Premios
V CERTAME DE DEBUXO - FEIRA DO VIÑO DE AMANDI (11/4/2019)
O alcalde de Sober, Luis F. Guitián, entregou no Centro Sociocultural da localidade o premio ao debuxo gañador do V Certame de Debuxo da Feira do Viño de Sober correspondente a súa XXXIX Edición.
Os nenos participantes do noso centro, do CEIP Monte Baliño de Ferreira de Pantón e do colexio de Currelos; asistiron ao acto de entrega no que Julia Fernández deu a coñecer o nome do ganador lendo a acta do certame do que foron xurado Rodrigo Coucheiro, gañador do certame de carteis da XXXIX Feira do Viño de Amandi e Eva Abal, empresaria e emprendedora da localidade especializada en deseño e interiorismo.
Entre os máis de 100 debuxos presentados, a gañadora foi Uxía Trail Bates que recibiu un premio valorado en 150 euros e viu convertido o seu debuxo nunha tarxeta postal prefranqueada que o Concello enviará aos Centros Galegos de Europa e América co obxectivo de conseguir unha difusión internacional.
Estas tarxetas postais impresas por Correos estarán á disposición do público na Oficina de Turismo de Sober a un prezo de 1,5 euros.
Concedeuse un accésit de 50 euros ao mellor debuxo de cada colexio participante: Patricia López, de Currelos; Celia María García, do Monte Baliño de Pantón e Xoán Pérez, de Sober.
O resto dos participantes tamén tiveron premios: unha postal e unha mochila para colorear que recolleron os representante de cada centro.
Para rematar, no seguinte enlace podedes acceder a todos os debuxos que presentaron os alumnos do noso colexio ordenados por cursos.
Esta entrega de premios foi publicada pola prensa escrita da nosa comarca:
 |
| La Voz de Galicia, 11/04/2019 |
 |
| El Progreso, 11/04/2019 |
ENTREGA PREMIOS PROVINCIAIS - CERTAME POESÍA NADAL (22/2/2019)
Este ano dous dos nosos alumnos acadaron ambos accésits na Fase Provincial do certame de poesía infantil "Nadal 2018" convocado pola Biblioteca Nodal de Lugo.
Este venres foi a entrega de premios na que fixeron lectura dos seus poemas e ademais recibiron os seus agasallos.
Cristian Dourado Rodríguez na Categoría A (ata 8 anos)
Aitana Cruz Rodríguez Casado na Categoría B (de 9 a 11 anos)
NORABOA!!!!
ESTAMOS MOI ORGULLOSOS DOS DOUS!!
SOBERICIAS: Premios do Certame de Nadal 2018
Sobericias, o programa que che conta as mellores noticias céntrase neta emisión nos premios do Certame de Nadal convocado pola Biblioteca Pública Municipal de Sober nas modalidades de Poesías e Postais.
Da man dos seus locutores, Xoán e Mara, coñeceremos todos os detalles deste certame e escoitaremos os poemas premiados na voz dos seus autores.
PREMIOS CERTAME DE NADAL DA BPM - 2018
Todos os anos, o alumnado do noso colexio participa no Certame de Postais e Poesía que convoca a Biblioteca Pública Municipal polo Nadal.
Por iso, as postais dos nosos alumnos e alumnas están expostas no Centro Sociocultural de Sober durante as vacacións .
A entrega de premios deste certame comezou coa actuación do grupo local O Trícole que nos agasallou con diferentes panxoliñas e Cantos de Reis tanto propios como recollidos na nosa zona ou doutras culturas.
Despois o alcalde entregou os premios dos que o colexio recibiu un premio á participación, consistente nun diploma e un lote de libros para a nosa biblioteca. Recolleron o premio algúns alumnos do centro que estaban presentes neste acto.
O acto foi publicado en varios xornais o día 3/01/2019:
 |
|
El Progreso, 3/01/2019
|
 |
|
La Voz de Galicia, 3/01/2019
|
 |
|
Diario de Lemos, 3/01/2019
|
CERTAME DE NARRACIÓN LETRAS GALEGAS - 2018
A nosa alumna, Laura Gómez, recibiu onte en Lugo o premio provincial recibido no Certame de Narración das Letras Galegas convocado pola Biblioteca Nodal de Lugo que este ano levaba como título Como cambiou o conto ou como darlle unha volta ao conto tradicional
Este certame ten lugar a través das Bibliotecas Públicas Municipais; por iso, nesta entrega estivo acompañada por Julia Fernández Garza bibliotecaria da Biblioteca de Sober quen tamén recibiu un diploma acreditativo do premio.
No acto, Laura tivo que ler o conto da leiteira que re-escribiu de xeito que en vez de quedar sen nada como na fábula tradicional, a leiteira consegue vender o leite na feira e chegar a ser unha gran empresaria.
NORABOA LAURA!!!
COMO CAMBIOU O CONTO... (8/6/2018)
Hoxe entregáronse os premios do Certame de Debuxo e Narración das Letras Galegas convocado pola Biblioteca Nodal de Lugo en colaboración coa Biblioteca Municipal aos seguintes alumnos:
NARRACIÓN
CATEGORÍA A: ata 8 anos
BRAIS RODRÍGUEZ ÁLVAREZ
CATEGORÍA B: de 9 a 11 anos
LAURA GÓMEZ GRANDE
HÉCTOR FERNÁNDEZ GONZÁLEZ
AITANA CRUZ RODRÍGUEZ CASADO
DEBUXO
CATEGORÍA A: ata 8 anos
MENCÍA FERNÁNDEZ RODRÍGUEZ
BRAIS RODRÍGUEZ ÁLVAREZ
CRISTIAN DOURADO RODRÍGUEZ
CATEGORÍA B: de 9 a 11 anos
VERÓNICA TAMI GONZÁLEZ
UXÍA TRAIL BATES
LAURA RODRÍGUEZ FREIRE
Podedes ver todos os traballos presentados na seguinte publicación
NORABOA A TODOS!!
IV CERTAME DE DEBUXO FEIRA DO VIÑO - ENTREGA DE PREMIOS
Hoxe entregáronse os premios do IV Certame de Debuxo da Feira do Viño de Amandi sobre o cultivo da vide.
Nesta edición participaron todos os alumnos de Primaria do noso centro xunto co alumnado de outros tres colexios da comarca facendo un total de 150 debuxos presentados.
O gañador foi Alejandro Pérez López do Colexio Novo de Monforte. Ademais deste premio, o xurado concedeu accésits a Clay Anxo Randale Parquer do CEIP Monte Baliño (Pantón), Sofía Mendes González do Torre de Lemos (Monforte) e José Ángel Novoa López, do noso.
Esta actividade foi publicada nos seguintes medios:
OBRADOIRO AUDIOVISUAL: VOLUNTARIADO DE LECTURA - A
Xunto con outras sete bibliotecas de colexios galegos, o equipo de Biblioaxudantes do noso centro foi seleccionado na convocatoria da VOLUNTARIADO DE LECTURA - A para o curso 2016/2017.
Por esta selección, recibimos no centro un obradoiro audiovisual para o alumnado participante neste voluntariado das mans de gingko - comunicación e educación
Neste obradoiro, Roi Guitián explicloulles aos biblioaxudantes que é e como facer un booktrailer.
Unha vez familiariazos con este formato, a proposta foi elaborar o seu propio booktrailer. Para isto, por grupos elexiron un libro, fixeron o storyboard, fotografías, vídeos, crearon personaxes, animacións, voz en off... resumindo, todo o necesario para elaboralos!
E así de impresionante foi o resultado deste obradoiro tan interesante
ao que seguro que lle sacamos moito partido en próximas produccións do centro!!
Moitas grazas a Roi de gingko comunicacións polas súas ensinazas e
por facer este obradoiro tan dinámico
Finalmente o día rematou coa entgrega de diplomas aos biblioaxudantes:
MOITAS GRAZAS A ASESORÍA DE BIBLIOTECAS POR ESTE RECOÑECEMENTO!
VOLUNTARIADO DE LECTURA - A (Centros Seleccionados)
ESTAMOS DE NORABOA!!
Hoxe publicouse a resolución de 22 de maio da Dirección Xeral de Centros e Recursos Humanos pola que se seleccionan os centros (en función das memorias de actividades correspondentes) destacados nas iniciativas contempladas no programa BIBLIOTECAS ESCOLARES SOLIDARIAS, para o curso 2016/2017 e... O NOSO CENTRO É UN DOS 8 SELECCIONADOS!!!!
Desde a Asesoría de Bibliotecas escolares organizarán no propio centro, un obradoiro audiovisual destinado ao alumnado voluntario participante da iniciativa.
Ademais como actividade integrada nos programas de voluntariado da Dirección Xeral de Xuventude, Participación e Voluntariado, o alumnado directamente implicado e responsable das actividades de voluntariado de lectura e de atención á biblioteca escolar, recibirá un diploma pola súa colaboración como acción de voluntariado cultural, así como material divulgativo e de apoio ao programa.
LETRAS E MÚSICA (19/05/2017)
O venres celebrouse no Centro Sociocultural de Sober o Festival Letras e Música no que se entrelazaron actuacións musicais dos alumnos de música e movemento da Escola de Música de Sober, do coro infantil e do coro Berea con retallos da vida e da obra de Carlos Casares da man do noso alumnado a través do programa da Biblioteca Municipal Merenda con Contos.
Ademais o alcalde fixo entrega dos premios do Certame de Narración e Debuxo das Letras Galegas 2017, que levaba por título O mundo que queremos.
Os premios foron os seguintes:
CATEGORÍA C, DE 12 A 16 ANOS
1º Rocío González Jiménez
2º Herbert Trail Bates
3º Marco Martínez Rodríguez
CATEGORÍA B, DE 8 A 11 ANOS
1º Héctor Fernández González
2º Mara López Rivera
3º Henry Vila Rodríguez
CATEGORÍA A, ATA 8 ANOS
1º Xoán Pérez Fernández
2º Laura Gómez Grande
3º Senén Hernández Rodríguez
Este acto foi recollido polo xornal, El Progreso do día 20 de maio de 2017
