A finais de novembro deron comezo os campionatos de brilé (organizados pola especialista de Educación Física) nos recreos dos martes e dos venres para os cursos de educación primaria. Rematarán a mediados de xaneiro.
O xoves 5 de decembro celebrouse na praia fluvial de Liñares o campionato zonal de campo a través, coa participación de case 900 escolares de centros da Estrada, Cuntis e Moraña. O noso cole conseguíu un diploma e unha medalla, grazas a dúas campioas: Sara Neira López (de 2º de primaria) e Celia Castaño Pazos (de 3º de primaria). Noraboa a elas e a todos os participantes polo seu esforzo e a súa deportividade. E grazas ás familias pola súa colaboración.
O noso centro foi seleccionado para participar, durante o curso 2019/2020, no programa PDC (proxecto deportivo de centro) - CENTROS ACTIVOS E SAUDABLES do Plan Proxecta.
O xoves, 3 de outubro, todo o alumnado de infantil e primaria asistíu a unha sesión de Iniciación aos deportes de loita: judo, polo que deberon vir ao colexio con roupa deportiva.
Os días 26, 27 e 28 de abril parte do alumnado das aulas de 3º, 4º, 5º e 6º de Educación Primaria, tivo a oportunidade de participar no Campionato Local de Bádminton de A Estrada que se celebrou no pavillón polideportivo Manuel Coto Ferreiro. A actividade ubicase dentro do proxecto Xogade no que participa o centro. Tendes unha pequena mostra de imaxes nas Galerías.
Nas Galerías de fotos da nosa páxina podedes acceder á colección de imaxes tomadas durante o desenvolvemento da actividade de Campo a Través o 30 de novembro na que participaron alumnos e alumnas de 3º, 4º, 5º e 6º curso de Educación Primaria
O 30 de novembro os nenos e nenas de 3º, 4º e 5º de primaria inscritos participaron na carreira campo a través que tivo lugar na praia fluvial de Liñares. Alí estiveron tamén os CEIP de Oca, Codeseda, Figueiroa, Pérez Viondi e Lourdes; o IES Nº 1 e o CPI Aurelio Marcelino de Cuntis. Foron arredor de seiscentos os participantes, que se distribuíron en catro categorías: benxamín, alevín, infantil e cadete.
Os días 26, 27 e 28 de abril, parte do alumnado de 3º, 4º e 6º de primaria participou na Estrada nun torneo de bádminton, que se enmarca no Programa XOGADE (Xogos Galegos Deportivos en Idade Escolar), organizado pola Secretaría Xeral para o Deporte en colaboración coas agrupacións deportivas e federacións galegas.
