Nadal

NADAL NA CLASE DE INFANTIL

O Nadal chega tamén á clase de Educación Infantil, onde os alumnos de 5 anos fixeron uns graciosos bonecos de Papá Noel cos tubos de cartón de papel do baño que adornan a porta da súa clase.

Para elaborar as postais de Nadal do centro que participarán no Certame de Postais da Biblioteca Nodal de Lugo a través da BIblioteca Municipal do noso concello, seguimos o mesmo proceso de elaboración que para os adornos da árbore de Nadal.

O único diferente é que en vez de pegar todos os anacos entre si, o primeiro e o último pegámolos á cartolina da nosa postal.

Os máis pequenos do colexio, fixeron unha gran postal a modo de árbore da que colgan os seus pequenos desexos navideños.

Mirade como loce a entrada da biblioteca, xunto a algúns dos libros expostos para esta época

ÁRBORE DE NADAL

Cada ano facemos novos adornos para a nosa árbore de Nadal e cada ano queremos que estes adornos estén relacionados coa Biblioteca e coa reciclaxe ou reutilización; os de este Nadal están feitos con follas de xornais, folletos e papeis de agasallo reutilizados.

O primeiro é cortar anacos cadrados destes papeis que colorearemos, dobraremos a metade e pegaremos entre si formando un pequeno libro. Despois debuxamos e cortamos un adorno que sexa simétrico e abrimos o noso agasallo para formar un círculo con el.

Aquí podedes ver a algúns dos máis cativos do cole, moi ledos colgando os seus adornos

Agora a árbore de Nadal loce así de fermosa

CERTAME DE POSTAIS E POESÍAS DE NADAL - 2015

O venres día 15 / 01 / 2016 fíxose entrega na Biblioteca Pública Municipal de Sober dos premios correspondentes ao Certame de Postais e Poesías do Nadal 2015.

O noso alumnado recolleu un premio á participación consistente nun diploma e nuns libros para a nosa biblioteca

Este acto foi recollido na prensa do día seguinte:

La Voz de Galicia, 16/01/2016

El Progresos, 16/01/2016

CONCERTO BENÉNFICO - 2015

Nadal

No centro Sociocultural, celebrouse o Concerto Benéfico de Nadal no que o alumnado do noso centro participou coa Escola Municipal de Música, o Coro Infantil da Escola, a Banda Xuvenil e a Banda de Música de Sober para recaudar alimentos e fondos para as familias máis necesitadas do noso Concello.

CHEGA O NADAL - 2015

Nadal

Chegaron as vacacións de Nadal!!!!

Aínda non temos os vídeos do festival pero queremos desexarvos BO NADAL A TODOS

coa panxoliña "A festa do Belén" de Lucía Pérez e Chema Purón

FESTIVAL DE NADAL 2015

Nadal

Se vos gustou o noso festival de Nadal, aquí vos deixamos uns vídeos das actuacións.

Estes vídeos son do ensaio xeral que fixemos o venres pola mañá:

Para rematar cantamos todos xuntos a panxoliña de Lucía Pérez que podedes ver na publicación anterior.

BO NADAL E FELICES FESTAS!!

VISITA DE PAPÁ NOEL - 2015

Nadal

Xa que os nenos e nenas do centro traballan tanto e se portan tan ben; Papá Noel non podía deixar de vir a facernos unha visita antes de rematar esta avaliación.

Nos seguintes vídeos podedes ver un resumo da súa visita. No primeiro Papá Noel recibe as cartas do noso alumnado e no segundo; as dos alumnos e alumnas do PAI.

Esperamos que traia moitos agasallos para todos!!