Grazas á ANPA do colexio a través da FAPACEL (Federación de ANPAs de Lugo), tivemos unha actividade moi divertida para rematar o curso na que  Branca Villares, mestra de música, ensinou ao alumnado de infantil e primaria cancións tradicionais acompañadas de danzas e ritmos.

Un obradoiro moi participativo no que os nenos e nenas o pasaron moi ben.

 MOITAS  GRAZAS  A  ANPA  E  A  FAPACEL  POLA  ORGANIZACIÓN  DESTA  ACTIVIDADE,

PODEMOS  REPETIR  CANDO  QUEIRADES!!!

GALERÍA  DE  IMAXES

     O 5 de Xuño foi proclamado pola Asamblea Xeral das Nacións Unidas en 1972 o Día Mundial do Medio Ambiente coa finalidade de sensibilizar á poboación mundial sobre a importancia de coidar a natureza, de respectar os ecosistemas e de fomentar o respecto ao medio ambiente; obxectivos que tamén forman parte de Axenda 2030.

   Nós quixemos destacar a importancia da  regla das 3R: Reducir, reciclar e reutilizar  facendo entre todo o alumnado do centro unhas fermosas bolboretas con materias de refugallo: rollos de cartón, botes de vidro e botellas de plástico.

   

MIRADE  QUE  FERMOSAS  QUEDARON! 

      

PARA  SABER  MÁIS  NON  VOS  OLVIDEDES  DE  PASAR

POLO  PUNTO  DE  INTERESE  DA  BIBLIOTECA!!

   Cada ano Ramón Peña (membro da Garda Civil experto en riscos de seguridade asociados ás novas tecnoloxías e ao uso de redes sociais e o uso e abuso dos videoxogos) leva a cabo unha formación educativa co alumnado de 5º e 6º de Primaria dentro do PLAN  DIRECTOR  PARA  A  CONVIVENCIA  E  A  MELLORA  DA  SEGUIRDADE  NOS  CENTROS  EDUCATIVOS  E  NOS  SEUS  CONTORNOS.

    Nesta ocasión as sesións foron a través de videoconferencia e nela participaron varios centros da provincia abordando temas como roubo de datos persoais, seguridade de contrasinais, xogos en rede, cyberbulling, grooming... 

  E recordándolles a importancia de dar a coñecer calquera problema que poida xurdir avisando aos pais/nais, aos mestres/mestras ou chamando aos teléfonos de axuda:

062 - 900116117

 

  Este mes de maio, os rapaces e rapazas de 5º e 6º de Primaria participaron no proxecto “Fumatas”, impartido como cada ano por Luisa Astray, educadora social e responsable de prevención da Unidade Asistencial de Prevención de Drogodependencias de Monforte de Lemos.

  A actividade estivo formada por tres sesión onde o alumnado aprendeu sobre os riscos e tipos de dependencias sendo o tema principal o tacabo: riscos, consecuencias, composición...

   Na primeira sesión, os rapaces e rapazas fixeron unha enquisa acerca do que sabían do tabaco e despois Luisa, aos poucos, foi explicando e concienciando aos nenos e nenas sobre todos os inconvintes deste mal hábito coñecendo algunhas das substancias que se encontran nun cigarro  e vendo as consecuencias que ten no noso organismo: pulmóns, boca, pel, cerebro...

Para ver o impacto do tabaco sobre os nosos pulmóns, o alumnado levou a cabo un experimento co que puideron decatarse dos residuos que un só cigarro deixa no algodón e que son os mesmos que deixaría no noso pulmón.     

    Na segunda sesión coñeceron novos detalles sobre o tabaco e os seus componentes máis dañinos.

  Ademais fixeron dous experimentos: o primeiro consistiu en ver como como o alcatrán do tabaco se vai quedando pegado aos pulmóns dos fumadores do mesmo xeito que o caramelo quedou pegado ao filtro do café, podendo ver a diferenza entre un pulmón dun fumador e dun non fumador.

   O segundo experimeto serviulles para comprobar como os fumadores pasivos, na súa maioría nenos, tamén absorven substancias nocivas ao respirar o fume do tabaco do seu ao redor.

    O terceiro día do proxecto, os alumnos puideron ver unha simulación de como quedarían os pulmóns dunha persoa que fumase un paquete de tabaco ao día durante un ano; despois falaron tamén de que o tabaco non só afecta á saúde das persoas, senón tamén á súa economía, xa que supón un gran gasto mensual; e por último, unha práctica na que tiñan que rechazar una invitación a fumar dando argumentos en contra do tabaquismo. Para rematar firmaron un Contrato de Compromiso, no que se "comprometen" a non fumar ao chegar ao Instituto.

Esperamos que non o esquezan e que o cumpran!!

    O 7 de abril é oDía Mundial da Saúde  e aínda que xs nenxs de Infantil lles resulta un pouco complexo entender este concepto, o que si que teñen claro é que para non contaxiarse de coronavirus hai que levar a máscara posta.

    Por iso, para traballar este obxectivo recollido na Axenda 2030, propuxémoslles que decoraran unhas máscaras como les gustaría que fosen as súas. No flipbook podedes ver os seus marbillosos deseños.

   Na actualidade estase realizando a restauración das pinturas murais da nave da igrexa de San Xiao de Lobios. Esta restauración inclúe o muro norte, o muro sur e o arco triunfal.

  Esta igrexa do século XIII é un dos exemplos máis importantes da arquitectura tardorrománica da Ribeira Sacra pero as policromías datan do século XVI.

  Para coñecer o proceso de restauración, o alumnado de 5º e 6º de Primaria acudiu hoxe a igrexa onde Dolores Lago Arce, encargada da restauración, lles explicou todo o relacionado con este proceso. 

  Primeiro o desencalado que consiste en raspar con moito coidado as capas de cal que cobren as pinturas e que non nos deixan ver nada máis que unha parede branca.

   Despois explicounos que estas pinturas son frescos, é dicir, que se pintaban con pigmentos cando a cal aínda estaba fresca e directamente sobre o morteiro (capa de cal e area que cobre os muros); por iso, hai zonas máis delicadas onde o morteiro xa se desprendeu ou está a punto de facelo o que intentan evitar inxectando resina ou morteiro.

 

   Ensinounos tamén algunhas das ferramentas que utilizan: bisturís para raspar a cal, xiringas para encher ocos nos morteiros, pinceis para o po, espátulas para dar morteiro... 

   Unha vez que coñecemos algunhas nocións básicas do traballo de restauración, centrámonos nas dúas grandes escenas descubertas ata o de agora: a resurrección de Cristo e o xuízo final no que se observan os condenados ao inferno e os salvados conducidos por San Pedro que leva a chave para abrirlles a porta do ceo.

 

    Tamén se intúe un posible nacemento nunha zona delimitada por un arco debaixo da escena da resurrección xa que se pode ver a cabeza dunha mula e un par de persoas difuminadas que levan a pensar nesta escena da vida de Xesús.

   A outra zona que se está restaurando é a do arco triunfal na que se poden ver debuxos xeométricos, redondeis, flores...  e restos de pinturas máis actuais.

   Se comparamos o que vimos hoxe coas imaxes da última excursión que fixeramos a Lobios podemos ver un gran cambio xa que onde agora hai andamios e comezan a verse as pinturas, antes había unha parede totalmente branca.

Imaxe: abril 2019

    Así que despois desta visita, temos moitas gañas de volver cando remate a restauración e retiren os andamios aínda que Dolores xa nos explicou que só reintegrarán cor puntualmente en zonas moi específicas e non van a pintar nada a maiores do que atopen.

MOITAS  GRAZAS  A  DOLORES  LAGO  POLA  VISITA  GUIADA  

E  AO  CONCELLO  POLA  ORGANIZACIÓN  DA  MESMA!

O alumnado de 3º e 4º de Primaria asistiu a unha charla didáctica ofertada pola Xunta de Galicia, en colaboración con Axega (Axencia Galega de Emerxencias) sobre o 112. 

Visitóunos un dos irmáns bolechas, Braulio e o seu axudante Docento para explicarnos a importancia do 112, o número europeo de asistencia a cidadanía ante calquera tipo de emerxencia (sanitaria, extinción de lumes e salvamento ou seguridade cidadana).

Primeiro, ilustrounos cun vídeo no que o propio Braulio visitaba as instalacións do 112 en Galicia, no que puidemos ver a importancia de non realizar nunca chamadas falsas xa que podemos por en perigro a vida doutras persoas.

Pasámolo xenial e ata bailamos co rap do 112 que comeza tal que así:

   "Estou nunha emerxencia e teño que chamar, pero antes que nada inténtome calmar..."

Para rematar Braulio e Docento, regálaronnos a cada un de nós un conto e un cadernillo de actividades para aprender máis cousas sobre o 112.

Recorda sempre, SÓ CHAMAR ANTE UNHA EMERXENCIA!

    Se recordades, no mes de setembro, grazas a invitación de Noelia e Diego, pais do noso alumno Darío e do noso ex-alumno Héctor; o alumnado do cole participou nunha excursión á Gandería da Casa Escola de Gundivós.

  Nesta visita puidemos coñecer parte do seu traballo dedicado ás ovellas: desde ceibalas ata prepararlles a corte para cando volven do prado; e participar na gravación do programa Cos pés na terra.

  Pois ben, hoxe emitiuse o programa pero se non puidestes velo non vos preocupedes que aquí deixamos algunhas imaxes e o enlace á páxina da TVG.