Se este fose un curso normal, hoxe sería un día de nervios para o noso alumnado: as notas, as actuacións do festival, a despedida dos de sexto, as vacacións de verán... pero por mor deste coronavirus que cambiou as nosas vidas é un fin de curso moi diferente.

    Por iso desde o claustro de mestres quixemos facer un vídeo para que esta despedida non sexa tan fría.

    Un vídeo no que queremos transmitirvos todo o cariño que desde as redes non se pode, recordar os momentos vividos antes do confinamento, despedir ao alumnado de sexto e sobre todo darvos  as grazas a vós polo voso esforzo e ás familias por terse convertido en mestres improvisados; sen o voso apoio, o noso traballo non sería posible.

    E agora si, agora rematamos o curso avisándovos de que o vídeo é un pouco longo porque vai cheíño de sentimentos como o agarimo, o orgullo que sentimos de vós ou a pena da despedida.

   Desexámosvos un bo verán e que nos atopemos todos sans en setembro para recibirvos cos brazos abertos e que o cole recupere os seus sons habituais que así, tan silencioso, da moita pena.

UNHA  APERTA  MOI  FORTE!!!

     Outro curso máis que remata...

     Para decirlle adeus ao 2018/19, preparamos un festival de fin de curso cheo de grandes actuacións de todos os nosos alumnos e alumnas que esperamos que vos gustaran moito.

     Se vos gustaron tanto como para repetir, podedes volver  a velas a continuación!!

 TAMÉN  PODEDES  ACCEDER  ÁS  FOTOGRAFÍAS  DO  FESTIVAL  NO  ENLACE:

GALERÍA  DE  IMAXES

    Este ano na excursión de fin de curso fomos a visitar o Castro de Santa Tegra xa que nos parece unha saída didáctica moi interesante que serviu para que o alumnado coñecese de primeira man o modo de vida dos nosos antepasados: os castrexos.

    Nesta visita didáctica a guía contounos o motivo da ubicación deste poboado e moitas cousas sobre o seu modo de vivir, a súa organización, os tipos de construcións...

   Ademais fixemos varios obradoiros para saber cómo facían as súas ferramentas, como elaboraban as súas pinturas e ata como facían para prender o lume. Tamén visitamos o museo do castro.

    Despois repuxemos forzas cunha boa comida, disfrutamos das vistas da desembocadura do Río Miño que serve de fronteira natural entre Galiza e Portugal e fomos a pasar a tarde á praia.

 PODEDES  VER  TODAS  AS  IMAXES  DA  EXCURSIÓN  NA

GALERÍA  DE  IMAXES

O  EQUIPO  DOCENTE  DESTE  CENTRO  QUERE  DESEXARVOS  A  TODOS

    Para dar por rematado este curso, celebramos o noso Festival de Fin de Curso coas actuacións de todos os alumnos e alumnas do centro.

   Esperamos que vos gustaran as nosas actuacións que podedes volver a ver nos seguintes enlaces: BO  VERÁN!!!

    Dende hai varios anos, a ANPA organiza actividades lúdicas para rematar o curso.

    Nesta ocasión, o alumnado puido disfrutar destas actividades no pavillón do colexio repartidos en dúas quendas: Infantil e Primaria.

VER  TODAS  AS  IMAXES  cedidas por Imaxinatia

Finaliza o curso 2016/17 e chega o verán!

    Para rematar con ledicia, preparamos o noso festival con pequenas representacións teatrais, actuacións musicais e acrosport.

    A continuación deixámosvos uns vídeos de cada unha das actuacións esperando que vos gustasen moito e que disfrutarades delas.

   E para rematar, deixámosvos un vídeo e unhas imaxes das despedidas que o fin de curso trouxo consigo. Por unha banda os alumnos de 6º de Primaria (Jazmin, Rocío, Herbert y Marco)  que nos deixan para marchar ao instituto, e por outra o noso director, José Manuel López Santos, que ben merece unha boa xubilación despois de tantos anos adicados á docencia.

   Desde o centro, toda a comunidade educativa desexámosvos o mellor nesta nova etapa das vosas vidas.

FELICES  VACACIÓNS  E  BO  VERÁN  PARA  TODOS!!

ACTIVIDADES   DEPORTIVAS  ORGANIZADAS  POLA  ANPA