O 14 de Maio celebramos o Día das Letras Galegas co escpectáculo  "Con V de violín e de Villalta" a cargo do mago Martín Camiña.

Un espectáculo máxico e literario, cargado de ilusción sustentado na poesía, narrativa e sorpresas da vida e obra de Luisa Villalta, a homenaxeada este ano.

Dende "Música reservada" e "Ruído", pasando por "En concreto" e polas cordas imaxinarias do seu violín, xerou unha trama tecida na arte do encantamento das palabras desta ilusionista da escrita, nun acto escénico máis raro, máis estraño e máis abraiante que escoitar galego no centro da Coruña.

O alumnado disfrutou dunha actuación chea de maxía e ilusión en directo.

Nos últimos días do segundo trimestre, o alumnado do Varela Buxán realizou dúas saídas do centro que serviron para introducirnos na temática do noso proxecto Coñecemos os Muíños.

O alumnado de EI e o primeiro ciclo de Educación Primaria desprazouse ata a parroquia de Prado (Lalín) para visitar e coñecer o funcionamento do Muíño de Cuíña, en funcionamento dende o 1918. Nel, o noso alumnado puido coñecer de primeira man o funcionamento dos muíños e da elaboración da fariña. 

O alumnado de terceiro, cuarto, quinto e sexto de EP tivo un viaxe un pouco máis longo. Neste caso desprazouse ata o Parque Natural do Monte Aloia, en Tui, para realizar parte da senda dos Muíños de Tripes. Neste lugar, a rapazada tivo a oportunidade de coñecer 15 muíños e desfrutar dun fermoso percorrido ao carón do río Tripes.

O 31 de Outubro celebramos o Samaín no colexio. O alumnado disfrutou dunha xornada lúdica con xogos e obradoiros terroríficos. Tamén decoramos o colexio terroríficamente, o alumnado pasou unha xornada moi divertida.

O 29 de maio todo o alumnado do centro participou en carreiras moi variadas: sobre aros, salto de vallas, de coelliños, en zig-zag, de rás, de canguros, de camareiros/as e de carretillas.

Todas e todos pasámolo moi ben!

O día 16 de maio visitounos "Polo Correo do Vento"; un contacontos e un ilustrador que nos achegaron á figura do homenaxeado do Día das Letras Galegas 2023: Francisco Fernández del Riego.

O alumnado realizou un taller de debuxo consistente en elaborar unha caricatura do autor, así como coñecer a historia da súa vida.

Velaquí o ben que quedou,

O día 20 de abril para conmemorar a Semana do Libro tivemos a sorte de recibir a visita da poetisa Ángeles Madriñán.

Fíxonos partícipes dos seus coñecementos e realizáronse actividades relacionadas co mundo da poesía (emparellar versos, lectura dunha obra...).

Foi un auténtico pracer contar con esta visita tan produtiva.

Moitísimas grazas, Ángeles!

O 8 de marzo, en conmemoración do Día da Muller, fixéronse actividades moi variadas. Algúns exemplos foron: debuxos sobre a muller máis importante das vidas dos nosos pequenos e pequenas de educación infantil, decorouse o símbolo representativo deste día, creáronse montaxes de fotos temáticas, realizáronse debates nas aulas sobre mulleres importantes da Historia e participouse en obradoiros de igualdade.

Velaquí as fotos!

O día 23 de febreiro conmemórase a figura de Rosalía de Castro e dende o centro quixemos homenaxear á autora galega.

Para iso fixemos un photocall cunha caracterización específica rosaliana, levouse a cabo o recitado de poemas da escritora por parte do alumnado de educación primaria e o alumnado de 6º de primaria cantou "Campanas de Bastabales" con acompañamento musical.

     Este venres 19 de Novembro celebramos no Colexio o Magosto con unha xornada adicada a xogos tradicionais e populares da nosa Comunidade, como; a mariola, o xogo da ra, a carreira de sacos, os zancos, o pano...entre outros. Tamén tiveron a oportunidade de observar un experimento científico que os deiuxou abraiados. Os alumnos participaron en todos os xogos nunha xornada lúdica que estivo acompañada de castañas asadas.

   Un ano mais chegou o Samaín; o alumnado disfrazouse de medo e disfrutou dunha xornada lúdica na que se levaron a cabo moitos talleres; contacontos, pócima máxica, visionado de cortos de medo, xogos de samaín, búsqueda do tesouro, taller de tacto... O alumnado pasouno moi ben, velaí proba delo: