ANIMAIS FANTÁSTICOS E ONDE ATOPALOS (22-03-2022)
O alumnado de 3º e 4º de educación primaria estivo a traballar nun proxecto titulado "Animais fantásticos e onde atopalos" en base ao libro da autora británica J.K. Rowling, publicado en 2001, sobre criaturas máxicas de Harry Potter.
Como en ciencias naturais estivemos aprendendo todo o relacionado co reino animal, planeamos xuntar este mundo con outro que nos apaixona: A MAXIA. Pois ben, dende a Academia Máxica (aula de 3º-4º) o alumnado tivo que inventarse o seu propio animal fantástico. Primeiro, cubriron un ficha de investigación na que tiveron que poñer o datos e características principais da súa creación: tipo de alimentación, grupo e subgrupo, tipo de reprodución, lugar de procedencia... Todas as fichas, agrupáronse e creamos o noso propio libro que pasou a formar parte da Maxiteca e da Biblioteca do Centro.
Ademais, desta tarefa o alumnado tamén elaborou as maquetas dos seus animais. Botádelle una ollada ao seguinte vídeo e poderedes admirar as súas obras.
Agora, xa sabedes onde se atopan os animais fantásticos? Shhhhhh...Gardade o segredo!
