Seguimos cos experimentos realizados durante Novembro, o mes da ciencia na biblioteca. 

Nesta ocasión compartimos os que realizarons os alumnos e as alumnas de 2º de Primaria. 

Eles experimentaron coa a refracción da luz, con papel que non se molla e con fluido non newtoniano. 

Esperamos que aprendades moito vendo este vídeo

   Novembro é o Mes da Ciencia en Galego nas Bibliotecas; por esta razón, o noso alumnado estivo facento durante este mes experimentos e outras experienciasn científicas que lles axudaron a ampliar o seu coñecemento sobre o mundo que nos rodea.

    Hoxe, compartimos os experimentos do alumnado de 1º de primaria.

   BOLSA  MÁXICA: Comenzaron comprobando se é posible facerlle buratos a unha bolsa de plástico e que non verta.  Estade atentos...

     MINI  BOMBA: neste experimento fixeron unha mini bomba con bicarbonato e vinagre... COIDADO  QUE  ESTOUPA!!

   Os máis pequenos e as máis pequenas do colexio fixeron tamén o seu propio experimento en Novembro, mes da ciencia en galego.

    O alumnado desta clase quixo facer o seu propio arco da vella sen choiva e sen sol, serían capaces?

    Con motivo de Santa Icía, patroa da música, celebramos por décimo ano consecutivo a Semana da Música do noso colexio.

       Durante toda a semana, ían aparecendo na entrada da biblioteca diferentes probas para que o alumnado investigara e averiguara moitas cousas sobre a familia de instrumentos á que se lle adicou este ano a semana musical: A FAMILIA  DE  VENTO  MADEIRA.

     Para completar a actividade, o venres achegáronse ao centro Laura Rodríguez e Luis Fernández, nai e pai das nosas compañeiras Mencía e Candela, ámbolos dous mestres de clarinete.

    Con eles coñecemos moitas cousas sobre estes instrumentos: as súas partes, a súa historia, as cualidades do seu son e outros instrumentos da familia como o requinto ou o clarinete baixo.

 

   A actividade tamén contou coas alumnas do colexio que tocan instrumentos de vento-madeira (Yanira, Libertad, Iria, Mencía, Candela e Silvia), entre todos ofrecéronnos un concerto durante o que interpretaron varias obras.

 

 

 

 

Un curso máis, a Academia máxica abre as súas portas para recibir aos seus aprendices de 4º de primaria!

Antes de poñernos a traballar, debemos saber a que "casa" da Escola Hogwarts de maxia e feitizaría pertencemos cada un de nós. Nas seguintes fotografías podedes ver a que nos tocou, co noso escudo correspondente de fondo:

GRYFFINDOR: Nayara e Antía

 

Ademais, cada un de nós asumiu un rol dentro do equipo (secretarix, portavoz...) para así, organizar mellor o noso traballo á hora de ir superando as diferentes tarefas propostas. Para identificarnos, cada vez que estamos a traballar en tarefas do Club da Maxia levamos colgados os carteis cas nosas responsabilidades. Xa temos o primeiro reto da Academia nas nosas mans!!

 

Seguiremos informando!

 

SAÚDOS MÁXICOS!

     O 25 de novembro é o Día contra a violencia de xénero. Para loitar contra ela e sensibilizar ao noso alumnado, preparamos dúas actividades na biblioteca: a primeira sobre o libro O chuvasqueiro de Aurora de María Márquez e a segunda un abecedario contra o machismo.

    Para comezar vimos unha proxección do libro O chuvasqueiro de Aurora elaborada polo alumnado de 5º e 6º de Primaria.

 

Ao final, o chuvasqueiro quedou así de bonito

   A outra actividade que realizamos foi un abecedario contra o machismo, para iso tiñamos un mural dividido en dúas partes: o que queremos e o que non, e entre todos e todas tiñamos que atopar palabras con cada letra do abecedario para cada unha das dúas columnas.

Despois escribimos e pegamos cada unha das palabras no seu lugar para completar este abecedario.

  Ao final lemos todas e deixamos o mural nun sitio ben visible xunto o de Aurora para que non se nos olvide todo o que falamos hoxe porque estas aprendizaxes non son cousa dun día se non que as temos que ter presentes durante todo o curso.

    A través da ANPA tivemos na biblioteca do colexio esta actividade con Branca Villares que consistiu nun obradoiro de danzas, teatro e vídeos con conciencia para o alumnado de Primaria.

   Tiktok e outras plataformas similares poñen de manifesto o moito que nos gusta bailar, repetir secuencias de movementos ao compás dunha melodía, teatralizar pequenas escenas, executar música en directo... habilidades a priori, estupendas para a rapazada; pero o problema xorde cando atopamos bailes hipersexualizados e chistes e bromas machistas ou sexistas.

   Neste obradoiro o alumnado fixo actividades para reflexionar sobre a normalización destes contidos e utilizar unha mirada crítica cos videos que visualizan. Para iso artellaron propostas estéticas atractivas que potencian outro tipo de valores.

 

      Ata a nosa biblioteca achegouse Patricia González, Traballadora Social do Concello de Sober, para presentarnos o proxecto INMARCESIBLES que levou a cabo con Ana De La Torre Alvaredo. 

   

 

 

    Con este proxecto tratan de facer reflexionar sobre o canon e os estándares de beleza socialmente recoñecidos partindo da pregunta: existe un físico ideal feminino?

 

  A través de imaxes das redes sociais, da publicidade ou de prensa; o alumnado de 4º, 5º e 6º foi analizando a existencia dese canon e algunhas das súas consecuencias: presión sobre o corpo feminino, problemas de autoestima, falta de confianza, problemas de saúde, problemas de relación coas demáis persoas, ansiedade, depresión...

 

  Tamén vimos como a linguaxe, sen decatarnos, fai fincapé no aspecto físico das mulleres: quen non escoitou (por desgracia) algunha vez frases coma estas?

 

    Para rematar Patricia ensionunos algunhas fotos que forman parte da exposición Inmarcesibles feitas a mulleres de Sober moi diferentes coas que queren poñer de manifesto a beleza real feminina, tal como elas son, sen filtros nin retoques, para axudar a superar algúns dos "complexos físicos" que a sociedade ve como defectos: estrías, celulitis, cicatrices, marcas, o peso, a talla...

   Esperamos que a educación sexa unha das armas que nos permita acabar con estes estereotipos.

GALERÍA DE IMAXES

   O 20 de novembro conmemórase o Día Internacional da Infancia porque o día 20 de novembro de 1989 se firmou a Convención sobre os Dereitos dos nenos e das nenas; un texto no que se recollen os dereitos da infancia, as medidas de protección e os coidados que necesitan xs menores de 18 anos.

   Este ano, no colexio traballamos co libro Teño dereitos de Miguel Robledo que nos leron os biblioaxudantes Susana e Lucas.

Despois fixemos unhas esferas co material de @aprofecris que recollen os principais dereitos.

Ao final colgamos as esferas no noso espazo creativo para non esquecernos de todo o que aprendemos.

GALERÍA  DE  IMAXES

   A través da modalidade CP INNOVA dos Contratos programa achegáronse á nosa biblioteca un científico e unha científica de Ciencia en Movemento para realizar un obradoiro de NATUREZApara todo o colexio no que falamos de ciencia, experimentos e natureza.

      De maneira moi amena e divertida o alumnado puido facer os seguintes experimentos:

 - O paxaro equilibrista: un paxaro que só suxeitaba polo piquiño e por máis que o moveras nunca caía.

- Panal de abellas: comparamos a superficie do hexágono e a do cadrado e descubrimos de forma práctica o motivo polo que as abellas utilizan celas hexagonais para os seus panais.

 

 

 

- Pompas de xabón: e falando de formas xeométricas... por que as pompas de xabón son redondas se o burato polo que saen é un óvalo? Cantas formas redondas hai na natureza?

 

 

- Flores que se abren na auga: con este experimento puidemos comprobar que as fibras do papel absorben a auga e ao mollarse enderézanse e abren (capilaridade)