Cada ano convocamos un certame de investigación en torno ao autor/a ao que se lle dedica o Día das Letras Galegas.

   Para iso, elaboramos cuestionarios adecuados ás idades do noso alumnado partindo dos materiais publicados polo Seminario Galán e eles teñen un par de días para cumprimentalos buscando información nos carteis enviados pola Xunta de Galicia, nos fondos da biblioteca ou investigando en internet.

    Despois valoramos os cuestionarios e entregamos os premios aos mellores investigadores, aqueles que non tiveron nin un erro!!   

   Pero tamén a todos e todas os que participaron xa que esforzarse e investigar sempre ten que ter recompensa aínda que non quedase perfecto.

   O alumnado de Infantil B, pasou polos estudos de Radiuvín para poñerlle voz ao poema Dores do Agro, do autor homenaxeado este ano o Día das Letras Galegas: Florencio Manuel Delgado Gurriarán.

 DORES  DO  AGRO

Fortes brazos de silveira

o camiño apadumaron;

anda a laiarse o silenzo

da puñelada dos carros

que lle fendeu as entranas;

pola forca dun arame

o parreiral enforcado

bota a lingua para afora, 

o probe corpo estordega,

e remela os verdes ollos

nas ánseas da morte fera.

   Moitas veces o noso alumnado non lle dá a suficiente importancia ao silencio á hora de concentrarse para realizar unha tarefa ou estudar; por iso, moitos deles fan as tarefas en ambientes máis ruidosos, coa televisión, con música...

   Coas actividades de atención de hoxe, comprenderon a importancia do silencio xa que tiñan o tempo xusto para realizar cada reto e eles mesmos déronse conta de que se alguén falaba ou facía ruído, se desconcentraban.

  Nas seguintes imaxes podedes velos concentrados mentres descifraban un código, memorizaban unha asociación imaxe - palabra ou completaban un debuxo dado. 

   Como a nosa biblioteca pertence ao Proxecto Biblioteca Creativa, cada ano recibimos un orzamento específico para poder realizar obradoiros para o alumnado. Este ano, ademais, os obradoiros estiveron abertos ás familias que quixeron participar. 

   Queriamos que a protagonista das actividades fora a realidade aumentada e por iso, achegáronse ao centro varias monitoras de Vermislab que nos axudaron a resolver moitas dúbidas:

Que é a realidade aumentada? 

As gafas 3D son realidade aumentada? 

Onde podemos atopar exemplos desta realidade? 

Podemos nós crear a nosa propia realidade aumentada?

      A continuación, dependendo da idade do alumnado, fixemos diferentes actividades para poñer en práctica o aprendido. O alumnado de 1º e 2º utilizou fichas quivervision para colorear debuxos que despois, ao enfocalos coa tablet, cobraban vida: un dinosauro que se podía mover e facer ruídos, un foguete espacial que despegaba e viaxaba polo espazo...

   O alumnado de 3º a 6º de Primaria creou a súa propia realidade aumentada inserindo un vídeo nunha imaxe que facía de marcador co programa Creator.

 

 

MOITAS  GRAZAS  AOS  FAMILIARES  QUE  PUIDERON

COMPARTIR  ESTA  ACTIVIDADE  CON  NÓS!

 GALERÍA  DE  IMAXES

     Desde fai varios anos, para conmemorar o Día do Libro, realizamos unha das actividades preferidas do noso alumnado: os apadriñamentos lectores.

    Comezaba a ronda á entrada co colexio, onde Pau, Yanira e Gissela contaban o libro 10 dedos nas mans e 10 dedas nos pés  de Mem Fox.

   Seguimos o percorrido e chegamos ao fondo do corredor para escoitar a historia que tiñan preparada Lucía, Mencía e Libertad:  Un becho estraño  de Mon Daporta.

 

 FELIZ  DÍA  DO  LIBRO!!

   A través da Xunta de Galicia e o Colexio Profesional de Enxeñaría en Informática de Galicia (CPEIG), hoxe tivemos no noso centro unha sesión do Plan Navega con Rumbo a cargo de Rodrigo Álvarez.

    Este Plan está destinado a que o alumnado aprenda a nevegar pola rede de xeito seguro, evitando estafas, ciberacoso, virus...

    A charla estivo centrada en 6 puntos diferentes que se recollen nas seguintes diapositivas:

 

    O 2 de abril conmemórase o Día Internacional do Libro Infantil con fin de promocionar os libros infantís e xuvenís e a lectura entre os máis novos.

     Seleccionouse esta data xa que é a data do nacemento do escritor danés Hans Christian Andersen que foi o creador dalgúns dos contos clásicos infantís máis lidos en todo o mundo: O parrulo feo, Polgariña, O soldadiño de chumbo, a Sereíña...

    Cada ano selecciónase un escritor representativo e un ilustrador para que elaboren a mensaxe dirixida a todos os nenos e nenas do mundo para promover a celebración deste día nas bibliotecas e colexios.

    Este ano o autor seleccionado para escribir esta mensaxe foi o canadiense Richard Van Camp que o fixo baixo o título "As historias no ás que nos axudan a remontar o voo cada día" e a encargada do cartel foi a ilustradora Julie Flett.

   A continuación podedes escoitar o programa de radio gravado por Carlota, Diego, Germán e Javier para coñecer máis datos sobre esta conmemoración, escoitar o texto de Richard Van Camp traducido ao galego por Mercedes PAcheco e un anado dun dos seus contos infantís: O soldadiño de chumbo.

FELIZ  DÍA  DO  LIBRO  INFANTIL!!

      Seguimos coa obra teatral As laranxas máis laranxas de todas as laranxas de Carlos Casares, autor homenaxeado o Día Das Letras Galegas 2017.

  Hoxe, coa lectura rematada, estivemos falando de diferentes aspectos da trama: 

ten sentido o que pasa? 

por que o autor escribiría unha obra con esta temática? 

Resúltanos graciosa ou liosa?

  Tamén reflexionamos sobre o respecto aos demais e ás direfenzas, partindo do mote dun dos veciños: Toneladitas. Que nos parecen os motes ou apodos?  É correcto o seu uso? Utilizamos nós algún?

    Vémonos o próximo venres e para a sesión final deste libro que virá con algunha sorpresiña...

      Rematamos marzo cunha nova sesión destes obradoiros subvencionados pola ANPA.

    O alumnado de 1º e 2º seguiu traballando cos tipos de palabras que son importantes para obter información dun texto; se na sesión pasada os protagonistas eran os nomes, nesta ocasión os protagonistas foron os verbos.

 

  Os nenos e nenas de 3º a 6º de Primaria seguiron praticando para elaborar diferentes tipos de esquemas: lineais, de desenvolvemento numérico, mapas concpetuais...