2021/2022
ENCONTROS DE BIBLIOTECAS ESCOLARES DE GALICIA (25-03-2022)
Como cada ano, participamos nos Encontros de Bibliotecas Escolares de Galicia celebrados no Palacio de Congresos de Santiago de Compostela para formarnos sobre temas tan interesantes como o futuro das bibliotecas, o poder TRANSformador da biblioteca na educación do S. XXI, a inclusión de videoxogos como un recurso máis da biblio, os libros de non-ficción e a plataforma ELBE.2 da que vos falaremos en breve.
Ademais tivemos un momentiño para coñecernos e sacarnos unha fotografía case todos os responsables das bibliotecas escolares da provincia de Lugo.
APRENDER A ESTUDIAR e COMPRENDO O QUE LEO (24-03-2022)
Nesta nova sesión da actividade Aprender a estudiar e Comprendo o que leo organizada pola ANPA, o alumnado segue a practicar con textos para aprender a subliñar e elaborar diferentes tipos de esquemas a partir da información obtida.
O alumnado de 1º e 2º de Primaria, estivo traballando conceptos como nome común e nome propio, campo semántico, campo léxico...
DÍA DA POESÍA - MES DO AMANDI (23-03-2022)
Seguimos celebrando o Día da Poesía e o Mes do Amandi recitando novos poemas do libro Bebedeira de Florencio Delgado Gurriarán, autor ao que se lle dedican este ano as Letras Galegas.
ANIMAIS FANTÁSTICOS E ONDE ATOPALOS (22-03-2022)
O alumnado de 3º e 4º de educación primaria estivo a traballar nun proxecto titulado "Animais fantásticos e onde atopalos" en base ao libro da autora británica J.K. Rowling, publicado en 2001, sobre criaturas máxicas de Harry Potter.
Agora, xa sabedes onde se atopan os animais fantásticos? Shhhhhh...Gardade o segredo!
DÍA DA POESÍA - MES DO AMANDI (21-03-2022)
O 21 de marzo é o Día da Poesía e ademais en Sober estase celebrando tamén o Mes do Amandi no que o Concello organiza actividades culturais arredor da XLII Feira do Viño de Amandi que é un dos eventos máis importantes que se celebran aquí.
Continuamos con Aí vén o Maio recitado por Pablo, Daniela, Martín, Germán, Cristian, Darío, Libertad, Yanira e Lucas Fernández.
IlustrarNÓS: Os nosos ilustres instrumentos
Esta semana o alumnado de 3º e 4º de Primaria participou no obradoiro OS NOSOS ILUSTRES INSTRUMENTOS dentro da campaña IlustrarNÓS organizada pola Deputación de Lugo e solicitada pola ANPA.
Juan A. Álvarez foi o encargado de presentarnos un montón de instrumentos tradicionais galegos de percusión uns máis coñecidos como o tamboril, o pandeiro ou a pandeireta e outros máis descoñecidos como a pandeira ou o charrasco. Tamén nos amosou como facer música con obxectos que non son instrumentos como as piñas ou as cunhas
Pola súa banda, a ilustradora Laura Romero ensinounos a darlle vida aos instrumentos poñéndolles rostro e corpo.
Na segunda parte do obradoiro, deixamos os instrumentos de percusión e coñecemos o pícolo, a gaita e a zanfona.
INEIN: PROXECTOS DE IMPRESIÓN 3D
Dende a materia de INEIN o alumnado de 6º curso estivo aprendendo todo o relacionado coa impresora 3D. Comenzamos con un pouco de teoría sobre o funcionamento da mesma. A continuación, estivemos a traballar no programa en liña gratuíto de modelado 3D TinkerCad, onde cada un deles puido deseñar o seu propio proxecto.
A tarea consistiu en elixir un país e facer algún obxecto característico do mesmo. De este modo, non só traballamos a competencia dixital senón tamén, outras competencias como a de aprender a aprender ou a de conciencia e expresións culturais. Eliximos este tema debido a que ao longo do curso o alumanado de 5º e 6ª está a traballar o proxecto "Viaxando polo mundo".
Nas seguintes fotografías podedes observar as súas creacións:
Lucas Rodríguez Freire |
Pilar Vence Álvarez |
DÍA INTERNACIONAL DA MULLER: A PITA XEFA (8-03-2022)
O 8 de marzo conmemórase o Día Internacional da Muller.
Desde o colexio, este ano quixemos facer fincapé na loita contra os estereotipos partindo do libro A pita xefa de Marta Lado que foi o gañador do III Premio Fina Casalderrey de Literatura Infantil pola Igualdade (2021).
Varios biblioaxudantes foron os que leron esta historia na que coñecemos a Coro, a galiña protagonista que ten grandes sonos e quere chegar a ser xefa do galiñeiro sen entender que o señor Quiríaco, só por ser galo, teña que ser o que mande; estaba farta de oír aquel refrán antigo que sempre funcionara no galiñeiro: "Os galos mandan, e as galiñas apandan"
Tamén coñeceremos a galiñas que fan cousas moi diversas: malabares con ovos, partir leña facendo kárate, bailar claqué, deseñar prototipos...
Ao longo da historia, vemos como o resto das galiñas do galiñeiro van comenzando a pensar que igual Coro ten razón e que ao mellor unha pita pode ser xefa.
Pouco a pouco decátanse de que as galiñas poden facer o que queiran así que, para que Coro poida voar tan alto como o galo e convertirse na xefa do galiñeiro; a galiña enxeñeira deseña unha estrutura que todas as demais enchen coas súas propias plumas de xeito que ao final Coro pode voar ao alto do poleiro e cantar o seu ulululúúúú.
Para rematar, a través da unión de todas, acadarán o seu obxectivo: cambiar as normas do galiñeiro! E para iso fundaron un Consello de anciáns no que incluían ao señor Quiríaco e tamén unha comisión de innovación.
Despois de ler o libro quixemos recrear a súa portada con plumas pintadas por cada un dos nenos e das nenas do colexio para axudar a Coro a voar, pois tanto os nenos como as nenas temos que loitar para acadar unha ruptura real dos estereotipos de xénero.
E agora un pequeno exercicio para rematar:
1º) Pensade na persoa que manda nunha empresa e que está presidindo unha reunión nunha mesa moi longa.
2º) Contestade sendo sinceiros... pensastedes nun xefe ou nunha xefa?
LOITEMOS CONTRA OS ESTEREOTIPOS!!
DÍA DA MULLER: A PITA XEFA (8/03/2022)
O 8 de marzo conmemórase o Día Internacional da Muller.
Desde o colexio, este ano quixemos facer fincapé na loita contra os estereotipos partindo do libro A pita xefa de Marta Lado que foi o gañador do III Premio Fina Casalderrey de Literatura Infantil pola Igualdade (2021).
Varios biblioaxudantes foron os que leron esta historia na que coñecemos a Coro, a galiña protagonista que ten grandes sonos e quere chegar a ser xefa do galiñeiro sen entender que o señor Quiríaco, só por ser galo, teña que ser o que mande; estaba farta de oír aquel refrán antigo que sempre funcionara no galiñeiro: "Os galos mandan, e as galiñas apandan"
Tamén coñeceremos a galiñas que fan cousas moi diversas: malabares con ovos, partir leña facendo kárate, bailar claqué, deseñar prototipos...
Ao longo da historia, vemos como o resto das galiñas do galiñeiro van comenzando a pensar que igual Coro ten razón e que ao mellor unha pita pode ser xefa.
Pouco a pouco decátanse de que as galiñas poden facer o que queiran así que, para que Coro poida voar tan alto como o galo e convertirse na xefa do galiñeiro; a galiña enxeñeira deseña unha estrutura que todas as demais enchen coas súas propias plumas de xeito que ao final Coro pode voar ao alto do poleiro e cantar o seu ulululúúúú.
Para rematar, a través da unión de todas, acadarán o seu obxectivo: cambiar as normas do galiñeiro! E para iso fundaron un Consello de anciáns no que incluían ao señor Quiríaco e tamén unha comisión de innovación.
Despois de ler o libro quixemos recrear a súa portada con plumas pintadas por cada un dos nenos e das nenas do colexio para axudar a Coro a voar, pois tanto os nenos como as nenas temos que loitar para acadar unha ruptura real dos estereotipos de xénero.
E agora un pequeno exercicio para rematar:
1º) Pensade na persoa que manda nunha empresa e que está presidindo unha reunión nunha mesa moi longa.
2º) Contestade sendo sinceiros... pensastedes nun xefe ou nunha xefa?
LOITEMOS CONTRA OS ESTEREOTIPOS!!
FRACCIÓNS CON CUBOS (4/3/2022)
Na nosa biblioteca podemos atopar numerosos recursos para interiorizar e entender mellor algúns contidos. Neste caso, @s alumn@s de 4º de Educación Primaria estiveron argallando cos cubos MathLink, un material moi útil e e visual para traballar conceptos matemáticos como por exemplo, numeración, operacións básicas, secuencias lóxicas...
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »
![RSS - 2021/2022 Distribuir contido](/centros/ceipvirxedocarmesober/misc/feed.png)