blogue deadmin

Lembramos que, segundo acordo do Consello Escolar e tal como está reflexado no calendario para o presente ano dende o comezo de curso, o próximo luns, día 20 de Maio, será día non lectivo e polo tanto non haberá clase.

                                                                                                                  A Dirección

En reunión do Consello escolar celebrada o 19 de Marzo do 2013, aprobouse por total unanimidade que o criterio complementario a escoller polo centro para o proceso de admisión fose o seguinte:

 -   Ter o domicilio familiar na área de influencia do Centro.

    A forma de acreditar este criterio será o mesmo que para o de proximidade do centro educativo ao domicilio familiar, xa tido en conta dentro dos criterios xerais que marca a lexislación vixente.

   Como queira que non houbo ningunha proposta de cambio do mencionado criterio, ese vai seguir sendo o que se teña en conta no proceso de admisión para o vindeiro curso 2024-2025, o cal fago constar como Director-Presidente do Consello Escolar.

                                 En O Grove, a 20 de Febreiro de 2024.

                                                                                                                       O Director

Informamos de que o periodo de presentación de solicitudes de admisión para alumnado novo  será do 1 ao 20 de Marzo.

• Forma de presentación: electrónica e presencial   

            -Forma electrónica: Entrando en https://www.edu.xunta.gal/admisionalumnado con certificado de identidade e sinatura dixital ou sistema de usuario e clave como a Chave 365, cubrindo a solicitude (Modelo ED550B) e presentandoa na sede electrónica da Xunta.

             -Forma presencial: Na secretaría do centro posto en primeiro lugar ou en calquera dos rexistros establecidos pola administración para estos casos.

• Documentación a presentar:

             -Modelo de solicitude cuberto. Facilitaráselles na Secretaría do Centro. Tamén poden descargalo, cubrilo e /ou imprimilo premendo no seguinte enlace: (Anexo II:Solicitude de admisión)

             -Documento acreditativo do requisito de idade do/da alumno/a (fotocopia do DNI ou da folla correspondente do libro de familia).

            -Certificado de matrícula do curso actual (agás para 4º de Ed. Infantil).

            -Convenio regulador ou resolución xudicial de separación ou divorcio, se é o caso.

    Importante: Só se atenderá no horario de Secretaría (luns, martes, mércores e xoves de 09:40 a 10:30 h., venres de 13:50 a 14:40).

                                                                                                             A Dirección