2019/2020
GRÚAS POLA PAZ. COLABORACIÓN CO CEIP VALLE INCLÁN (30/01/2020)
Fai uns días chegábanos a nova de que para o Día da Paz o colexio CEIP Valle Inclán de Vigo tiña o reto de "Elaborar mil grúas de papel para poder pedir un desexo de corazón" e nós decidimos colaborar.
A proposta comezou con Laura e Brais explicándonos que a idea de crear grúas pola paz nace da historia de Sadako Sasaki, unha nena vítima da bomba de Hiroshima durante a Segunda Guerra Mundial.
Ela tiña dous anos cando a bomba explotou e como consecuencia desta explosión e da súa irradación, algúns anos máis tarde disgnosticáronlle leucemia.
Mentres estaba no hospital unha amiga faloulle da lenda xaponesa que di que se constrúes mil grúas de papel, os deuses concédenche un desexo. Así que desexou curarse e púxose a facer grúas; pero faleceu antes de acabalas todas, cando levaba 644. Nese intre os seus amigos e amigas decidiron facer as grúas que faltaban.
 |
Algúns anos máis tarde, dedicáronlle unha estatua que a representa a ela cunha grúa nas mans. Esta estatua permanece no Parque da Paz de Hiroshima co lema "Este é o noso berro, esta é a nosa petición: paz no mundo" e honra tamén a todos os nenos e nenas desaparecidos nesta traxedia.
Con esta historia detrás do reto das grúas, a mestra Noelia ensinounos a facelas e puxémonos toda a semana mans a obra.
Agora as nosas grúas xunto a todas as demais que consigan; viaxarán a Xapón o 6 de agosto, data da explosión da bomba para lembrar que non se pode volver a repetir nada similar.
E rematamos esta publicación coa frase que eles propuxeron desde o seu colexio:
"MOITA XENTE PEQUENA, EN LUGARES PEQUENOS,
FACENDO COUSAS PEQUENAS, PODE CAMBIAR O MUNDO" (Eduardo Galeano)
DÍA DA PAZ E DA ILUSTRACIÓN. PELO DE NUBE. (30/01/2020)
Hoxe 30 de xaneiro, conmemóranse dúas datas importantes: o Día Escolar da Paz e a Non Violencia e o Día da Ilustración en Galicia.
Por iso tivemos no colexio a Dani Viétez e Iria Iglesias, que combinan á perfección estas dúas conmemoracións xa que son autores e ilustradores de libros que potencian valores como os propostos pola UNESCO.
Nesta ocasión viñeron a falarnos da historia de Pelo de nube, un neno especial.
Como eles nos lembraron, hoxe é o Día da Paz porque o día 30 de xaneiro de 1964 morreu Gandhi e a UNESCO decidiu utilizar esta efeméride para reforzar entre o alumnado valores como a tolerancia, diálogo, o respecto aos dereitos humanos á non violencia e á paz.
E por outra banda, é o Día da Ilustración en Galicia porque conmemoramosque un día como hoxe de 1886 naceu Castelao.
O obradoiro tivo dúas partes, a primeira foi un contacontos na que coñecemos a historia de Nuno, un neno diferente que no canto de pelo, tiña unha nube na cabeza. Como non coñece a ninguén cun pelo como o seu, síntese triste por ser distinto aos outros...
Pero ao final os seus pais conseguen que se decate de que precisamente esa diferenza é o que o fai único e especial.
Coñecer esta historia fixo que os nenos e nenas reflexionasen sobre os sentimentos de Nuno e sobre a importancia do respecto, a tolerancia e a convivencia na escola como valores fundamentais para a Paz.
A segunda parte da actividade centrouse máis no Día da Ilustración. Iria e Dani fóronnos explicando a relación entre o debuxo e as emocións que transmite comparando as diferentes representacións da bocas, das cellas, os ollos...
E a continuación foi o noso alumndo o encargado de ilustrar situacións que reflexasen comportamentos que podían contribuír á paz na escola.
Para saber moitas máis cousas sobre Dani, Iria e a súa paixón pola ilustración podedes escoitar a entrevista que lles fixeron Laura, Hugo e Lucas.
MOITAS GRAZAS POR ESTE OBRADOIRO TAN EDUCATIVO!!
Podedes ver todas as imaxes no enlace: GALERÍA DE IMAXES
ENTREGA DE PREMIOS XVI CONCURSO CUENTOS SOLIDARIOS UN JUGUETE, UNA ILUSIÓN
Hoxe Lucas, Lucía, Pilar e Hugo; os nenos e nenas de 4º de Primaria do noso colexio que gañaron o XVI Concurso de Contos Solidarios "Un juguete, una ilusión", desprazáronse a Ourense coa súa titora para recoller os premios correspondentes da man de Rafael Cid, Delegado Territorial de RTVE Galicia, e Marta Pastor, Directora da Fundación Crecer Jugando.
Alí fixéronlles unha entrevista e puideron visitar as instalacións de RNE Ourense.
Podedes ver a entrevista na Primeira Edición do Informativo Territorial de TVE 1 no seguinte enlace a partir do minuto 20:20
A noticia emitiuse tamén noutros programas e a través doutros medios:
- Crónica de Galicia (R1) a patir do minuto 13:20; neste programa a noticia e as entrevistas aos protagonistas intercálanse con fragmentos do conto.
- RNE Galicia informativos. Informativo Lugo (Minuto 11:50)
- RTVEGalicia en Twitter
- Un juguete, una ilusión (Facebook)
- Concello de Sober (Facebook)
Para rematar, deixámosvos o enlace ao conto por si queredes volver a escoitalo.
ENTREGA PREMIOS DO CERTAME DE NADAL DA BPM (3/01/2020)
Cada ano o alumnado do noso colexio participa no Certame de Postais e Poesía que convoca a Biblioteca Pública Municipal polo Nadal.
Por iso, as nosas postais poden verse durante todas as vacacións de Nadal na BPM, unhas postais que este ano, estaban feitas con material 3D.
A entrega de premios deste Nadal comezou coa actuación do grupo local O Trícole que nos agasallou con diferentes panxoliñas e Cantos de Reis.
Despois o alcalde fixo a entrega de premios na que o colexio recibiu un premio á participación, consistente nun diploma e varios libros para a nosa biblioteca. Recolleron o premio algúns alumnos do centro que estaban presentes neste acto.
Tamén obtiveron premios individuais varios alumnos tanto en postais como en poesía. No seguinte documento podedes ver a lista de premiados.
Podedes ampliar a información sobre esta noticia na publicación do Diario de Lemos seguindo o enlace.
OS BIBLIOAXUDANTES CONTAN: Tento e mailo Nadal (20/12/2019)
Hoxe é o último día de clases desta avaliación e tamén é o día que da paso as vacacións de Nadal; por iso, os biblioaxudantes Adrián e Senén prepararon a lectura do libro Tento e mailo Nadal de Ricardo Alcántara (Ed. Tambre)
Neste conto, Tento olvídase de pedirlle a Papá Noel o seu agasallo de Nadal máis desexado....que pasará?
Para saber o final deste conto non tedes máis que escoitar a seguinte emisión de Lecturradio nas voces dos nosos biblioaxudantes.
BO NADAL!!
RESEÑAS PRENSA: XVI CONCURSO CONTOS SOLIDARIOS.
Aquí vos deixamos diferentes reseñas de prensa que seguen a facerse eco do premio gañado polos alumnos e alumnas de 4º de Primaria no XVI Concurso de Contos Solidarios Un juguete, una ilusión.
 |
|
La Voz de Galicia, 17 - 12 - 2019
|
 |
|||
| Fragmento do programa Voces de Lugo coa entrevista a Flora Grande |
|
 |
|
El Progreso, 19/12/2019
|
SOMOS GAÑADORES DO XVI CONCURSO CONTOS SOLIDARIOS
SOMOS GAÑADORES!!!
O xurado do XVI Concurso de Contos Solidarios "Un juguete, una ilusión" convocado pola Fundación Crecer Jugando e RNE, tendo en conta a votación on-line, elexiu o conto dos compañeiros e compañeiras de 4º primaria "Los juguetes solidarios" como o gañador nacional na súa categoría nunha final á que chegaran tamén dous centros de Zaragoza, un de Sevilla e outro de Gijón.
Queremos compartir con todos a súa alegría a través deste vídeo e o agradecemento ao aopio de toda a Comunidade Educativa: pais, nais, compañeiros, mestres, ex-mestres, ex-alumnos, concello... e todos os que vos alegrades deste éxito porque desde a escola rural tamén se pode!!!
NORABOA!!!
NOS SEGUINTES ENLACES, PODEDES ACCEDER ÁS RESEÑAS
DE PRENSA QUE SE FIXERON ECO DA NOTICIA.
CONSTITUCIÓN E ESTATUTO DE GALICIA
Durante a primeira semana de decembro conmemorouse a Constitucióne o Estatuto de Autonomía de Galicia.
Despois de coñecer que son e en que consisten cada unha delas; comezamos a facer a nosa propia Constitución: a Constitución do CEIP Plurilingüe Virxe do Carme.
Este ano redactáronse e aprobáronse en sesión plenaria os 8 artículos que conforman o Título Preliminar.
Artículo 1: O colexio de Sober constitúese en institución social e democrática que defende como valores superiores a liberdade, a xustiza, a igualdade, a educación e a solidariedade.
2. A soberanía do cole reside na directora Montse da que saen os poderes dos profes.
3. A forma educativa do cole de Sober é o traballo cooperativo.
Artículo 2: A constitución é para que todos sexamos iguais. É un documento para todos os soberinos e soberinas e recoñece e garante o dereito á educación dos alumnos e alumnas do Concello de Sober e a solidariedade entre todos eles.
Artículo 3: O galego, o castelán e o inglés son as linguas oficiais deste colexio. Todos os alumnos e alumnas teñen dereito a usalas e deber de coñecelas. Temos que coidar e respectar aos demais alumnos e aos materiais do colexio.
Artículo 4: A insignia do colexio de Sober é Lectuvín, un acio de uvas morado que está lendo un libro. Utilízase na biblioteca, na radio e en todas as actividades relacionadas con elas.
Artículo 5: A capital do Concello está na vila de Sober e ten moitas parroquias: Amandi, Anllo, Barantes, Bolmente, Brosmos, Bulso, Canabal, Doade, Figueiroá, Gundvós, Liñarán, Lobios, Millán, Neiras, Pinol, Proendos, Refoxo, Rosende, San Martín de Anllo, Santiorxo e Vilaoscura.
Artículo 6: cada curso ten a súa propia opinión ou pensamento expresando o que pensa cada alumno. Os nenos e nenas de cada curso teñen o dereito a expresar a súa opinión e facer o que queiran sempre co deber de comportarse ben e respectar. Todos somos iguais.
Artículo 7: O profesorado deberá axudar aos alumnos a que cumpran os seus dereitos. Debemos opinar democraticamente nas actividades que vaiamos a facer no colexio.
Artículo 8: Temos dereitos pero tamén temos deberes como respectar e ser educados. Se facemos estes deberes, teremos como recompensa unha actividade. A actividades faranse todos xuntos sen deixar fóra a persoas polo seu xénero ou aparencia. Os castigos non poderán afectar á nosa integridade.
XVI CONCURSO DE CONTOS SOLIDARIOS
Desde o colexio participamos no XVI Concurso Nacional de Contos Solidarios "Un juguete, una ilusión" organizado por RNE e a Fundación Crecer xogando.
Este ano o tema era "o meu xoguete favorito" e animaba ao alumnado a elaborar un relato, unha canción o un poema para falar do dereito dos nenos a xogar e da importancia do xogo.
A continuación podedes escoitar os contos elaborados polo noso alumnado:
POLAR (3º Primaria)
LOS JUGUETES SOLIDARIOS (4º Primaria)
LA BARAJA ESPAÑOLA (5º e 6º Primaria)
DÍA IINTERNACIONAL DAS PERSOAS CON DISCAPACIDADE (3/12/2019)
En 1992 a Asamblea Xeral das Nacións Unidas proclamou o 3 de decembro como Día Internacional das Persoas con Discapacidade con fin de promover os seus dereitos e o seu benestar en todos os ámbitos da sociedade e concienciar sobre a súa situación.
Este ano, o día céntrase no empoderamento destas persoas para un desenvolvemento inclusivo, equitativo e sonstenible como pide a Axenda 2030 que se compromete a "non deixar a ninguén atrás".
Nós quixemos sumarnos a este obxectivo axudando a concienciar ao noso alumnado con dúas actividades. Para comezar, os biblioaxudantes Laura e Xoán leron o libro Por cuatro esquitas de nada de Jérôme Ruillier.
Neste libro, Cuadradito non pode entrar na casa grande porque ten unha porta redonda.
Despois de moito intentalo e incluso pensar si cortarlle as esquinas a Cuadradito; os Redonditos decicidiron que o problema non era delse non da porta e, por iso, ampliáronna con 4 esquiniñas de nada solucionando así o problema.
Despois os nenos e nenas realizaron un circuíto no que tiñan que enfrontarse a probas que se relacionaban con diferentes discapacidades: nunha non podían falar, nas seguintes levaban antifaces para non ver, noutras non podían utilizar as mans e na última tiñan dificultade para andar polo que debían usar muletas ou cadeira de rodas.
Esperamos que estas actividades fagan que o noso alumnado reflexione e, se queredes, vós tamén podedes escoitar un resumo das actividades de hoxe e escoitar o conto Por cuatro esquinitas de nada na seguinte emisión de Radiuvín:
