VISITA Á CASA DOS PEIXES
Aproveitando que están a traballar os seres vivos en Ciencias Naturais, os nenos e nenas de 1º de Primaria visitaron a Casa dos Peixes na Coruña.
PREMEDE NA IMAXE!
FRAN AMIL EN CONCERTO
Organizado polo departamento de Normalización Lingüística do Concello de Betanzos, Fran Amil presentou no cole, para a rapazada de 3º de Primaria, o seu espectáculo POPSÍA. Os nenos e nenas gozaron moitísimo coa poesía e a música.
CONCERTO NO PALACIO DA ÓPERA
Alumnado de 3º, 4º, 5º e 6º de Primaria desprazouse ata Coruña para gozar do espectáculo musical "La leyenda de Armonía" no Palacio da Ópera. Botádelle unha ollada ao vídeo premendo na imaxe!
ADMISIÓN ALUMNADO PARA O CURSO 2024-2025
Desde o vindeiro venres día 1 ata o 20 de marzo de 2024 permanecerá aberto o prazo de solicitude de admisión para o vindeiro curso 2024/25, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria que desexa cambiar de centro escolar sempre que haxa prazas dispoñibles.
Poden realizar as súas consultas no teléfono 881880237 ou no correo electrónico ceip.vales.villamarin@edu.xunta.gal
Publicación das listaxes provisionais de alumnado admitido: 25 de abril.
Publicación das listaxes definitivas de alumnado admitido: 15 de maio.
Formalización da matrícula: do 20 ao 30 de xuño.
INFORMACIÓN:
Calendario procedemento de admisión
Tríptico PEC (Proxecto Educativo de Centro)
IMPRESOS:
Documento de autorización de matrícula
Solicitude de transporte normal (domicilio a máis de 2 km.)
Solicitude de transporte excepcional
PUNTO LARANXA
A Consellería de Cultura, Educación, Formación Profesional e Universidades publicou recentemente o Plan Integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso e ciberacoso escolar, co fin de dar resposta a este tipo de situacións nos centros educativos.
Unha das medidas establecidas nestes documentos é a instalación do denominado Punto Laranxa en cada un dos centros de ensino.
Trátase dun espazo físico e virtual onde calquera persoa poderá denunciar de xeito anónimo unha situación de posible acoso ou ciberacoso escolar.
O Punto Laranxa Físico estará instalado na entrada do edificio de Primaria nun lugar visible e accesible para todas as persoas que forman parte da comunidade educativa. Este punto consta dunha caixa onde calquera persoa pode depositar información relativa a unha posible situación de acoso ou ciberacoso escolar e, ademais, dun pequeno espazo onde o centro será quen de incorporar información adicional relacionada con esta temática.
O punto Laranxa Virtual estará habilitado na páxina web do colexio. Os usuarios anónimos disporán dun formulario cun único campo de texto no que escribir a súa mensaxe.
ROSALÍA DE CASTRO
O día 23 de febreiro recordamos a Rosalía na data do seu nacemento. Premede nas imaxes para ver algunhas das diferentes actividades que fixemos para conmemorar esta data. Se clicades neste enlace A GALEGA UNIVERSAL poderedes escoitar un poema, que a escritora Concha Blanco lle adica á autora, interpretado polas nenas e nenos de 3º de Primaria.
PREVENCIÓN DE INUNDACIÓNS
As nenas e os nenos de 3º de Primaria aprenderon que facer para previr inundacións, da man de Augas de Galicia. Botádelle unha ollada ao vídeo premendo na imaxe!
XORNADA DE PORTAS ABERTAS PARA AS FAMILIAS DO NOVO ALUMNADO
As familias do novo alumnado do CEIP Francisco Vales Villamarín para o curso 2024/2025 que naceron no ano 2021 e non coñezan o colexio, poden pasar a visitar o edificio de infantil o próximo martes, día 27 de febreiro de 2024, ás 16:30 h., e recibir información sobre o colexio e a etapa educativa que van comezar.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »