda xaponesa que di que se constrúes mil grúas de papel, os deuses concédenche un desexo. Así que desexou curarse e púxose a facer grúas; pero faleceu antes de acabalas todas, cando levaba 644. Nese intre os seus amigos e amigas decidiron facer as grúas que faltaban.
 |
Algúns anos máis tarde, dedicáronlle unha estatua que a representa a ela cunha grúa nas mans. Esta estatua permanece no Parque da Paz de Hiroshima co lema "Este é o noso berro, esta é a nosa petición: paz no mundo" e honra tamén a todos os nenos e nenas desaparecidos nesta traxedia.
Con esta historia detrás do reto das grúas, a mestra Noelia ensinounos a facelas e puxémonos toda a semana mans a obra.
Agora as nosas grúas xunto a todas as demais que consigan; viaxarán a Xapón o 6 de agosto, data da explosión da bomba para lembrar que non se pode volver a repetir nada similar.
E rematamos esta publicación coa frase que eles propuxeron desde o seu colexio:
"MOITA XENTE PEQUENA, EN LUGARES PEQUENOS,
FACENDO COUSAS PEQUENAS, PODE CAMBIAR O MUNDO" (Eduardo Galeano)
DÍA DA PAZ E DA ILUSTRACIÓN. PELO DE NUBE. (30/01/2020)
Hoxe 30 de xaneiro, conmemóranse dúas datas importantes: o Día Escolar da Paz e a Non Violencia e o Día da Ilustración en Galicia.
Por iso tivemos no colexio a Dani Viétez e Iria Iglesias, que combinan á perfección estas dúas conmemoracións xa que son autores e ilustradores de libros que potencian valores como os propostos pola UNESCO.
Nesta ocasión viñeron a falarnos da historia de Pelo de nube, un neno especial.
Como eles nos lembraron, hoxe é o Día da Paz porque o día 30 de xaneiro de 1964 morreu Gandhi e a UNESCO decidiu utilizar esta efeméride para reforzar entre o alumnado valores como a tolerancia, diálogo, o respecto aos dereitos humanos á non violencia e á paz.
E por outra banda, é o Día da Ilustración en Galicia porque conmemoramosque un día como hoxe de 1886 naceu Castelao.
O obradoiro tivo dúas partes, a primeira foi un contacontos na que coñecemos a historia de Nuno, un neno diferente que no canto de pelo, tiña unha nube na cabeza. Como non coñece a ninguén cun pelo como o seu, síntese triste por ser distinto aos outros...
Pero ao final os seus pais conseguen que se decate de que precisamente esa diferenza é o que o fai único e especial.
Coñecer esta historia fixo que os nenos e nenas reflexionasen sobre os sentimentos de Nuno e sobre a importancia do respecto, a tolerancia e a convivencia na escola como valores fundamentais para a Paz.
A segunda parte da actividade centrouse máis no Día da Ilustración. Iria e Dani fóronnos explicando a relación entre o debuxo e as emocións que transmite comparando as diferentes representacións da bocas, das cellas, os ollos...
E a continuación foi o noso alumndo o encargado de ilustrar situacións que reflexasen comportamentos que podían contribuír á paz na escola.
Para saber moitas máis cousas sobre Dani, Iria e a súa paixón pola ilustración podedes escoitar a entrevista que lles fixeron Laura, Hugo e Lucas.
MOITAS GRAZAS POR ESTE OBRADOIRO TAN EDUCATIVO!!
Podedes ver todas as imaxes no enlace: GALERÍA DE IMAXES
DÍA DA PAZ CON POESÍA (30/01/2019)
Os nenos e nenas de Infantil B do noso colexio traballaron para o Día da Paz o poema Sólo tres letras de Gloria Fuertes e pasaron polos estudios de Radiuvín para recitala.
Se queredes escoitar o poema nas súas voces, dádelle ao play!!
DÍA DA PAZ E DA ILUSTRACIÓN (30/01/2019)
Hoxe 30 de xaneiro, conmemóranse dúas datas importantes: por unha banda o Día Escolar da Paz porque o día 30 de xaneiro de 1964 morreu Gandhi e a UNESCO decidiu utilizar esta efeméride para reforzar entre o alumnado valores como a tolerancia, diálogo, o respecto aos dereitos humanos á non violencia e á paz.
E por outra banda, en Galicia conmemoramos tamén o Día da Ilustración poque un día como hoxe de 1886 naceu Castelao.
Por iso tivemos no colexio a Estefanía Padullés, autora e ilustradora que combina á perfección estas dúas conmemoracións xa que é ilustradora de libros que potencian valores como os propostos pola UNESCO.
O seu último libro que hoxe veu a presentar A manchas ou a raias? (Hércules Edicións) conta a historia de confrontación entre os animais a manchas (xirafas, guepardos...) e os animais a raias (tigres, cebras...).
E conta tamén como a través do diálogo que xorde de maneira inesperada entre Gresa e Leopardo conseguen comprender que o aspecto da súa pel non é importante, facendo fincapé en valores como a toleracia, o diálogo e o respecto a diferenza.
Mentres escoitamos o conto na voz da súa autora, ela mesma foinos debuxando un mural cos protagonistas da historia que despois os nenos colorearon e agora está no corredor principal do colexio para recordarnos a loita contra o racismo xunto ás reflexións ás que chegaron os alumnos.
Ademais Estefanía tamén nos ensinou os bocetos e as ilustracións orixinais do conto.
Para saber moitas máis cousas sobre A manchas ou raias? e sobre Estefanía Padullés podedes escoitar a entrevita que lle fixeron os compañeiros de 4º de Primaira.
MOITAS GRAZAS ESTEFANÍA!!
A COUSA QUE MÁIS DOE DO MUNDO - Día da Paz 2018
Este ano para conmemorar o Día da Paz, tomamos como eixe o libro O que máis doe do mundo de Paco Liván (OQO Editora)
Algúns dos biblioaxudantes prepararon unha representación da historia con monicreques que eles mesmos fixeron. A súa actuación foi todo un éxito e o resto do alumnado do colexio encantoulles.
Tamén elaboramos un mural representativo cunha reflexión sobre a relación entre a mentira e a paz a partir das citas de H. Johnson e W. Churchill.
Outro grupo de biblioaxudantes foi o encargado de ler esta reflexión e falarnos sobre o seu significado.
Completamos o mural cun texto ou debuxo no que cada alumno do colexio, explicaba que era o que a el máis lle doía do mundo: a morte dun familiar, a perda dunha amizade, os insultos, as agresións físicas, as enfermidades, ...
E como recordo deste día os nenos e nenas levaron unha pomba da paz impresa en 3D
