Blogs

Non podíamos ter mellor estrea para a radio que escoitando a sabiduría dos nosos maiores, aprendendo e conversando con eles. Pingüi riu e chorou de emoción, canta tenrura e cariño desprenden! Volvemos pois a facer a pregunta do principio: que facían os nosos maiores para vivir nun mundo menos contaminado? Escoitade con moita atención o que nos contan porque as bibliotecas das persoas, as humanas, son as máis importantes, apréndese unha asignatura que non aparece nos libros do cole: a da vida. Grazas polos testimonios e parabéns a todos e todas polo traballo feito!  

Aquí vos deixamos para a lectura de toda a comunidade educativa e autoridades competentes o decálogo que fixeron en equipo varios grupos do noso cole para reducir, reutilizar e reciclar o lixo que xeramos nos recreos. Están feitos uns gardiáns do medio ambiente, reto de outubro conseguido! Aínda queda moito por facer pero con pequenos xestos coma estes podemos cambiar as cousas. Xa o di o proverbio: "XENTE PEQUENA, EN LUGARES PEQUENOS, FACENDO COUSAS PEQUENAS.. PODEN CAMBIAR O MUNDO!"

Un dos retos deste mes de Pingüi era, a partir da presentación do libro "El Capitán Verdemán" da Editorial Juventud, imaxinar como sería este superheroe. Aquí tedes os traballos dalgúns compañeiros e compañeiras. #carralsostible

CAPITÁN VERDEMAN from CEIP VICENTE OTERO on Vimeo. 

Aquí vos deixamos os primeiros "Contos que veñen e van" neste caso coa temática do Samaín. Estade atentos e atentas que durante estes días irán aparecendo máis. Picade nos ollos laranxas das cabazas. Fixéstedelo xenial!