CIENCIA EN MOVEMENTO (15 E 16/11/2022)
A través da modalidade CP INNOVA dos Contratos programa achegáronse á nosa biblioteca un científico e unha científica de Ciencia en Movemento para realizar un obradoiro de NATUREZApara todo o colexio no que falamos de ciencia, experimentos e natureza.
De maneira moi amena e divertida o alumnado puido facer os seguintes experimentos:
- O paxaro equilibrista: un paxaro que só suxeitaba polo piquiño e por máis que o moveras nunca caía.
- Panal de abellas: comparamos a superficie do hexágono e a do cadrado e descubrimos de forma práctica o motivo polo que as abellas utilizan celas hexagonais para os seus panais.
- Flores que se abren na auga: con este experimento puidemos comprobar que as fibras do papel absorben a auga e ao mollarse enderézanse e abren (capilaridade)