2022/2023
DÍA DA POESÍA (21 - 3 - 2023)
Desde 1999, o 21 de marzo celébrase o Día Mundial da Poesía coa finalidade de promover a súa ensinanza, crear unha imaxe atractiva dela e fomentar a expresión e tradición oral.
No noso colexio foron os nenos e nenas de Ed. Infantil e de 3º e 4º de primaria os encargados de recitar varios poemas na biblioteca e gravalos despois en Radiuvín para conmemorar este día.
A clase de Infantil A, recitou un poema sobre a chegada da primavera.
A clase de Infantil B, recitou dous poemas do libro O xardín de Irene de Xosé Neira Vilas.
DÍA DA NARRACIÓN ORAL (20-3-2023)
O 20 de marzo é o Día da Narración Oral.
Para conmemorar esta data os nenos e nenas de 1º e 2º contáronlle aos seus compañeiros dous contos na biblioteca que podedes escoitar a continuación.
Comezaron os alumnos/as de 1º de Primaria contando O Gatipedro, basado no libro do mesmo nome de Jacobo Paz. Con esta historia coñecemos a un neno que non quere poñer cueiros pola noite pero cando vai durmir ten un grave problema: sempre se levanta coas sabas molladas. Queredes saber quen lle fai isto? Pois escoitade atentos.
Despois continuou o alumnado de 2º de Primaria contando A boneca de Lucas, basada no libro de Alicia Acosta que é a historia de Lucas, un neno que desexa máis que nada no mundo unha boneca. Por que non poden xogar os nenos con bonecas?
APRENDENDO SOBRE O DANO CEREBRAL ADQUIRIDO (16-3-2023)
A Federación Galega de Dano Cerebral (FEGADACE) é unha organización que persegue a mellora da calidade de vida das persoas con dano cerebral adquirido e as súas familias.
A actividade tivo como base a guía de Os Bolechas titulada Mireia conta que é o dano cerebral adquirido que lle serviu de apoio para ampliar os conceptos básicos de esta sesión.
A continuación deixamos unhas imaxes desta guía sobre o que podemos facer nós para axudar a persoas que sufran esta doenza.
Para rematar, lembrade a Regra dos 3 F para detectar con rapidez se unha persoa está sufrindo un ictus e o teléfono ao que debemos chamar.
Moitas grazas a FEGADACE por esta sesión de sensibilización entre o noso alumnado que ademais axuda a reforzar o obxectivo 3 da axenda 2030!!
SEMANA DA PRENSA 2023
Debido á importancia que os medios de comunicación teñen hoxe en día como instrumentos que nos informan do que pasa arredos e nos achegan á realidade cultural e social na que vivimos, parécenos moi importante tamén traballar con eles na escola.
Os xornais, a televisión, internet... fan que as noticias cheguen en diferentes soportes pero... son todos fiables?
A desinformación (noticias falsas, información sesgada, manipulación de titulares ou similares) é un problema ao que o noso alumnado se deberá enfrontar a partir de agora xa que as posibilidades actuais de xerar contidos e distribuílos en diferentes soportes e medios sen pasar ningún filtro son cada vez maiores.
A linguaxe escrita e as imaxes que a acompañan, sogan un papel fundamental na interpretación de todas as noticias que lemos, vemos ou atopamos na rede; por iso, desde o punto de vista escolar, parécenos fundamental compartir co alumnado experiencias que inclúan a análise dos medios de comunicación que forman ou formarán parte da súa vida cotiá.
Para levar todo isto á práctica deseñamos unha situación de aprendizaxe que ten como resultado final este xornal no que poderedes ler noticiais reais pero tamén outras que non o son tanto (as chamadas fake news).
Esperamos que saibades apreciar todo o traballo desenvolvido polo alumnado. Nós como docentes, estamos moi orgullosos deles.
8M DÍA INTERNACIONAL DA MULLER (2023)
O Día Internacional da Muller deste ano 2023 xira en torno ao seguinte lema: "Por un mundo dixital inclusivo: innovación e tecnoloxía par a igualdade de xénero".
Tamén a igualdade de xénero ten un obxectivo propio na Axenda 2030 que é o obxectivo 5: Lograr a igualdade entre os xéneros e empoderar a todas as mulleres e nenas.
Como somos un centro plurilingüe, o departamento de plástica coa axuda de Aly, a nosa auxiliar de conversa, elaborou un mural para esta conmemoración e un vídeo en inglés con subtítulos en galego co que coñeceredes os motivos polos que se celebra esta data e algunhas mulleres importantes da historia.
![](https://blogger.googleusercontent.com/img/b/R29vZ2xl/AVvXsEgiZlEpZK616jdaSXlnhJBAwW1A82UcJ_vn4WIIL1rPFO3wi0yFKhqGuOWdGRD3-Sy5wcWAQR4cHly3AYX6_xGZItN3LFAbuWFAjsT7VSNDIe4xWFXKFOgc-Oso-g0GuXwJdptHKGbK8S9w_xZGCF01U1fby3oH3lDvlQjPlCWRIs7TMGrfBsG2WOjIdg/s790/Women's%20day%20(1).jpg)
![](https://blogger.googleusercontent.com/img/b/R29vZ2xl/AVvXsEgCSMz8CgqfqcsCKbhlTPPBbvFVvWEXJZlU8rKaT1aMgtmcS_5M6ginsiOq1gyFYkh2fwwTfF5UT0W6VNQ16M4UPQCXom97PYqmZzEAcmDM63jRwuLw6lCZ4Jh6oQgJnskazDPBNtarsNM_STD8_wl7PsJ_EC2V_Gxljk7DhSgZFYqylZOXY7PN9f-ytg/s1156/Women's%20day%20(2).jpg)
TRABALLANDO OS TEXTOS BIOGRÁFICOS
Na materia de Lengua Castelá e Literatura o alumnado de 4º de primaria estivo a traballar a biografía.
Primeiro, estudamos este tipo de texto e logo, a cada xn de nós tocóunnos realizar a biografía dalgunha persona ilustre da historia.
ADA: MIGUEL DE CERVANTES
CANDELA: GLORIA FUERTES
ANTÍA: SEBASTÍAN DE COVARRUBIAS
MARTÍN: CONCEPCIÓN ARENAL
LARA: AUDREY HEPBURN
PREPARANDO Á VISITA Á CATEDRAL DE SANTIAGO (28 - 02 - 2023)
Para a nosa visita á Catedral De Santiago de Compostela estivemos a facer unha investigación sobre os datos máis relevantes da mesma durante a sesión de INEIN.
DÍA DE ROSALÍA (23 - 02 - 2023)
Desde o ano pasado celébrase o Día de Rosalía o 23 de febreiro, despois de que a investigadora galega Sagrario Abelleira atopase documentación que confirmara o 23 como data real do seu nacemento e non o día 24 como se cría antes.
Para esta conmemoración o alumnado de 2º de Primaria elaborou un pequeno resumo da súa vida que hoxe visualizamos na biblioteca.
Tamén lle deron cor a diferentes ilustracións de Rosalía que agora están expostas nas paredes dos corredores do colexio para lembrarnos desta autora tan importante.
Se queredes ampliar a información, podedes acceder á súa web na que atoparedes moitos máis datos sobre ela e toda a súa obra:
rosalía.gal |
COMANDAS DO MECO - XOVES (16 - 02 - 2023)
Hoxe xoves rematan as comandas do Meco con todos os nenos e nenas en pixama.
Pero... por que viñemos todos así vestidos, ou mellor dito, sen vestir?
Porque como din as comandas do Meco:
E de que tartaruga pensades que estamos falando?
De A tartaruga que quería durmir que é a protagonista da historia escrita por Roberto Aliaga.
DÍA INTERNACIONAL DA NENA E A MULLER NA CIENCIA (2023)
O 11 de febreiro conmemórase o Día Internacional da Nena e a Muller na Ciencia. Un día co que a Asamblea Xeral das Nacións Unidas pretende visibilizar "o labor das científicas, promover a realización de actividades e fomentar vocacións científicas que axuden a pechar a brecha de xénero na ciencia".
Durante a súa intervención, faláronos dos diferentes tipos de probas que se fan e das diferentes máquinas que se utilizan para facelas: radiografías, TAC, resonancias, mamografías... e para que o entenderamos ben, explicáronos que cando nos fan unha resonancia as imaxes que vemos son como se nos cortasen en rebanadas.
Tamén nos mostraron radiografías antigas na mesa de luz para que puidésemos ver exemplos de como se ven as diferentes partes do noso corpo:
![]() |
Craneo |
![]() |
Vexiga, riles e uréteres |
![]() |
Pulmóns |
![]() |
Columna vertebral |
![]() |
E ata unha prótese de cadeira!! |
Ademais aprendemos que para protexerse das radiacións a sala onde se fan está aislada con chumbo e que se teñen que quedarse co paciente que ten que facer a proba deben protexerse con delantais plomados.
Para rematar a visita, acudiron as instalacións de Radiuvín onde falaron con Lola e Darío sobre todo o que nos contaran na biblioteca.
ESPERAMOS QUE O VOSO EXEMPLO DE MULLERES DE CIENCIA, AXUDE ÁS NOSAS ALUMNAS A COMPRENDER QUE DE MAIORES PODEN SER O QUE ELAS QUEIRAN SER.
MOITAS GRAZAS POR VIR A COMPARTIR
CON NÓS ESTE DÍA!!
![RSS - 2022/2023 Distribuir contido](/centros/ceipvirxedocarmesober/misc/feed.png)