EXCURSIÓN A SANTIAGO: CONCERTO DIDÁCTICO E VISITA AO MUSEO DAS PEREGRINACIÓNS (24/10/2024)
O alumnado de Primaria participou nunha excursión a Santiago de Compostela.
Pola mañá asistimos ao Concerto Didáctico organizado pola Sinfónica de Galicia no Auditorio de Santiago "O grande Beethoven" en colaboración co Servizo Educativo da Casa da Música de O Porto.
Durante este concerto puidemos achegarnos á vida deste compositor tan importante e aos instrumentos que compoñen a orquestra a través dun espectáculo moi didáctico e divertido.
Pola tarde fixemos unha visita ao Museo das Peregrinacións para coñecer mellor a historia da cidade de Santiago e das peregrinacións.
Nesta visita aprendemos moito sobre a orixe e a evolución da Catedral, o Camiño de Santiago, a orixe das peregrinacións, a iconografía sobre Santiago Apostol e a evolución da propia cidade.
