Durante toda a semana tratamos de fomentar o deporte no noso alumnado, para iso viñemos toda a semana vestidos con roupa deportiva.

    Ademais, quixemos aproveitar para facerlle unha pequena homenaxe ao noso profesor de Educación Física, José Manuel Álvarez; que se xubilará ao rematar este curso.

Mirade a ovación que lle adicaron os nenos e nenas

     Hoxe é xoves de comadres; e aquí nos tedes ás profes e Mari Luz facendo deporte:

Un, dous, un, dous, un, dous!

Máis fotos das comadres no álbum do entroido

GALERÍA DE FOTOS

   Despois de tanto deporte que estamos facendo, non poden faltar os exercicios de estiramento; non vaia ser que nos dé unha cambra ou mañá teñamos maniotas.

   E mentres estiramos podedes ver como locen os nosos pés coas zapatillas de diferente par.

    Seguimos equipándonos para facer deporte: hoxe os nenos viñeron con pantalóns curtos e as nenas con leggins e calentadores.

     A equipación deportiva xa vai collendo forma!!

   Aquí podedes ver dous nenos entregados ao deporte lucindo pantalóns cortos sen importarlles o frío. Iso sí, teñen os pelos das pernas como escarpias.

    Este ano o tema do entroido é COIDA  A  TÚA  SAÚDE.

   Por unha banda, adicamos o día grande do entroido a concienciar ao noso alumnado da importancia de comer de forma saudable e por outra banda, pola semana tratamos de fomentar o deporte no noso alumnado.

    Por iso, hoxe empezamos traendo unhas cintas deportivas que recollan a suor da nosa fronte.

    Ademais, coma sempre; intentamos que esta época de festa tamén nos axude a crear conciencia da importancia de coidar o medio ambiente e así podedes ver como moitas destas cintas están feitas ou adornadas con material de refugallo e obxectos cotidiáns: calcetíns, botóns, restos de papeis, cordóns de zapatillas deportivas...

   Comezamos a semana de entroido na clase de infantil e que mellor para comezar que...

uns bonitos antifaces?

e unha alegre canción?

Xa está aquí o Entroido e a súa primeira aparición faina en forma de compadres.

Mirade que guapiños están os nosos profes:

Último día de entroido no colexio!

    Este ano o Programa Voz Natura está adicado ao coidado dos ríos e do mar. Por iso, aproveitando o traballo que estamos a facer desde o centro para concienciar aos nosos alumnos da importancia de coidar os nosos ríos e a súa auga; quixemos que este tema fose o protagonista do noso desfile.

     Para iso, os nenos e nenas do PAI, os de Educación Infantil e os de 1º ciclo, foron o noso río:

Para iso luciron os peixes e anguías que fixeramos cos briks de leite:

Os nenos de 2º e 3º ciclo foron os pescadores

E as profes unhas grandes troitas:

    Aínda que fixo unha mañá bastante fría, atrevémosnos a baixar desfilando ata o Concello onde nos deron unhas chuches para todos os participantes e ademais bailamos a Canción do río que podedes escoitar no seguinte enlace:

    De volta no colexio, os nosos pescadores explicáronnos moitas cousas: a importancia da auga, de onde viña a auga dos ríos, o ciclo da auga e ademais moitas cousas sobre os ríos da nosa comarca.

    E tras estas marabillosas explicacións, chega a hora de comer pero non sen antes deixarvos unha foto dos nenos do cole:

    O entroido remata no centro pola tarde co momento do disfraz libre cando o colexio se enche de princesas, piratas, guerreiros, pallasos... un sin fin de personaxes que poñen o punto final ao noso entroido.