ENCONTRO CON DANI VIÉITEZ E IRIA IGLESIAS
"O raposo Rufo é un raposo moi peculiar que vive na fraga rodeado de amigos cos que vive moitas aventuras"
Os seus creadores son Dani Viéitez e Iria Iglesias que hoxe viñeron á biblioteca para conmemorar con nós o Día do Libro Infantil e contarlles aos nosos nenos e nenas o proceso de creación de Rufo e o resto dos seus amigos: o gato Valentín, o caracol Manolo, a coelliña Lili... e como estas historias se transforman de ideas a libros: texto, bocetos, ilustracións....
Ademais de como crean as súas propias historias, Daniel e Iria contáronnos tamén como se lle poñen imaxes ás verbas doutros autores. Neste caso, mostráronnos os bocetos e as ilustracións que fixeron para o libro Galicia, nosa ledicia de Xosé Neira Vilas
![](https://cadernodacritica.files.wordpress.com/2015/12/978841645613.gif?w=547)
Tamén nos propuxeron unha actividade práctica moi divertida: debuxar unha historia inventada polo alumnado nese momento. O protagonista desta historia acabou sendo un porco piloto moi gracioso:
Para rematar o encontro, nada mellor que unha morea de autógrafos e unhas verbas adicadas á nosa biblioteca
E para vos animedes a ler, aquí deixamos as portadas dos contos publicados de O Raposo Rufo, esperando impacientes a chegada de novas aventuras.
![https://www.youtube.com/watch?v=iHu4_XAnISA](https://3.bp.blogspot.com/-DjsU36cRCz8/Vv0wr_wrKtI/AAAAAAAABbI/8N-ORMk8R8krXlfVcehZFAr7XGjZNT8vw/s320/O%2Bataque%2Bdos%2Bescaravellos%2B%25281%2529.jpg)
![https://www.youtube.com/watch?v=pXfAyCGGCr8](https://2.bp.blogspot.com/-IXRHbLvlUjI/Vv0wx9nl7HI/AAAAAAAABbQ/uZ5nZqyAqjcFLRnMfOUCGq67UoWfua1ew/s320/RR%2BP.jpg)
![https://www.youtube.com/watch?v=42RJ_M2XaNU](https://2.bp.blogspot.com/-utbitCGte-0/Vv0w-sPttUI/AAAAAAAABbY/HnjeTm0QlLU0cPnraLcz-3OzlROGy-GGQ/s320/Valent%25C3%25ADn%2BCazadrag%25C3%25B3ns%2B%25281%2529.jpg)