No inverno tamén se poden cultivar moitas hortalizas; por iso estamos na época de prantar e sementar nabos, leitugas, acelgas, guisantes....

   O primeiro é abonar a terra e como o noso compost aínda non se pode utilizar, usamos abono comprado

   Despois sementamos e prantamos. Agora queda coidalas e esperar a que medren...

GALERÍA DE IMAXES

    Como sempre ao comezar o colexio, recollemos as patacas e as cebolas que durante o verán medraron no noso horto. Aquí tedes parte da colleita:

    Agora que está rematando o curso, o noso horto loce así de fermoso; grazas ao traballo dalgúns dos nosos alumnos, das profes e sen ningún pesticida!! Totalmente ecolóxico!!

      Unhas fermosas plantas de patacas que esperemos que teñan moitas e ricas pataquiñas para cando voltemos en setembro.

   E unhas apetitosas leitugas coas que Mari Luz xa está preparando ricas ensaladas.

   Despois de que desde o Concello viñesen a arar a terra do noso horto, comezamos o traballo nel prantando e sementando leitugas, cebolas, repolos, perixel... para ter ricas hortalizas antes do fin de curso

   Tamén a cociñeira participou nestas tarefas transplantando o perixel que crecía na parte dianteira do centro:

    Agora que ven o frío, temos que preparar o noso horto para pasar o inverno.

    1. Empezamos recollendo as follas secas que temos no patio, coa axuda de todos os nenos e nenas do colexio.

    2. Despois carretamos as follas ata o horto.

    3. Esparcimos as follas polo horto e xa está listo para pasar o inverno

Xa é tempo de recoller as apetitosas fresas da nosa plantación.

Un traballo que lles gusta moito facer aos nenos e nenas de Educación Infantil:

   E despois de recollelas?  COMELAS!! Ou con iogur ou nunha rica macedonia!!

    Seguimos traballando no horto: quitándolle herbas, regando... O que faga falta para coidar as nosas hortalizas e verduras.

   Hoxe toca recoller e comer as leitugas nunha rica ensalada:

   Despois de tanto traballar no horto escolar, así é como se atopa o horto na actualidade.

  Só nos queda esperar a que medren as hortalizas para poder recoller os froitos do  noso  esforzo.

   Hoxe no centro contamos coa presenza da artista e escritora Mar Sabater quen, ademáis da súa faceta artística, é a encargada do horto comunal de O Colado do Vento.

   Con ela aprendemos novas técnicas de sementado e plantado.

   Primeiro realizamos un encargo que xa nos deixara feito: elaboración dun tónico de ortigas para o momento da plantación. Para este tónico; os nenos e nenas trouxeron follas de ortiga das súas casas que deixamos a macerar en auga durante dúas horas.

   Despois nunha pequena charla, Mar explicoulles aos nenos a importancia de traballar o horto sen darlle a volta a terra.

    A continuación, pasamos á acción sementando tirabeques e regando as sementes recén plantadas co tónico de ortigas.

     Tamén plantamos framboesas ao lado do muro do patio.

    Para rematar, Mar deunos as pautas para a elaboración dun bo compost. Empezamos facendo unha cama de paos e a continuación unha capa de follas. Aínda que o compost quedou sen rematar xa que nos faltan as dúas seguintes capas (estrume animal e outra capa vexetal) que poñeremos en días vindeiros.