Moi bo día!

Hoxe comezaremos traballando o sopro. Para poder levar a cabo o noso exercicio precisamos un vaso, unha  palliña e auga. A actividade consiste en soprar pola palliña e conseguir facer burbullas, unha vez conseguido isto pedirémoslle ao neno/a que beba pola palliña. Así traballaremos tanto a espiración como a inspiración bucal. 

Déixovos por aquí un enlace a un vídeo de youtube para realizar praxias. 

Moi bo día!

Hoxe quero presentarvos unhas novas actividades, trátase da  ximnasia cerebral. 

A Ximnasia Cerebral é unha técnica que nos axuda a xerar conexións neuronais. Isto permitirá mellorar o noso rendemento, tanto na escola como noutro ámbitos. 

Moi bo día!

No día de hoxe traballaremos o sopro de forma moi sinxela e con unha actividade que seguro vos gusta. Hoxe vamos a inflar globos, no caso de non ter globos podemos empregar guantes, pequenas bolsas de plástico...(é necesario levar a cabo unha vixilancia cando se empregue este tipo de material) 

Moi bo día!

No día de hoxe propóñovos traballar a atención e concentración a través dunha matriz de números. 

https://drive.google.com/open?id=1G9W02ah4nBgx_ZHtaiLuixULN3jM1Adq

Moi bo día!

Volvemos con ganas para traballar a linguaxe oral.  Coma sempre comezarei propoñéndovos unha actividade de sopro. Neste caso precisades un vaso ou recipiente similar e unha pelotiña ou pompón que pese pouco. A actividade consiste en conseguir sacar a pelotiña do recipiente mediante o sopro. 

Para traballar as praxias deixovos un vídeo con varias ideas. 

Moi bo día!

Hoxe comezaremos traballando a atención e a concentración, para iso déixovos un documento con matrices de letras. Espero que vos resulte entretido.

https://drive.google.com/open?id=1gNp35R-25BK_DgQI7_M6CCu8GM-uxTXH

Moi bo día!

Benvidos a un novo trimestre!  Espero que tivésedes unha boas vacacións, dentro do posible. 

Vamos comezar coa estimulación da linguaxe oral.

Bo día!

Hoxe propóñovos pasar un anaco pintando. Isto axudaravos a estar máis relaxados e a traballar a vosa concentración. Déixovos por aquí uns debuxos descargados da páxina web https://www.orientacionandujar.es/. Os debuxos pertencen ao artista M. Lange. 

Bo dia! 

Hoxe volvemos con gañas para traballar a linguaxe oral. 

Comezaremos cun un xogo de sopro, para iso déixovos o enlace a un vídeo de youtube no que se explica como facer un gusaniño co que poderemos facer carreiras de sopro. 

Moi bo día!

Hoxe 2 de abril conmemoramos o día mundial da concienciación sobre o autismo. 

No ano 2007 a Asemblea Xeral das Nacións Unidas instaurou este día co obxectivo de poñer de relevo a necesidade de contribuír á mellora da calidade de vida das persoas con trastorno de espectro autista (TEA). 

Cada ano se levan a cabo campañas para tentar acadar ese obxectivo.