Escornabots
ESCORNABOTS E ROBÓTICA: Punto de Interese
Hoxe recibimos na biblioteca un préstamo de fondos da Biblioteca Pública Municipal do noso concello relacionados co tema dos robots, máquinas, inventos...
Xa podedes consultalos no Punto de Interese da nosa biblioteca!!
MOITAS GRAZAS!!
OS ESCORNABOTS TAMÉN SABEN DE EUROS (21/3/2017)
Os escornabots tamén nos axudan a reforzar o coñecemento da nosa moeda.
Nesta actividade traballaremos tanto cos billetes como coas moedas de euros e de céntimos.
BILLETES: colocamos os billetes nun taboleiro ao azar e ímoslle pedindo aos alumnos que acaden un ou otro billete. Para facelo un pouco máis complicado, en vez de pedirlle un só billete podemos pedir cantidades que resulten da suma de varias: 70 €, 40 €...
MOEDAS: facemos o mesmo pero agora coas moedas de 1 €, 2 € e as de céntimos
MOEDAS E BILLETES: o terceiro paso, foi mezclar moedas e billetes pedindo cantidades que combinen ambos como 12,50 € ou 8 € e 30 céntimos...
INGLÉS COS ESCORNABOTS
Para mellorar e reforzar a expresión e a comprensión oral en inglés; a profesora de inglés e a auxiliar de conversa tamén untilizan os escornabots combinándoos con tarxetas de vocabulario correspondente ás unidades didácticas traballadas nesta asignatura.
Nos cursos máis baixos o procedemento é o seguinte:
- Colócanse no taboleiro as tarxetas de vocabulario escollidas.
- O xogador lanza os dados e programa o escornabot tantos movementos como puntos obteña
- O xogador debe pronunciar o nome en inglés do obxecto, persoa, profesión, cor... da tarxeta correspondente.
- Se o fai ben gaña un punto.
- O xogo remata cando se acaban as tarxetas de vocabulario do taboleiro e gaña aquel xogador que ten máis puntos.
Nos cursos máis altos de Primaria, a actividade aumenta a dificultade.
- Colócanse no taboleiro as tarxetas de vocabulario escollidas.
- A teacher e a auxiliar de conversa farán unha question ou diranlles unha definición
- O xogador debe dirixir o escornabot á tarxeta correspondente.
- Se o fai ben gaña un punto.
- O xogo remata cando se acaban as tarxetas de vocabulario do taboleiro e gaña aquel xogador que ten máis puntos.
SCRATCH JUNIOR CON ELÍAS E ROCÍO (13/03/2017)
O alumnado de 1º e 2º comeza hoxe a súa andaina cpara coñecer fundamentos básicos de programación a través de Scratch junior.
Para isto contamos coa axuda de Elías e Rocío, os papás de Antía, que son programadores informáticos e de forma completamente voluntaria e altruista veñen a adicarlles unhas sesións ao noso alumnado.
Comezan explicándonos que é iso de programar e onde podo atopar programación informática no meu día a día.
Despois achegámonos ás ordes básicas de Scratch a través duns carteis que elaboraron e que serven para programar a Elías que se nos transforma nun robot levando a cabo o que os nenos e nenas programan.
E despois disto pasamos a Scratch junior nas tables onde poñemos en práctica o aprendido e moitas cousas máis subindo a dificultade inicial: bucles, escenarios, personaxes interactuando...
UNHA SESIÓN MOI INTERESANTE!!
MOITAS GRAZAS!!
ARTE ESCORNABÓTICO
Seguimos traballando coa arte; esta vez cos escornabots.
O primeiro é elaborar unhas tarxetas con obras representativas de cada arte
Repartimos as tarxetas polo taboleiro grande e a cada xogador/a asignámoslle unha arte.
Tiramos os dados e programamos tantos movementos como puntos obtemos co obxectivo de rematar a tirada nunha imaxe correspondente a miña arte.
Acaba o xogo cando algún dos xogadores consegue todas as súas obras de arte.
ARGALLANDO...
Os escornabots non descansan pero os legos, os xogos de construción e o mecano levan días que tampouco...
Creatividade na máxima expresión!
EXPRESIÓN ORAL E ESCRITA (7/3/2017)
Necesitamos un taboleiro con casillas de expresión oral e de expresión escrita, tarxetas en branco para as probas de expresión escrita e tarxetas con probas de expresión oral que o alumnado pode realizar en menos dun minuto, similares ás seguintes:
Consensuamos os puntos necesarios para gañar a partida: 10, 15… e empezamos.
O xogador tira os dados e colle unha tarxeta correspondente á casilla na que caia. Se é unha casilla de expresión oral debe realizar a proba que lle toque, se é de expresión escrita debe escribir unha proba sen faltas de ortografía que pasará ao montón das probas de expresión oral.
Por cada proba realizada correctamente o xogador gaña un punto escornabótico. Gaña o xogo o xogador que antes consiga os puntos acordados.
QUERES ARGALLAR?
Aínda non vos presentamos o rincón da biblioteca adicado a "Argallar".
Como podedes ver, neste rincón está todo o material que temos relacionado cos Escornabots, libros para fomentar a creatividade e os legos e o mecano que nos mandaron da Asesoría de Biblioteca. Tamén folios, pinturas, tesoiras e pegamento para desenvolver as ideas do alumnado.
Para os máis cativos, están os xogos de construcción e as ferramentas do taller.
Todo listo...agora poñede a cabeciña a argallar!!
CIENCIA EN INGLÉS COS ESCORNBOTS (22/02/2017)
Xa que temos a Zoe, a auxiliar de conversa, na clase de Ciencias da Natureza en 1º e 2º de Primaria; traballamos os animais e vocabulario en inglés.
Colocamos as tarxetas de animais no taboleiro e tiramos os dados.
Despois, programamos o escornabot tantas movementos como puntos conseguimos na tirada; tentando caer nunha casilla con imaxe.
Se, o xogador/a coñece o nome dese animal en inglés e é capaz de dicir a qué especie pertence (Mamífero, ave, anfibio, réptil, peixe ou insecto) queda co animal para si.
Cando se rematan as imaxes de animais; gaña o xogo quen máis tarxetas teña
INSTRUMENTOS DE PEQUENA PERCUSIÓN
Con esta actividade, tratamos de interiorizar o son dos instrumentos de pequena percusión facendo fincapé nas diferentes familias: parche, madeira e metal.
Con esta finalidade elaboramos un taboleiro con códigos QR enlazados a vídeos cos sons destes instrumentos e imaxes dos memos.
O alumno debe dirixir o escornabot a un código QR
A continuación terá que ler o código coa tablet.
Para rematar, dirixirá o escornabot ao instrumento correspondente e tocamolo na clase.
