As regras do Balonmán
O Campo.
O campo de balonmán está dividido por dúas metades. As dimensións son 40 metros de longo por 20 metros de ancho. En cada extremo hai unha portería de balonmán que está delimitada coa liña de gol, a área de 6 metros, espazo onde só pode pisar o porteiro. A liña de 7 metros, onde se efectúan os penaltis. Por último, unha liña descontinua chamada liña de 9 metros desde onde se lanzan os tiros.
Posición dos xogadores de Balonmán.
Central: este xogador está colocado no centro do campo e é o encargado de dirixir o xogo ofensivo e defensivo. Dita que xogada se vai a facer en cada momento. O seu maior apoio son os dous laterais.
Laterais: 2 xogadores colocados un a cada lado do central, son os encargados de descolocar a liña defensiva do equipo contrario.
Extremo: 2 xogadores colocados en cada esquina, preto da liña de banda. Son os máis áxiles. Buscan ocos por onde atacar e abrir a defensa.
Pivote: está situado entre a defensa e na liña de 6 metros. É o encargado de desprazarse e mover a defensa. En ataque encárgase de buscar ocos entre a defensa do equipo contrario para facilitar o xogo dos compañeiros.
Porteiro: é o encargado de protexer a portería. Debe evitar que o balón entre dentro e marque gol o equipo contrario. O porteiro é o único que pode tocar o balón con calquera parte do corpo.
![](/centros/ceipvalleinclanoleiros/system/files/u33/balonmanoeducacionfisica.jpg)
Cales son as súas regras?
Regras xerais.
Cada equipo componse de 7 xogadores no campo. O porteiro, central, laterais, extremos e pivotes. O resto dos xogadores esperan no banco a que se realice un cambio. Neste xogo, a diferenza do fútbol, non hai límites de cambios.
Xógase en pavillóns pechados.
Está prohibido tocar o balón co pé ou calquera parte das extremidades inferiores.
Non se pode pisar a área do porteiro ou liña de 6 metros.
Non se pode dar máis de 3 pasos sen botar o balón.
Nun lanzamento desde a liña de 7 metros, penalti, non se pode tirar o balón á cabeza do porteiro.
Débese estar en continuo movemento cando se suxeita o balón. Más de 3 segundos parados será sancionado.
Regras de lanzamento.
Saque de portería: Realízao sempre o porteiro. Sucede cando o equipo contrario lanza o balón a portería, liña de fondo. Tamén se o rival pisa a área de 6 metros.
Saque de centro: Realízase ao empezar o partido e despois de cada gol. Os xogadores estarán colocados no seu campo ata que se saque.
Saque de banda: Cando a pelota salga polos laterais do campo.
Golpe franco: cando haxa unha falta ou unha xogada que estea en contra das regras do balonmán.
7 metros: é o tiro de penalti. Chámase así porque a liña de penalti está a 7 metros da portería. Sucede cando se realiza falta ao xogador que ten ocasión de gol ou se a defensa pisa a área do porteiro, tamén chamada liña de 6 metros.