Hoxe, mércores 6 de abril, tivemos a inmensa sorte de contar con Sara Ruíz e Carlos González.
Fixeron un pequeno concerto de Viola de gamba para o alumnado de Primeiro e Segundo de Primaria e, ademais, estes nenos e nenas puideron probar a tocar o instrumento. Pasárono xenial!
Eles e nós inmensamente agradecidos a Sara e Carlos pola súa presenza no centro.
O alumnado de Sexto de Primaria participou durante seis xornadas no Proxecto Inspira Steam, un proxecto pioneiro para o fomento da vocación científico-tecnolóxica entre as nenas, baseado en accións de sensibilización e orientación, que imparten mulleres profesionais do mundo da investigación, a ciencia e a tecnoloxía.
O proxecto estivo organizado en colaboración coa Universidade Deusto e coa Universidade de Vigo e foi levado a cabo polas mentoras Luisa Álvarez e Cristina Puga, a quen lles damos as grazas pola súa implicación e adicación.
A experiencia resultou marabillosa, tal como se pode ver no vídeo.
